1137香港電視,最近又炒起...
睇返我上次寫HKTV係2月10號,原來已經5個幾月前(感覺好似1-2個月前寫咁)
上次寫既時候股價正正新高既頂,收市6.7,今日收市7.09(今日係新高收市價)
上次結論係呢浪炒完,收工,之後我都無再跟進返,因為佢股價見頂後一直潛水,港股美股大跌果陣,3月中最低3.8左右...之後反彈4月頭最高5.3..升返40%
之後再回返落5月尾又去返3.9,之後6月底前4.1-4.2波動
然後7月2發盈喜賺不少於9,000萬,先再俾人炒返起
我解釋下點解會發盈喜(我知呢篇文出得遲左)
HKTV公司每個月都會公佈佢每月訂單總商品交易額
因為疫情關係,基本上個個月都同比大增,6月粒數係7月6先出,7月2出盈喜,7月3股價升16%,7月6先出6月交易額,然後7月7股價跌6.4% 其實6月唔係差,同比都有增90%,7月香港又爆第3波疫情,所以之後又有期待
回正題,1-6月商品交易額27.44億,同比增113%,
根據我之前既Model估計,1-6月公司直接銷售額11億,特許商品銷售16億
1-6月公司直接商品銷售毛利估計2.6億,特許收入3.5億,公司正式賺返黎既收入共6.1億(我稱之為經常性現金收入)
1-6月公司經常性現金開支,根據我估算增46%,5.3億,包括配送成本,推廣,後勤等開支
所以我估算1-6月經常性利潤大約8000萬左右...(公司盈喜不少於9000萬係包括非現金項目)
不過實際數字要等公司公佈,我用既係2019年Model,同疫情下既Model可能會好唔同...
虧轉盈主要係收入增長強勁,但成本增長較低,效率提升,利潤率提高,7月香港又再爆,令到D人減少出去購物,估計下半年增長仍然高,估計全年賺1.6億或更多的機會都好大,最近公司提高免運費購買金額,有利補助配送成本
2月10果時,香港疫情未有好嚴重,亦都無預計會持續咁耐,所以當時我估公司2020年轉賺好難,因為1月商品成交額只增49%,但之後2-3月係增超過1倍,1-6月增113%,所以轉賺應該是預期內
而家問題係,公司商品成交額到左頂未,而家公司商品交易額4-5億一個月,2019年糧油雜貨佔總銷售額40%左右,疫情下估計呢個佔比會大左,如果去到60%-70%,大概每月有3億係糧油雜貨...
如果參考全香港超級市場交易額數字,一個月大約47億,超市以外食品大約28億,共75億
HKTV糧油雜貨交易額佔全港大約4%...應該仲有上升空間...
如果疫情持續至2021年,估計公司交易額都唔會增100%,有20%已經好強...除非公司有重大轉變,令到唔網購既人都加入。當中有好多不確定性,每月商品交易額是關鍵數據，公司發展都係關鍵，公司如果無重大轉變，單靠疫情好難再推高銷售額，而家問題係HKTV幾時先做到野令銷售額穩定地提高，而非只靠變化好大既環境因素。
估值及詳細分析，我留待收費欄再寫。
沒有留言:
張貼留言