魯大師(3601)話開會傾特別息但又取消，中間又減持股票，詳細經過解剖

 見到唐牛講魯大師單野真係幾有趣，我補充少少資料，因為現時網上世界都要靠快，越快出文第一個講就最吸引到人，好多時幾個簡單資料就腦補成件事，漏左好多重要既資料，同事實差距勁大，我補充返大家可能會了解更多，更接近真相(雖然大家對真相都唔太在乎，有花生食就夠)。

首先由股權架構講起，先講講歷史，魯大師係魯錦開發，但2010年魯大師俾奇虎收購左，奇虎就係360(a股601360)母公司，咁好自然大股東係奇虎，咁田先生又係乜水? 田先生係360員工，2014年360將魯大師業務拆做一間公司(成都奇魯)俾左田野管理，2014年成立時，成都奇魯由奇虎科技、奇英科技及田先生分別持有48 .6%、36 .4%及15%。

2019年上市時因為重組，股權架構略有轉變，奇虎持有的股份放左入誠盛，田先生股份放入大師控股，同時間奇虎同田野簽委託協議，授權佢有投票權，所以田野算係間接地持有埋奇虎既股份，本來佢佔22%左右，加上奇虎31%股份，田野控制權就超過50%(53%)，這是上市時的佔比。今次減持係奇虎持有的股份與田野持有的一同減持，所以不只有田野減持，連奇虎都有減持。

除左奇虎同埋田野，第3大股東是嵩遠國際，呢間係上海東方網子公司，上海東方網由上海市國務院國有資產監督管理委員會控制。間接都有少少地方政府背景。

根據年報，2022年底各方持股(總發行2.69億股):

奇虎360(誠盛): 8274.5萬股

田野(大師): 4591.9萬股，因為佢受委託，可控投票權加奇虎持股等於1.2866億股(8274.5萬股+4591.9萬股)

上海東方網:4728.2萬股

其他股東:9305.8萬股

今次減持

奇虎360(誠盛): 8274.5萬股->4840萬股(減少3434.5萬)

田野(大師): 4591.9萬股其實無減少過，因為佢聯埋誠盛計所以都係減少3434.5萬股(4591.9萬股+4840萬股=9431.9萬股)

所以重點係今次大跌，d貨射左俾邊個?

9月20日減持，減左3434.3萬股，最高$1.84，平均$1.23，當日股價最高1.89，最低0.98，成交量4403萬，非大股東成交量968.7萬股。主要成交集中下跌後，即係大股東係跌左先大手沽，但跌左又點會有咁多散戶錢接? 所以我唔覺得係散戶接貨。

出左董事會公告之後第一日9月12成交量359.8萬股(咁岩又係360?)，當日各券商持股變化可以睇返ccass，老虎證券9月6日偷步掃左99.8萬股，但大跌前無乜減持。futu應該有一個主要股東擺左貨係入面，有19%貨，9月12增持53.5萬股，9月13再增持48萬股，之後都主力增持無減持。方正d客戶就2022年11月15開始一直增持無減持過，最怪係dbs，有客戶9月12日掃左67萬股。

9月12-13日之後其實無咩成交，直到大跌果日，因為t+2所以仲未睇到邊個接左大股東既貨。

上圖老虎

上圖futu

上圖方正

上圖dbs

2020魯大師收購左一間小型券商萬隆證券，魯大師(03601)逾1000萬元購萬隆證券 擬開拓線上金融業務，奇虎近年都想攪金融，上年推左3660奇富科技上市(三、六零鉅虧之後，週鴻禕要把360數科推到港股上市)，之後有咩攪作? 就唔知了。

小結

今次主要是奇虎減持，睇大跌前股權變化，再加上大跌當日成交量時間同價格，唔似係散戶接火棒，不過再進一步了解要等埋當日ccass變化。如果要射倉俾人有好多方法，奇怪在要攪過發特別股息既會議然後取消? 除左引起散戶注意之外，真係無咩特別需要要攪到咁肉酸。

談談Porsche 保時捷 波子(CODE: P911)，最近上市後披露數據及公司最近發展

 Porsche AG(波子AG)係今年9月尾在德國法蘭克福交易所上市(CODE: P911)，係由Volkswagen Group(福士/福斯/大眾集團)分拆出黎。Volkswagen Group有好多大家都熟既子公司(下圖)，除左波子仲有林寶堅尼，Audi，Bentley。Volkswagen本身喺香港就少人揸，但波子，Audi，林寶就一定識。為什麼波子值得寫? 除左自己偏好之外，最重要係奢侈品是有很強投資價值。

不過都要補返一段歷史俾大家知，雖然波子係VW分拆出黎，但上市呢個係波子AG，係由波子控股(波子SE)喺2009年拆出黎賣俾VW，但同時間波子SE係控制VW GROUP，係VW既大股東，係咪好有趣呢，以下係WIKI既描述，未必睇得明，只需要知道，波子控股(波子SE)先係大佬，第2大股東是德國下薩克森州政府，第三大是今屆世界盃主辦國卡塔爾投資局。

2009年年初，保時捷控股公司（Porsche SE）收購福士汽車超過半數的股權，但金融海嘯讓保時捷控股公司也出現資金不足的問題，12月，保時捷控股公司把旗下保時捷汽車公司（Porsche AG）的百分之四十九點九的股份賣給福士汽車，邁出與其合建汽車集團的第一步^[17][18][19]。2012年7月4日，福士宣佈收購保時捷汽車公司百分之百的股份^[20]，但保時捷控股公司已擁有福士汽車集團公司（VW AG）過半數股權。2013年歐盟法庭宣判"福士汽車法"中規定福士汽車股東會決議須有八成股權同意的規定無效，保時捷控股公司正式控制了福士汽車集團公司，保時捷控股公司中保時捷家族擁有半數股權，但卻有百分之百的股東投票權，保時捷家族因此在實際上控制了福士汽車集團。不過保時捷控股公司並未擁有百分之75的福士汽車集團股權，所以福士汽車集團的營收不列入保時捷控股公司的營收。

https://zh.m.wikipedia.org/zh-hk/%E5%A4%A7%E4%BC%97%E9%9B%86%E5%9B%A2

歐洲大家都識既消費品牌一定係奢侈品果堆LV(MC)，GUCCI(母公司Kering（KER）)，HERMES(RMS)，PRADA(1913.HK)，都有在歐洲上市(除左PRADA)，而且過去10年升幅都冠絕大部份公司(除左PRADA)，奢侈品品牌為佢地製造很強的競爭優勢，其他公司難以競爭，原因唔係佢地賣得貴，而係佢地有好長既歷史先可以建立到今日既品牌而其他公司難以短時間搶到佢地既市場，你一個初創公司要做一個手袋，點樣可以令人覺得你個袋既價值可以等同於HERMES? 或者一個老品牌如何創造新款既袋令人覺得你可以同HERMES比? 超難。少競爭係這類公司穩升原因之一，另一個原因當然都要錢配合，全球人均消費力上升先可以有更多人既人有錢去買這類高價產品，收入唔升，好難跳得入成為HERMES長期客戶門檻，儲錢買一兩個係可以但對公司長期收入增長幫助不大，全球QE後人均可支配收入明顯上升，香港已經係，美國更加係，中國更不用說，疫情前自由行來港買金人數都多到逼爆金鋪。題外話唔講咁多住，講返波子。下圖是上面4家公司近十幾年股價圖，次序如上述一樣。

講波子D數之前，講下公司管理層，因為Volkswagen最近都出現人事變動，對波子未來發展都有重大影響，波子CEO係奧利弗·布魯默 (Oliver Blume)，2015年10月開始做波子CEO，佢係接替 Matthias Müller，因為 Matthias Müller 升左上去做Volkswagen CEO。 Oliver Blume今年都經歷Matthias Müller之前既經歷，因為Oliver Blume今年9月升左上去做Volkswagen CEO，就係波子開始準備上市前就升左職，不同的是，Oliver Blume兼任埋波子CEO，而無其他人代替，所以佢應該係近年同時做VW同波子兩個公司既CEO既人，董事會咁睇重佢，一定有原因。

Matthias Müller與Oliver Blume中間其實有另一任CEO，即係Oliver Blume之前果一位，係Herbert Diess，佢被離職既原因根據市場報導係因為佢想大攪電動車，但VW核心技術就係燃油，如果突然大幅轉去電動，會大幅裁員近3萬員工，這個舉動觸發起工會神經，令到公司內部有不滿聲音，被市場認為是要炒佢既原因。VW轉型與其他傳動車廠面對一樣既難題，雖然手上有資金，有生產線，有技術，但燃油車與新能源車除左個油箱引擎換做電池電機之外，仲有好多其他設計上既考慮，特別是軟件。新能源架構下汽車系統是以前不注重，現在被普遍注重的東西，傳統車廠缺乏這種技術，Herbert Diess被炒另一個原因係佢既VW軟體子公司CARIAD專案研發成果不如預期或許有關，CARIAD進度不如預期，令原本計畫好推出既車型要延後2-3年推出，原預期2024年推出Level 4自動駕駛車型，可能要2026甚至2027才可以出到。要2024年出LV4自駕，都算是艱難級任務。其實油車公司面對既問題除左軟件，自身定位都有一定障礙。

喜歡這些跑車級高價車的人，會買波子既原因除左馬力強，加速快，仲有駕駛體驗，例如引擎氣喉聲，轉波既聲，如何讓用家接受新能源車可能無左部份以往喜歡的特色，是對公司所有人的考驗。經營上既風險可以有好多，但投資上又係另一考慮。

近期經營數據上，波子銷量係未受疫情影響，同比持續上升，2020年全球銷量同比減少3%，2021年同比增加11%，2022年1-9月同比增加2%，但公司整體收入增加15.7%，即係產品結構中價格較高的產品銷售佔比增加左，而最強既係公司毛利率一直提高，成本控制做得好。雖然過去不等於將來，將來公司面對轉型電動或其他新能源產品，有很多不確定性，但睇返本身做開油車轉緊做電動車既中國車企，多數都係正面影響，反而提高利潤率，不過現時可以話競爭不大既環境與未來競爭很大的環境又不同說法。所以決定性都係管理既人身上，如何因應當時情況將公司價值擴大，不是數據上可以預期到將來，但從幾個方面去考慮，車企之中，波子可以列入最佳考慮之列，原因如下:

https://investorrelations.porsche.com/en/financial-figures/

1. 強大的品牌價值

波子品牌就如手袋界的HERMES，保值率高，中國是保時捷最大的一個市場，佔公司收入超過31%，根據最近中國汽車流通協會數據，在德系品牌中，波子3年保值率高達96.47%，遠高於第2位既BENZ 只有77.74%。HERMES袋唔只保值，仲可以升值，車要升值就有D難，除非限量版又好吸引人但比較少。

圖片來源: https://www.autoxw.com/post/27896.html

2. 新管理層值得期待

公司每換管理層都為公司帶來新發展，可以係好，可以係壞，2015年做CEO至今，近年波子盤數做到靚一靚，再被提升為VW既CEO，Oliver Blume既管治能力我不會有什麼懷疑，至少獲得VW董事會既肯定，如果佢成功將VW及波子從燃油轉為電動車界豪華品牌，我也不會太意外。VW應該都好努力想做好為佢地不斷帶來利潤既波子。

3.技術仍然領先

除左燃油技術領先，配件都不差，電動車技術未必最領先但定位做豪華車，公司研發方向都係提高駕駛體驗，最近有報導公司研發出液晶遮光玻璃，應該業界第一家，面對現時全玻璃天窗既趨勢，除左自行加遮擋，一個可調既液晶天窗一定是較佳選擇。所以不太擔心公司競爭會被比下去，做到差異化總有市場空間，豪華車不是鬥多鬥銷量，定價過百萬既車你都唔會預期銷量超過定價幾十萬既品牌，即係你唔會認為米芝蓮d餐廳每日客流量會多過老麥，公司只要擴大銷量，提高單價，改善利潤率，做到穩增，已經可以持續提高公司價值。

https://www.carstuff.com.tw/topic/item/37080-porsche-taycan.html

小結

波子呢間公司要講有排講，但大家要明白幾樣野就夠，公司衰退機會低，有能力保持穩增，業務不會每年幾十%高增長，有十幾%已經算好，不要預期短時間會升十倍，倍升都要較長時間，這家公司一定是歐股入面必定要關注既公司之一。

至於買入位，當然越平越好，但公司上市後股價一直升，歐股市場都係10月初開始跌轉升，短期難有大減價，想做長線投資就等待一下，平返10個%已經好好，因為你唔係預期短時間倍升，買入位要等返黎。最尾，大家都要有個買賣到歐洲股票既戶口先可以買，至於邊間就大家自己搵下，我唔幫佢地宣傳(無收錢唔幫haha)。

香港勞動人口減少原因

最近有篇報導(https://cmmns.co/zfW0F)指自2019年6-8月開始，香港勞動人口開始減少，報導入面結論係疫情(外藉人士離港)同移民是原因。不過我想指出，報導提出數據，提出勞動人口減少，然後一下飛左去結論，就係因為這兩個原因，中間無論證或其他數據支持這兩個原因，移民數據?沒有，外藉人士離港數據?沒有。如果要分析勞動人口減少原因，要了解香港人口結構變化。

香港出生人口一直跌，每年新加入勞動人口一直減少，而每年超過65退休的人口逐漸增加。早在2011年，林奮強就香港人口數據去預測(https://paper.hket.com/article/855113/%E9%A6%99%E6%B8%AF%E9%BB%83%E9%87%915%E5%B9%B4%20%E5%8F%AF%E8%AE%8A50%E5%B9%B4)

，到了2016年，香港勞動人口就會減少。其實好易計，當年有幾多個0-4歲，15年後，就係15-19歲既人口，唔計外來人口，要預測唔難。但佢預測同實際數據唔一致，佢預期2016年勞動人口會減少，但實際上要去到2019年至今才一直減少。佢預計唔準既地方係外來人口比較難預計。

勞動人口定義係15歲以上有工做或無工做而又有打算搵工做既人，過去3年勞動人口減少23-24萬人。

政府統計處 : 表6：勞動人口、失業及就業不足統計數字 (censtatd.gov.hk)

如果用整體人口計，15歲以上過去3年既人口減少左5萬左右，如果只計15-64歲，減少左21.8萬人，由64歲踏入65歲既人比14歲踏入15歲既，3年黎累計多出21.8萬人。退休人數遠多於畢業人數。21.8萬已經很接近勞動人口減少，當中可以包含移居人士。

政府統計處 : 表1A：按性別及年齡組別劃分的人口 (censtatd.gov.hk)

之前有公佈每年移居外地人數，係根據領事館發簽證既數字，但最近無提，有篇報導有講淨移出，但港府唔承認係移民。 (【移民潮？】2021年香港居民淨移出2.73萬人　港府：以此證移民潮屬「以偏概全」（附10年數據、普查重點） - 香港經濟日報 - 即時新聞頻道 - 即市財經 - 宏觀解讀 - D220228 (hket.com))，淨移未必準確，做個參考咁過去3年都少左10萬人。我見部份用出入境人數更唔準確，有D報導話過去3個月咁樣計少左14萬，完全錯，如果好似某D”明星”返內地長期居住，納入出境之後無再入境既人，已經是有錯誤。移居又未必一定係長期，可能隨時又返返黎，所以好難計算，但一定唔會係少。

香港單程證來港人士之前每年有4-5萬，80%都是15-65歲這個範圍(https://www.info.gov.hk/gia/general/201711/29/P2017112900344.htm)，不過近幾年減少左，疫情原因，之前每年有3萬幾人(4-5萬既80%)加入勞動市場，近3年得返幾千至萬幾，都令勞動人口有一定減少，3年累計大約5-6萬。

疫情影響人口流動對勞動人口都有影響，不過主要都係人口老化影響是最大，其次移居，無論係移居外國或移居內地都係移居，但唔代表佢地唔會返返黎香港。唔會再返返勞動市場其實只有退休人士(可能有少部份突然又入返勞動市場既)。

要維持勞動人口唔跌，得一個方法，引入香港以外既勞動人口來港，因為本地出生人口好難推高到足以彌補人口老化果個數字，以前一個生幾個，你要追即係要香港人一個生幾個再乘2，無可能發生。香港住屋市場發展同人口發展關係都好密切，人口等如總體住屋需求，住屋數目等如整體供應，供應之前跟唔上香港自然人口+外來人口既增長，但如果香港人口出現自然下降，外來人口不足，供應繼續增加，住屋供過於求的情況遲早會出現，不過政府可以有好多措施引外地人口來港工作及居住，亦都可以控制住屋供應量，所以供過於求情況應該好難長期發生，短期出現可能會。

了解左人口未來發展趨勢，你都大概可以了解未來香港既整體發展，例如可能延遲退休年齡，醫療需求大而新醫療人手少，會引入外地醫療人員，或者其他行業出現同類情況都會引入外來相關人員。

大家對香港人口及勞動人口有個認知就可以，要預計太遠既事係好難，中間可以有很多事改變你既預測，同埋預測這些複雜的事留返俾林奮強這些專家吧。

過往5年港股股息率達5%的高息股實際回報

好多人想收息，但過去5年如果買收息股，最高最低回報會係如何? 又有冇人講過? 叫人買收息股既，永遠只講好既一面，但有邊個會講實際情況，你會面臨咩風險? 你真係會賺到幾多? 還是要蝕錢? 

https://docs.google.com/spreadsheets/d/1DxJDbkXKK2wUbV0iTvJKTAbOW4-fPOZHkvpjz-Cz22E/edit?usp=sharing

以上個表是回顧過去5年，2017年4月17日，港股股息率有5%以上既港股，如果買入持有至今總收股息，股價變化，息與股價變化一齊計既實際回報。俾大家睇下如果當時揀5%以上息率既股，5年後你賺幾多?

當時息率5%以上既港股有187間公司，假設現在有一個人在2017年4月17日想買股收息，預期持有5年，之後唔增持，收息拎現金用左佢，唔會再投資返係股票入面。5年後，每年至少有5%回報，5年回報就是25%，舉個例，你投資10萬，每年收5%息，每年收5,000蚊，5年收25,000蚊，相對10萬回報率就係25%。

如果只計收息，有幾多可以平均每年收到達到5%既股息回報? 假設用50萬買入股票，5%股息率即係每年收25,000蚊股息，5年共收12.5萬就達標，表上第H行就是每間公司總收息金額，結果是87間公司可以之後5年收到12.5萬蚊股息，佔整體187間的46.5%。即是，如果2017年只在5%息率的港股隨意選擇，之後5年收得返5%息既機會率不足50%。

另一個角度睇，唔理股息收左幾多，股息+股價變化，5年內實際回報要有25%，只有36間公司達25%標準，佔187間公司的18.7%。如果只睇息率去揀股買，只有18.7%可以達到每年5%回報。

87間公司係派到息，但總回報率有25%以上既公司只有35間，有51間公司派到息但回報低，其實答案很簡單，就係公司股價係過去5年下跌，即係派到息既公司之中都有59%既公司會令收息者賺息蝕價。不過最近港股弱，如果另一個時段去睇可能會多D公司達標。

如果揀市值大既公司，可唔可以令你增加揀中穩收息既公司? 

市值最大6間公司係銀行，包括四大中國國有銀行，加上匯豐及中銀香港，5年都達唔到實際回報率25%標準，最高既工商銀行只有23%，最低係匯豐，只有5%，雖然匯豐最近回升返，但5年前買持有至今計埋息只有5%回報。匯豐、農行、中行與中銀香港回報較低，主要原因是股價過左5年跌左16%，影響整體回報，農行如果投資50萬，收返$145,583股息，比工行還要多，但股票賬面值虧損$80,000，賺左息蝕左價，收14.5萬股息蝕返8萬出去，淨賺只有6.5萬，5年回報率只有13%。

按市值大至小排，頭3家達到25%實際回報率既是周大福，聯想，電訊盈科，後兩者就係俾恆指剔走左曾經成份股。以下股票是派到超過125,000股息，加埋股票賬面值，總回報率達25%的港股，總共29間公司。

股價跌係咪一定達唔到標? 股市總有少許例外情況，例如3383雅居樂，股價跌左42%，但派息多，計返息5年都有26%回報，另一個朗生醫藥，股價跌41.8%，但實際回報有58%，原因是最近一次公司派特別股息，將公司現金派哂俾股東。

有個同雅居樂好相似既情況，就係恆大3333，恆大股價雖然跌左80%，由8.28跌至1.65，但如果5年前一直持有至今，每股收左3.76港元股息，實際回報是-35%。曾經睇書有提到，高息股是熊市保護傘，雖然股價跌，但持續收息抵銷跌幅，令回報高於低息股，果本書是統計美股高息股得出的結論。之後有時間我可以做多次全港股統計，睇下高息股在熊市下是否保障到投資者。

未做統計之前比張有趣既股價圖大家睇，過去5年，派息同股價都穩既電盈，對比低息既騰訊，無息既BABA，一樣有息同樣做電信業務既同業中移動，同埋散戶最愛匯豐，電盈除左略低於騰訊，過去5年跑贏哂全部公司，曾經俾散戶鬧到爆既電盈，過去5年表現竟然出眾，其中一個原因應該係ViuTv有關，之後會寫下電盈。

如果要講股息係保護傘，真係可以好多野講，有息中移動不及電盈，無息既BABA衰過電盈，股王騰訊都就快不敵電盈，這5年時間是很精彩，當然另一個時間段落又會唔一樣，如果早一年去睇，騰訊+300%，BABA+200%。呢張圖我可以開另一篇黎寫。

講返正題，計實際回報率，5%息既頭3間最高回報公司是什麼?

1.6865 福萊特玻璃: 1642%回報，主要來自股價大升，公司靠光伏玻璃需求大漲推動收入利潤上升，2017年是公司經營最困難時期，成本上漲令公司利潤同比下跌，但之後光伏市場大熱，公司亦都大賺。

2.1830 完美醫療: 757%回報，即係必瘦站，大家應該都見過佢既廣告，但應該好少人5年前預計到升咁多，最近公司發展內地市場成功是股價上升原因之一。

3.1523 珩灣科技: 460%回報，曾經愛股，大家都應該見唔少我寫過佢，大家可以上FACEBOOK搵返舊文睇返。

1373 國際家居零售，即係日本城，David Webb愛股，排第10，回報率103%，仲有好多股都值得講，不過唔一一介紹了，之後有機會再介紹。

要點先揀到賺價又賺息既股? 這個留返收費欄寫

以上資料不代表全體港股，因為我一開始定左5%以上息率既港股去睇，如果定低d入場門檻例如4%或3%，會有更多公司進入研究範圍內，例如941中移動，當時息率只有3.2%，入唔到，但佢都係高息股，最近2年息率都有5-6%，所以如果不設5%門檻，全部股去睇，有更多股票是可以再研究。

以上資料供大家參考與思考，我相信就算降低門檻，個達標比率唔會有太大變化(如果定在5年25%回報)，如果降低回報率(例如每年4%，5年20%)咁達標比率一定會高d，所以以上設定不代表一切，只代表這個設定下的比率。

總結(十分重要)

希望大家明白一個道理，買收息股，不是只睇股息率，大家見到股息率揀股，以上設定只有46.5%公司之後5年派到一樣息俾你，但就算派到息，有唔少蝕埋股價，得返不到20%是保到回報率。另外，不是覺得穩陣就是可以，好多人覺得銀行股穩陣，但6大市值既銀行股，過去5年回報大家都見到。要賺息又要賺埋價，其實係好難，一樣要做功課了解間公司，唔係人地講買乜乜乜砌個股息組合，每年收息就以為真係一定可以年年收到息。

一定收到高息既產品只有一定同你贖回債券既高息債券(但債券是無一定贖返的)，佢低息環境下俾得高息你，當中一定有些風險溢價，不過相對股票收息，債券收息應該係更保障收息果一部份(除非佢違約)。債券有幾大風險，要計一次先答到大家，如果想收息，債券應該比股票簡單很多，純收息真係唔好諗股票。對於長期投資者，股票派息只係抵銷部份股價下跌之用，不是給你當利息的。

最尾賣少少廣告，就是本人收費欄最近有一個月半價優惠，有興趣可以參考華富既帖(傳送門: https://www.facebook.com/quamnethk/posts/5751364314877679) 

我對長線同短線既睇法

 長文，係想講我對長線同短線既睇法

我覺得幾重要，請大家睇一睇

這是昨晚買賣FUTU既交易記錄~

先戴頭盔，FUTU不是好的炒賣對象，因為佢股價弱~

就算你係炒股高手揀隻強勢股買一定賺得多過買賣FUTU

會買賣佢只係因為之前炒左N日，習慣左佢既D走勢覺得易賺D

股價跌緊都是可以有錢賺，這裡有6次買賣記錄，5賺1蝕

雖然FUTU昨晚係跌，但我昨晚買賣整體賺2%左右。(前晚大跌我都有炒都有賺7%)

純粹想證明一樣野，你有技巧有運氣，咩情況都可以賺到錢。

咁當然你只是買賣股票，唔係沽空買衍生產品，

隻股票要有彈升先有得賺，彈都唔彈係唔會有錢賺。

大家一定覺得好奇怪~發掘十倍股做咩學人炒股~

原因當然有好多，我想帶個重點俾大家~

學投資至今，我都係睇長線既書，因為長線既書講既優點比較多

例如，你坐貨D股票會係你瞓緊覺既時侯都幫你賺錢，你咩都唔洗做擺係度就賺到錢，長線投資一定大賺，長線投資令你變富有，等等。其實好多商業廣告都係講長線投資有幾好，短線有幾危險，短線好多缺點，賺左又會蝕返，長線一定唔會蝕咁。坐貨都會坐返轉升。年少無知，當然唔識分辨這些。又或者以前係有好多例子證明長線係穩賺，短線係無咩賺。投資係好投機就一定係衰。

咁我由長線投資中既最大派系:價值投資學起，睇重基本面。邊個賺最多就跟邊個學，係好正常既起步，所以一定係睇Warren Buffett既書先。但經過多年經驗後覺得，長線投資及睇基本面係正確，但只限於好少數既股票，而家睇返轉頭當然會知你長坐騰訊咪賺囉大錢囉，你長坐TESLA咪賺大錢囉，但幾千隻股票有幾多隻騰訊有幾多隻TESLA，你長坐左BABA你就瓜左啦。再者，一個初學者有冇可能一學就揀得中果少數股票? 幾千隻股票只有幾隻係長升大升既話，幾千個人做長線投資，每人揀一隻黎坐，都總有幾個人會係大賺，但好多人都係揀唔中而賺唔到大錢呢，以前無統計你睇少數既大賺報導，某某買左某股長坐大賺，或某某好彩買中某股長坐大賺，個個都拎佢地黎講當佢地係神，其實係一將功成萬骨枯，用同一個方法但揀唔中股而死左既人你估有幾多? 一定有好多。如果你選唔中果少數會持續上升既股票，你長線投資回報其實極低。

而且有時好無奈既係，你坐緊果陣佢唔升，坐左一兩年都唔升，坐到懷疑人生，無人教你應該點，繼續坐? 走左先? 點知你走左之後半年佢就升，長坐係無人教你點睇股價走勢，點去操作買賣應對不同情況，睇基本面會教到你所有野? 唔可以。

但好多價值投資信徒或長線投資者，都只是相信長線投資才是唯一賺錢方法。這種思想其實有缺憾。只認為單一方法是正確是會將自己限制在某個空間，接受唔到新事物(通常呢D人都比較固執，因為固執先會長坐一隻死都唔沽)。投資就會變得不靈活，世界如果已經變左佢地唔會發覺。Warren Buffett果套係持續左好多年，但近年都有佢跑輸既新聞。因為Warren Buffett一直都唔買科技股，直到近年先重注Apple(AAPL)，Warren Buffett表現好只是因為AAPL表現好，但如果AAPL表現差，佢其實無其他科技股去追落後。而且睇書講要分散投資，Warren Buffett持有AAPL佔佢投資組合去到40%(當然佢仲有好多現金)，咁單一股票佔一個投資組合達40%算唔算分散? 我就認為唔算好分散。(其實無人係完美，Warren Buffett有好多值得我地學習既地方，但亦都唔好盲目當佢係絕對真理)

而且Warren Buffett賺緊錢既時候，其實有其他更多人投資回報率比佢高，只是這些人錢不夠Warren Buffett多，所以無咩人講。又或者多數人不能夠持續多年有呢個成績，但對於散戶，佢地既方法可能更適合，因為佢地用更錢既少去賺返黎，更貼近散戶既資產，你有幾十幾十萬去買賣同你有幾億幾十億去買係完全不同。

基本面只係其中一面，如果只睇一面無睇第二面，你就唔夠全面。你都要學下從股價中了解市場，市場幾時先會係咁買某隻股價從而令股價係咁升? 基本面好一定升? 有好消息一定升? 都唔係，所以價值投資有佢不足地方，要靠自己從市場中學習去補充，就算你睇左教你買賣既書，你都係要靠自己去多買賣練習先會用到會明白，唔會只睇書就識炒股。現在每次我見到人只講一面我就覺得這個人道行仍未夠。

多數青少年其實錢少，需要既係快速將好少既錢滾大少少，滾到有一個規模先可以慢慢坐。因為當你既錢多到某個水平，你投資回報低都夠你生活既時候，你就唔會介意慢慢坐。你有好多錢既時侯一年20%回報率已經好多了，但青少年應該要一年1倍以上回報。

寫左一頁紙(就黎2千字)，暫時寫住咁多，以上各點我都可以再寫多幾千字，最後係度解答返我點解要短炒，就係要補充返自己不足既地方，基本面已經學得7788，但買賣操作仍然有待改進，我係想由增加買賣經驗改善自己之前買賣既不足。當你選股不是選到那少數的股票，或就算選到要面對突然發生的事件，如何做好應對，都是靠短線買賣經驗去學。

最後講返張圖入面既買賣記錄，我已經寫左係收費欄去解釋，去講我點操作，當中思考及技巧，有興趣就去收費欄睇。

收費欄傳送門

https://bit.ly/QuamnetEdwardLee

過去一年有幾多隻MPF香港基金跑贏恆指? (截至2021年7月底)

過去一年有幾多隻MPF香港基金跑贏恆指?

https://mfp.mpfa.org.hk/tch/mpp_list.jsp

答案係接近9成跑贏!!! 

33個基金中有4個跑輸俾恆指，即是有29個基金跑贏，佔87.9%，如果不計重複的基金，只計成分基金，成份基金總數是 26，有3個跑輸俾恆指，即是有88.5%跑贏，大約都是88%左右。

留意返佢係截到7月31，8月又可能不同，到時再Update

同期追蹤恆指的基金升幅是6.94%-7.87%

這4個跑輸俾恆指的MPF香港基金中，2個是景順強積金策略計劃的中港股票基金(1個類別A，1個類別H)，1個是AMTD景順香港中國基金，這3個回報率低於2%既基金都是景順。仲有一個友邦強積金優選計劃-中港基金跑輸，升幅只有4.82%。

點解會跑輸?

應該要搵一年前佢地持有組合是什麼再比較現時組合，不過要搵一年前組合比較難，睇住最近十大持倉先。

景順中港基金6月底持有阿里巴巴佔組合9.4%，騰訊佔組合8.6%，美團佔組合7.2%，3隻股票佔組合25.2%。

以下所有股票升跌已近股息再投資。

過去1年(2020年7月30-2021年7月30)，騰訊跌11.3%，BABA跌22%，美團升11%，仲有平安跌15.7%，入面都有唔少升得多例如信達生物，招行，升幅超過60%，不過我估十大以外既持股有大影響。

https://www.invesco.com.hk/dam/jcr:407e9361-b851-4af1-8200-be35c71a2f0e/hk_china_eqt.pdf

友邦強積金優選計劃-中港基金，基金經理是柏瑞投資，跑輸原因是科技股佔比較多，包括騰訊9.36%，阿里巴巴5.56%，美團4.74%，3家佔組合19.66%。

https://www.aia.com.hk/content/dam/hk/common/form-and-guides/employer/forms/aia-mpf-prime-value-choice-fund-performance-review-may-2021.pdf

至於跑贏恆指的香港基金持有什麼股票?

跑贏的有

1.海通MPF退休金-海通香港特區基金 回報率22.4%，未有透露持股比例

https://www.htisec.com/asm/tc/mpf_details.jsp?fund_id=23

2.永明強積金集成信託計劃-施羅德強積金香港投資組合 回報率20.6%

只有截列3月31日的數據，騰訊與BABA只佔11.96%，美團沒有上十大，匯豐也沒有上十大，創科669佔4.23%(過去1年升幅80%)，海天國際1882佔3.85%(過去1年升幅80%)。

https://www.schroders.com/hkrprewrite/retire/zh/attach.aspx?fileid=e0c6e3e23b4741c5a01755ac3028a24a.pdf

3.永明強積金基本計劃-永明強積金基本計劃香港股票投資組合回報率20% (這個是直接投資施羅德機構匯集基金)

4.永明彩虹強積金計劃-永明強積金香港股票基金 回報率16.5%

騰訊與BABA只佔12.3%，美團沒有上十大，創科669佔1.8%，安踏佔2.3%，招行2.5%。

https://www.sunlife.com.hk/content/dam/sunlife/legacy/assets/hk/Investment/MPF%20-%20ORSO%20fund%20prices%20-%20performance/MPF%20fund%20prices%20-%20performance/Rainbow_MPF_Quarterly_Update.pdf

5.宏利退休精選（強積金）計劃 -安聯香港基金 13.5%

美團騰訊巴巴佔比都有20.92%，應該十大以外賺返黎。

https://www.manulife.com.hk/content/dam/insurance/hk/en/documents/products/mpf/retirechoice-scheme/fundfact-sheet.pdf

結論

今次不是教大家選強積金，只是俾大家回顧返過去一年表現，以及思考一下未來。過去一年不等於未來，如果要比較應該要比較過去每一年表現。思考既地方係恆指最近調動成份股是否好的策略? 股票基金經理是否積極吸納好公司去跑贏指數? 

上面張圖是基金規模，很多人因為覺得基金未必跑得贏指數所以直接買追蹤指數基金，除了永明，永明個基金規模真的很大，是407億，比第2名追蹤恆指的HSBC基金334億多出73或21.8%，比第3位宏利的154億高出2倍有多。原因也不用多說，之前多年跑贏恆指吸引很多人投資。重申我沒有要推薦任何基金。但大家可以認真睇下跑贏好多既基金，是有積極持有較多經營好既公司股票，從而使自己跑贏大市。

但可以講少少應該點揀基金，如果你覺得某些公司無咩增長前景，股價未來增長不會高，但基金十大持股有佢，你就最好不要選擇。舉個例，十大持股比較多公司有匯豐及招行，兩家銀行你覺得招行會升得快過匯豐，咁你揀基金要睇十大最好只有招行，沒有匯豐。又例如，你覺得創科好正，有D公司十大持股有，咁就岩哂你。以下是恆指最新成份股佔比，你可以思考一下佢入面成份股比例你覺得點，我就唔講自己睇法，大家有自己睇法，我講出黎話某某公司唔好只會引來部份人不同意。你可以直接對十大佔比高既公司打分，再乘返佔比，計一計大概分數，就會揀到適合你的基金。基金只提供十大持股，要比較真的有困難，大家只能有限資訊內選擇，沒有辦法，除非積金局要求基金披露更多持股。

https://www.hsi.com.hk/static/uploads/contents/zh_hk/news/pressRelease/20210820T000000.pdf

最後，大家如果有興趣睇多D 這類MPF資料分析，就like多點這篇文及share多點出去，多人睇我先寫多d。

最後最後都係要講返收費欄

收費欄一周年紀念(半價code): EDWARD2021

在訂閱升級版一個月時輸入:EDWARD2021，就可以半價訂購

收費欄傳送門: https://bit.ly/QuamnetEdwardLee

談談現金與資產+收費欄一周年紀念(半價code)

收費欄一周年紀念(半價code): EDWARD2021

在訂閱升級版一個月時輸入:EDWARD2021，就可以半價訂購

收費欄傳送門: https://bit.ly/QuamnetEdwardLee

富途X發掘十倍股8月開戶優惠

香港用戶8月新客福利

【一世免佣】以線上開戶成功開通港股及美股即送港股一世免佣

【送股票】 以線上開戶成功開通港股及美股+存入HKD1萬等值資金並保持到成功存入資金達10,000港元起計60天內賬戶需維持每日日均資產10,000港元或以上 ( 計算方法: 每日資產總和/ 60天， 包括現金及股票等資產都計算在內)，即送美股蘋果1股(AAPL.US)(系統自動發放)

開戶連結

https://passport.futunn.com/?channel=1239&subchannel=41&target=https%3A%2F%2Fsetup2.futuhk.com

最近睇李祿先生首本文集，書中講到有很多人之前都有提過沃頓商學院的Jeremy. Siegel教授提出的統計，他曾在自己的書中做出假設，在1801年的時候，有1美金，分別將這1美金進行現金持有、投資黃金、短期債券、長期政府債券及股市，到2014年為投資終點，各資產表現價值，如下圖:

大家應該都好明白，現金只會貶值，不過睇清楚，在1941年之前，現金仍然維持於1美元左右上落，沒有太大貶值，為什麼在二次大戰後美元貶值? 主流意見都是197X年廢除金本位制度，大量印銀紙，通漲等去解釋，解釋是合理的，但不是原因，因為這些在美元貶值前都已經存在，例如望下以下美國M2(廣義貨幣)增長 

有沒有人去研究為什麼要大量印銀紙? 世界發生了什麼事? 為什麼1941年前美元沒有貶值? 之前沒有通漲嗎? 一樣有通漲。這幾十年世界發生很多事，包括二戰之後各國人口急增，使需求增加，國際貿易更頻繁，使各國貨幣間流通速度更高，科技發展包括農業及工業，推動生產力大幅上升，使原材料供應大增等等，當然還有美國以債務為基礎發行貨幣這個重點。這些才是本，之後影響到通漲及貨幣貶值只是結果，不是原因。通漲及貶值發生既原因很已經有很多人探討過，我就不再多講。今次想講既係，有沒有通漲或貨幣貶值，長期持有現金都是注定會是貶值。今次簡單用故事去解釋一下為什麼現金會貶值，資產會升值。

用另一個故事去說明現金與資產

如果現在是200年前，大約1821年，有五兄弟姐妹的富裕家庭，我用阿1-阿5去代表各人，父母離世將遺產平均分給5人，每人假設有相當於現值1,000萬港元的現金，各人都對這筆錢有不同用途。

阿1只持有現金，放於夾萬，直到200年後今天，1000萬面值仍然是1000萬面值，沒有增加沒有減少。(不考慮歷史金屬硬幣的價值因素，200年前應該不是用紙幣)，因為考慮沒有貶值或通漲情況，所以沒變。但如果考慮到購買力就一定不是升值。

阿2，用1000萬買了一塊地，佢什麼都不做，擺係度哂太陽，200年後價值係幾多? 唔知，可以升值，可以貶值，貶值原因可能塊地已經沙漠化變了一堆沙，再沒有經濟價值，自然沒有人願出更高價買。

只談論以上兩個簡單例子可以見到，你擁有了一個沒有任何產出的東西，例如地/現金，回報是不變的，甚至有機會貶值，因為其沒有產生任何得益，你買塊地擺係度都係零得益，只是有可能地被其他人看中而升值，有人願意出更高價格買下，現金都有可能，有歷史價值的貨幣，都會有機會有人出高於原價買，100蚊面值但有靚號碼的銀紙都會升值，但這都是個別例子，普遍情況或由現今情況去睇，沒什麼可能升值。其他任何產品都一樣，無論黃金或200年都不變的物品，未必一定會升值，你睇返張圖，黃金係1971年前都有低過1既貶值期，但現時需求明顯高於供應。當然總有些物品是例外，某些藝術品是例外，200年不變的皇帝用過的陶瓷碗，或者一位名畫家的畫作。因為他們有獨特性，但這些是很少有情況。可以升值的物品不多，但升值的原因都是因為有其他人肯用更高價格買，但放在銀行的存款一定沒有人肯用更高價格買。所以長期持有現金，沒有人有興趣高於其本身面值去買入。升值貶值都是講其相對購買力，同一面值下在不同時間買入其他物品的量的多少，現時普遍物品供應都是充裕，貨幣自然會貶值。如果是某些國家，國內物品供應少，貨幣又沒增，貨幣一定是升值。

食物其實都會有升值貶值之分，如果存放超過200年既酒，應該都會升值(只要唔係壞左)，如果冰鮮超過200年既豬肉/雞肉呢? 就算無壞，我相信佢價值都是貶值，因為200年前想吃肉應該比現在難好多，當時價值一定比現時高很多。所以，貶值其中一個原因是供應大幅增加，增加幅度遠高於需求，現金就是其中一例，尤其現時美元是建基於債務上。

阿3，用1000萬買了一塊地，但佢自己用黎種生果，這個已經是最原始資產增值行為。你有粒種子，成本很低，埋在地上，在若干時間後，在生成果實，就是回報。自己種或租俾人種或請人返黎種，分別都很大。自己種體力有限，收成有限。請人種，要睇回報率，通常都高於自己種既，有工具就促進了回報率，亦都成為一個組織，現今來看就是一間公司。租俾人，風險轉嫁，失收都唔關你事，穩定收租，仲可以加租，或按收成去收回報。簡單假設，就算10年才賺回本金1000萬，200年後都有1000萬*19=1.9億回報。(假設一直不變)，這個例子最簡單看到，用錢買資產的威力，資產就是有經濟產出的物品。而且很多人說投資最強威力是複利效應，其實很簡單的概念，用了一個很美的詞去包裝，咪即係開分店概念，一棵樹結果再種變十棵，再種變百棵。你賺了錢，就可以用回報再增加資產，1變2，2變4，複利，重複用盈利增加自己的資產。持有現金就時種左樹結左果，有種子但唔拎去種囉，就是咁簡單。

阿4，用筆錢買債券，債券與買地收租概念差不多，有公司要借錢，定期還息，到期還本金+最後一期利息，只要公司沒有倒閉，沒有破產，沒有走數，一樣是錢滾錢。越長期既債券利息越多，因為風險補償加上較長時間才取回本金。

阿5，投資當時的股票市場指數，為什麼股票整體回報率比債券高? 其實很簡單，股票代表公司價值，而公司用5%利率發債借錢，佢投資回報一定要高於5%才有利潤，通常唔會太低，太低的風險會很高，而且有些公司根本不需要借錢投資，整體公司回報率一定高於債券。而公司擁有複利效應(賺左再投資)，有槓桿(發債券借錢)，槓桿應該是這個跑贏債券的因素之一。

故事就講到呢度完。其實仲可以有其他選項，例如自己開公司，其實都是將錢投入獲得最大化回報，當中必定承受風險。

以上故意是很長期的例子，是關於長期投資。當然以上例子考慮的事情比較少，而且是歷史事件。未來和歷史絕對不一樣。未來人口肯定沒有以前增長那麼快，加密貨幣是以前沒有的東西，任何物品都會改變，但有一種東西是恆久不變，我視為定律。

「企業價值是會上升」這個定律絕對不會改變，當然不是所有企業，但如果要在企業兩個字前加一個形容詞比較難，我會定義只要有一個企業給世界的人提供他們需求的產品或服務，企業價值長期必定上升，就算貨幣沒有貶值。所以學會投資於企業上，是現今的人必須要的技能，比以往更重要。

為什麼人要學會投資於企業?

因為現在的人的收入比開支高很多，每個人收入都不同，開支都不同，但在維持基本生活的開支下，普遍來看有剩餘儲蓄的比以往必定多。因為工資增幅長期略高於整體通漲，儲錢理論上是會多左。

儲錢，不是為了儲來擺，以上見到持有現金一定是錯，不過我明總有人擔心虧損，所以學會投資企業必定包括學會減低風險。由於儲錢是儲來買資產，但各種資產都有入場門檻，在外國買塊地應該比香港門檻低好多。以前在香港買單一債券門檻其實很高，現在有債券基金選擇，門檻又下降了。單一股票門檻港股亦比美股高(每手VS每股)，但交易所買賣基金(ETF)門檻又低D，亦都能分散投資。所以現今制度下，投資比以往門檻更低。

以前投資資產門檻一定比現在高，因為選擇少，最多可能只是買地，亦沒有分拆擁有權的概念，至少好耐之前香港買樓都係一棟棟咁買。土地制度比金融制度更早出現，但土地亦不代表永久，過往幾百年間國家之間戰爭亦都影響土地擁有權改變，可能政權一變，你的地變成了政府的地，不是永久有保障。單一資產，一塊地，一間企業，風險一定高於好很多塊地，好很多間企業，所以現時推出了很多投資產品適合不想太冒險的人，債券基金及股票基金，由很多人同時擁有很多不同資產去分散這個風險，其實類似保險的概念。大家亦可自行安排持有多種不同類型指數基金。

我不建議買地是地太單一，更重要的是地上面的人為其他人提供什麼產品或服務，只要他們對於其他人更有幫助及價值，投資於這群人，比投資一塊地更有價值。不過另一方面睇，土地是穩定性更高，地上的企業失敗了，也不對土地價值構成負面影響，自己取捨，現在買地亦都比以前容易，可以買REITs(房託)。

每個人投資都有其考量，我就不再強推一定要投資企業，不過大家可以思考多點不同類型資產的原理，未來發展，那一個最有彈性，風險最低，回報最高，這才是大家考慮投資時最重要要了解的地方之一。

以上是我個人意見，你不一定要同意。如果想睇我對不同行業發展見解，或投資見解，繼續關注本Blog及可以考慮訂閱收費欄，會有更多文章。