2015年4月港股回顧

2015年4月,恆指單月大升13%,在大量資金流入下,破了2008年頂位27853.6,創了6年多新高,以4月30日收市計,距離歷史高位31958,距離4100點左右,單月成交量創歷史新高,4月成交額比3月增加1倍有多(4月假期關係,開市日子較少)

4月升跌幅榜
https://docs.google.com/spreadsheets/d/1iLh459rrhH09xMiNjaOZW6DE65PFMn3-OSMlQFT9pto/edit?usp=sharing

2012年起流傳已久的100大老千股
http://investhkstock.blogspot.hk/2012/03/100.html

這個月的升幅首數十位,主要都是這類流傳老千股,如果敢買,你做了股神了,這些股都沒什麼好分析,資金市,最易炒,一定係貨乾,股價易控制既股,當D資金找投資對像既時候,一定係追升唔係追跌,追升之餘又易升得起,一定係細公司,難道一間蟹貨多既公司會易升? 所以呢100家公司我抽起了,再以行業排序,回顧一下,寫一篇新聞報導(不是什麼分析),不過妖股橫行之時,大家就提高警覺吧

行業升幅表在4月升跌的最右邊,

1.證券/融資,是4月股王行業~
代表公司,英皇+275%,華富+242%,耀才+198%,時富+155%,海通國際+144%等

華富被收購(其實有GROUP友早於9月已經提出),不過傳到而家先出通知,港股成交增一倍,多家本地券商死機,成交熱烈,加上孖展旺,券商賺佣金賺息都賺到笑,時間線上是港交所升上300蚊之後券商先爆升,所以有眼光既應該會捉得到,而且以耀才為例,大股東高位增持,跟佢追都賺,所以係算易執既錢

2.廣告公司,其實這個行業升果D同廣告關係不大,例如七星購物,745中國國家文化產業,都是股仔

3.電訊設備,海天天線升451%,泓林科技+175.8%,原因未了解

4.影視娛樂這個板塊算是第2強板塊,星美控股198+171.9%,橙天嘉禾+97.8%,其實星美文化應該都算是這個板塊, 星美系交換股權,無咩詳細留意,但1060阿里影業3月大升,多了人留意影業板塊,加上星美文化發展眾籌催化整個行業憧憬,今年很多大作上影,復仇者聯盟,侏罹紀,星戰等等,戲院應該大收旺場

5.港口股,廈門港+94.6%,天津港+49.7%,青島港+37.5%,一帶一路概念股,港口股真係得概念,吞吐量增加未必帶動盈利增加,港口股曾經研究,但盈利很難預測,部份港口主要靠石油,鐵礦石,煤炭貿易賺錢,消費稅降幫助未必太大,一帶一路國家與中國貿易又不算太多,這類真的很危險~

6.核電,中核工業+67.1%,中廣核礦+64.2%,雖然話核電重啟,未來多左核電建成,不過呢兩家公司一直都賺唔到錢,又唔係100%核,夾雜勁多其他業務,得概念,無實際既,小心點吧

7.投資資產管理,同證券一樣,多人炒就多左生意,康宏1019都算經典,4月1開0.35,月內最高1.89,月底收0.82,唔知升什麼,惠理集團(806)算係呢行代表,+97%,生意應該好左好多,931中國天然氣都升64%,應該個個都識,唔講太多.....

8.鐵路,南北車狂炒,A股試過一星期連續漲停,未按新單已經反映哂之後幾年盈利增長,反映有凸,之後跌停,H股更大跌20%有多,遲D合埋變中車,南北車炒左一年啦,進入調整期,應該跑輸大市

9.汽車銷售,年初已經看好會翻身的行業,潤東+73%,不過停牌後未有消息,永達+55.9%,和諧+50.8%,暫時首季收入都不錯,雖然不算大增長只有1X%,但跑贏全國8.95%,換車潮加股市大旺,特別是證券從業員,換新車,買新車都會增加,業績OK係可以預期...

唔寫哂了,回顧完,要寫前瞻了吧...

有時間再寫,前瞻不易寫~
有時,你以為好,但出到黎既數據差,
我要搜集下數據,令預測有有力既支持,
唔係剩係齋吹....如果大家有睇好既行業,歡迎提出

4月殼股盡出,歷史又再重演

2015年4月27

諗住寫今日升跌,卻發現孫粗洪系今日一齊升.....
睇住個LIST再睇呢篇文~
https://docs.google.com/spreadsheets/d/1iLh459rrhH09xMiNjaOZW6DE65PFMn3-OSMlQFT9pto/edit?usp=sharing

百靈達國際2326單日升一倍,成交過億,公司市值50億,即係升之前25億,大股東孫粗洪(佔35%),係新晉殼王,263雲錫礦(前保興資本)係佢第一桶金,格隆有寫過佢,可以睇下面條LINK
http://www.gelonghui.com/forum.php?mod=viewthread&tid=1964

巧合地今日孫粗洪系既547數字王國大升47%,1201僑威+32%,另外,1141保興資本,209 中國大亨飲品(現改名中國瀛晟娛樂),4月份已升幾倍, 看來都是同一支莊

威利系其實今個月都有郁~
273威利,885福方,279民豐,4月都升左幾倍,2009年已經有人寫唔同系既公司
大家可以了解下.....
http://realblog.zkiz.com/greatsoup38/8236

朱李月華,這兩個月最強一定係444先施錶行,發展海南醫療,仲搵左前醫管局主席胡定旭做聯席主席.....格阻有介紹過佢

http://www.gelonghui.com/forum.php?mod=viewthread&tid=2112

其他殼王,有D已經收左山,或者背後做緊無人知.......
可以睇呢度認識下........
https://www.google.com.hk/search?q=%E9%A6%99%E6%B1%9F%E8%82%A1%E5%B8%82%E5%B9%95%E5%90%8E%E9%82%A3%E4%BA%9B%E5%A3%B3%E7%8E%8B+site:www.gelonghui.com&es_sm=93&sa=X&ei=uDg-VYmHFoGwmAXT04DYBQ&ved=0CCkQrQIoBDAA&biw=1920&bih=955

8137洪橋集團,今日升40%,之前話攪電動車,但早於2008年已經話攪太陽能,當然最後係攪唔成
http://realblog.zkiz.com/greatsoup/3858

國藏559,今日炒起21%,恆大入股之前話攪太陽能,攪唔成,而家話攪電動車

其他大升既唔數了,可能呢度好多股民都係新手,未經歷過亂世,我經歷過又有印象既暫時係以下

果排市場旺,就會有一批公司話攪果排興既事業...
果排油價日日升,就會有A,B,C,D公司話收購油田~有間創業板叫百田石油8011係果期既產物,當然最後係無油出啦~(佢話買左油田架)

果排煤價日日升,就會出左蒙能呢D收購煤礦既公司,蒙能收購既新聞之一

http://hk.apple.nextmedia.com/financeestate/art/20070601/7164162

之後點?自己睇276股價,最高$70->$0.5NOW

果排興煤層氣喎,又會有幾間公司話收購煤層氣,經典既有間叫中國煤層氣8270

有一排鐵礦石,鋼材需求大喎,有公司又收購,搵左間61北亞資源,2010年1.7跌到最低0.1,最近由0.14炒到上0.27

http://www.rthk.hk/efinance/interview/20100218_2141_648141.html

果排興LED喎,轉型做LED,有間叫達進精電(515),搵得返篇專訪,公司最近停牌,2012-2014虧損
http://www.rthk.hk/efinance/interview/20091119_2141_627954.html
岩岩見到有間公司改名叫中國再生醫學8158,創業板,再生護膚美容掛.....

呢D股我一直唔會掂,亦都唔會建議任何人掂...
純粹俾大家了解下呢個股票市場係點...唔好對呢D股抱太大希望.......
有經驗就會明我講乜,唔明就算,你想玩呢D我都阻唔到你...
有左互聯網果然世界不一樣,竟然可以搵返幾年前D歷史........
2007-08年同2015年真係好相似..... 

認識內地融資融券(securities margin trading),與股災預測

融資=香港借孖展買股票
融券=香港借貨沽空

中國融資融券歷史超短,約5年
2010年3月才開始試行~
沪深交易所规定，融资保证金比例不得低于50%。
槓桿唔算高,不過直至4月23日滬深兩市融資餘額17,695.9萬億RMB
一年前只是4000億....增加13,695萬億,或340%
1年前2000點左右,現時43XX點....

市場平均擔保比例一年前為:227.88%,現在4月21是263%,因價格上升,以下資料解釋擔保比例計算,比例跌至130%斬倉,例子

维持担保比例=（现金+信用证券账户内证券市值总和）/(融资买入金额+融券卖出证券数量×当前市价+利息及费用总和) 

强制平仓是券商控制两融资产风险的最后手段。当融资投资者的维持担保比例降至150%时，券商将向投资者发出风险预警通知。当融资投资者的维持担保比例降至130%时，券商将通知投资者在2个交易日内追加担保物。投资者追加担保物后的维持担保比例不得低于150%。如果维持担保比例降到130%以下，券商为了保证融出资金的安全，将强制卖出投资者提供的担保物。

去年年中昌九生化重组预期落空，导致股价连续无量跌停。由于市场上没有成交，投资者融资维持担保比例即使跌破强制平仓，也无法卖出个股偿还融资，导致损失所有本金。

http://blog.sina.com.cn/s/blog_a04c6f260102v8rd.html

簡單D講,
例子1,你有10萬現金,拎左5萬出黎做孖展買10萬蚊股票(50%比率),剩返5萬現金

10萬蚊股票之中,5萬係融資金額,5萬本金
另加5萬現金,
(現金+股票)/融資額,15萬/5萬擔保比例就係300%...

 例子2,10萬用哂黎孖展,融資10萬,買20萬股票(最高50%),
20萬股票,10萬本金,10金融資額
現時股票20萬,$0現金,融資額10萬,20萬/10萬,比例200%
最極端借到最盡的情況....

例子2極端情況下,股票市值跌25%,得返15萬,就要預警,因為15萬/10萬=150%
跌到13萬,-35%,比例130%,要補現金入戶口,俗稱補倉,如果2個交易日內無錢補倉~就會被斬倉,沽清13萬股票,證券行可以收返10萬蚊,你就剩返3萬蚊...

 風險係,如果股價跌多過50%,例如股票市值得返9萬蚊,券商拎返9萬就要蝕1萬,集體連環跌停,券商就會虧損,通常他們有風險控制,某類股票風險高,可能未必借太多俾客戶,風險算可控.....

問題來了,2007-08年,中國股市由6000點跌至1800點時候,係未有融資買賣,所以係無槓桿,股災威力不大,但如果現時槓桿增加,出現股災,殺傷力就驚人....

 2010年3月融資開始有,上證是3000點,跌至2012年10月2000點,跌幅只係33%,但2011年融資餘額只是3-4百億,就算一齊平倉威力都不大...

2014年7月起,融資額急增這段時間,沒有試過大跌,1月19日大部份跌停是小股災,但資金仍然充裕情況下,仍然撐得起,市場仍然有良好預期,例如一帶一路,改革紅利,互聯網+,再生能源,水十條等等,投資者仍然樂觀,新增開戶仍然很多,資金流入續撐起股市

因此,個人預測,中國仍然降準降息的預期下,市場資金仍然持續增加,融資餘額仍然會上升~

短期股市利潤會流入實體經濟,市民消費增加,企業降低融資成本,合併收購投資增加,短期支持經濟增長,2015年出現股災機會微,但股市波動會較大,119人踩人事件有機會重演數次.......

引爆泡沫因素,市場資金減少,融資額過高,預期過份反映至市場由樂觀轉為保守,要令大部份投資者恐慌既因素暫時想不到,政府不會發放這個訊號,之前加強證管融資,鼓勵沽空預期,已令股市震盪,政府立刻解畫澄清

 有什麼是政府控制不到的外在因素,令投資者恐慌???暫時未想到,之前都是外國金融危機,影響全球股市,但歐洲日本放水,美國收水,外國金融危機要再睇

中國暫時CPI未大升,通漲仍平穩,
如果通漲急升,中國被迫停止放水,可能會引發股災

 預期股災前有一段頭肩底或雙頂形態,上下波幅但橫行格局,有時間俾投資者逃生

股災可能2017年出現,除非這兩年中央出手調整降低市場風險
經濟回復較佳增長,公司盈利上升,開放市場引入外國資金投資
以海外資金流入,換取國內融資額流出平倉
滬港通,深港通就是其中一個方法,讓外資接貨,是一個可行辦法
融資金額高係一條導火線,但不代表不能潑水淋熄或剪短佢

中國政府操縱市場能力很強,仍然有很多政策措施可用
暫時無需太擔心股災,暫可繼續放心投資


參考資料
百度
http://baike.baidu.com/view/431144.htm?fromtitle=%E8%9E%8D%E8%B5%84%E8%9E%8D%E5%88%B8&fromid=1628138&type=syn

2015年4月9日 (2900億成交額)

雞犬皆升時代,真係好難數得哂個市有幾多垃圾被炒起

何為垃圾?指盈利極低或蝕錢既公司

今日喪炒垃圾經典包括聯華,雨潤食品,

聯華過去幾年盈利同比下跌幅度係-45.3%,-84%,-42.8%
由2011年賺7.7億之後2012-14年賺4.2億,0.68億,0.39億..
今年會賺多十倍? 你話呢?
另一隻雨潤2012至14年利潤,蝕6億,賺4359萬,賺5677萬....
今日聯華升44%,雨潤升30%,可以點估到佢地會炒呢2隻野?
一隻做超市,一隻賣豬肉,兩隻都唔係主題股,
大媽經濟學又用唔著,股市大賺會去多左超市買野/食多左豬肉??
又講唔通.....

另外有隻偉志升22%,有人有印象既話會記得我提過,本來見佢業績好似好好

但分開上下半年睇,下半年盈利倒退,咁又炒高22%,解釋唔到~

亂升都無咩好講,唔通仲叫人入咩,不如睇下有咩未升~
所以今日整左個跑輸大市LIST,日均成交過3百萬,3月30至今升少過10%
https://docs.google.com/spreadsheets/d/1iLh459rrhH09xMiNjaOZW6DE65PFMn3-OSMlQFT9pto/edit?usp=sharing

入面有唔少係之前當炒既殼股,好似光啟科學,志道國際,坪山茶葉呢D....
殼股就唔推,揀返D有實際盈利既公司....

有盈利但呢幾日跌既公司已經無乜,
澳優(01717)係少數,可仲有珂萊蒂爾 (03709)

仲有創科實業669.....仲有中國金屬利用.......

有升但升得少既公司

體育用品業有幾間

2020安踏,2200浩沙,1968匹克體育

服飾股係假數重災區,升幅比較弱~
升得少既得虎都2399,卡賓2030.....
鞋有富貴鳥1819,呢隻之前炒過,同埋九興1836
曾經係內地人至愛既PRADA1913要跌10%

汽車銷售有幾間已經大升例如正通,中升呢D,
未升既有潤東1365,和諧汽車3836.....
汽車股有北京汽車1958,長城汽車2333.......

強泰環保1395之前好似熱炒但呢排算升得少....
通達集團698真係估唔到比較弱,比巨騰國際3336升得少~
兩間做殼既都升得少過做手機或手機鏡頭或手機MON既公司~

餐飲股,味千,翠華,呷哺呷哺升超過20%

唐宮升15%,都係內地人熟悉既餐飲~
未升既有港資大家樂341,大快活52,佳景703
不過唔係內地既未必有人炒.......

以上只係揀D未升既出黎俾大家睇,唔係推介!!!!
因為部份公司體質不佳(不過聯華雨潤都唔係好)
中獎定中陷阱,各位自己計算風險回報率.......

大家可以留意返自己熟悉未升果D,
真係太多行業總有D未郁,有無人炒真係無得計,睇彩數~
你熟佢知佢基本面唔差,但未必有人有興趣炒~但至少唔會跌太甘~
呢D位唔想再叫人高追了,都係果句要買一早買左
我之前SET果個模擬組合好多都升唔少~
2月呢篇升3成幾至1倍.....
http://edwardten.blogspot.hk/2015/02/blog-post_21.html

放假果陣寫既餐飲汽車銷售又開哂車....
係呢堆未升既搵下,呢堆都升埋就無野好講喇~

2015首季回顧

唔少股都係3月最後一星期急升,3月30-4月2這段時間反彈

估計有唔少公司出完業績,基金重新部署影響,
這才能解釋港股成交連續4日過千億,部份股票反彈幅度較大

另外原因是內地資金流入港股,當中包括不少港股通成交額....
3月30-4月2港股通成交額平均約50億,高於之前只有幾億/十幾億

開放公募基金推升左唔少港股通既股,但非港股通既股升幅更強....

今次主要探討一些反彈股,因為2014年高點至年底跌幅較大既公司
在第一季升幅較強,當然2014強勢股有些仍然好強...
今次主要回應返年結果時頹勢股3個月後表現(有時間再回應強勢果邊)

這個表主要是選了2014年高點至年底時下跌超過30%股份,
之後在2015第一季升跌幅,黃色果2行,如下表,但有D數係錯
如果合股,拆股,佢無調整,要留意
https://docs.google.com/spreadsheets/d/1d8CabGU_h-yDz9xoBNP8Jy0TaVd-Lvo3PlbjBJLAVe8/edit?usp=sharing

我將升,與跌分開,再以行業分類來看...排序以行業平均升跌幅排序
先講反彈股,即第一季繼續升既股
睇住個LIST再睇文字,因為我係順住落去寫的

第1個金威資源,曾有GROUP友提過,有睇過應該都知我地叫佢109巴士...
因為轉型而炒起,但早幾個月已經有人收風講過,不過對於呢類股,無人可以估頂

亦都只有故事,未有具體計畫,難炒,大家可以上網搵下相關資料

之後2-3個行業都唔太熟,但可以講下保利文化,佢下半年業績唔係好~
所以基本面無咩野好講(我亦未睇佢業績),但佢累跌較多....
3月30-4月2呢個星期升得最勁,不過佢唔係港股通名單內.......
所以係咩資金流入我都好難而家答到你,未有數據....
只可以估計有部份資金專炒落後股...業務穩定既公司....

708網遊手遊,呢個行業一定係3月之星...
好多間公司3月內見底急彈升了30%-110%以上....
當中代表一定係8002IGG,自從公佈業績之後開始慢慢升~
又係30號至2號果個星期彈得特別勁....
IGG,博雅,騰訊都可以解釋,但484雲遊點解釋???
雲遊係入面最無希望果間,都跟升3成幾,D錢真係唔理基本面?
只係同行業就衝入去,我覺得一定唔係外資衝呢D,要衝都衝騰訊....
騰訊因為太大間所以升幅只有3成......但佢係破左頂.....

仲有隻2100百奧都係長潛急彈既股,之前一直無人炒,一炒又喪炒..
近排都係好多這類一窩蜂湧入一隻股的情況,2100曾經在FACEBOOK專頁提過
提過佢之前人事變動,但下半年業績又不是有太明顯回升.....
IGG係我之前定的模擬組合入面其中一間,雖然一開始就一直潛...
但而家已經反彈返上去,由跌轉升了,如果賺返多D錢,仲會有得升....
由悲觀/行業低潮轉樂觀/賺更多錢,果種升幅係好驚人...
但通常股價先行,當你知道行業轉好果時通常已經炒得7788...

如果一直有跟開8002IGG應該會入左,無入就問自己點解而家先黎諗啦

巨星國際2393,我無咩深入睇過,齋睇增長我覺得唔算特別勁
除非佢今年有新野出我唔知,佢做醫療野果部份增長係幾好....
但要解釋3月30-4月2幾日時間由2.55升到最高4.1達60%
真係好難解釋,佢又唔係港股通股份.....
又是未知資金流入,好難解釋...

汽車股,比亞迪係港股通,吉利都係....
比亞迪同吉利都係因為2014年急跌過,所以首季彈返上黎波幅較大
比亞迪電動車一直是市場關注,雖然仲未見盈利有咩大好...
吉利反而有首季銷售數據急增利好,新車大賣及俄羅斯影響消退因素~
其他車股例如長城,華晨都累升不少,北汽出完業績都創了上市後新高
東風廣汽則較落後...........

大家如果還有印象,石油燃氣設備係2014年頹股首幾位,
但第一季油價雖然未見好強反彈,只是止跌,設備股已經反彈不少~
例如惠生工程,山東墨龍,中集安瑞科....
山東墨龍係深圳有上市,係AH股

963華熙生物科技,業績出果陣覺得佢唔錯,之前有人炒左一排~
但之後又潛在一排,升得最勁既果段又係30-2號呢4日時間
其實963同手遊股有一個相似地方...又係2014年1-3月被勁炒高

之後1年時間潛水,到左2015年3月先又有人炒返....
同一批資金離開再入場,好整齊,背後無形之手是什麼?我都好想知

電力設備股博耳出完業績就一直升無停過....
東北電氣係AH股,不過係A股係深圳上市

中國白銀815,應該大家都熟悉,出完業績破頂創新高~
不過30-4月2呢幾日唔算炒得勁~都係橫行多
老恆和都係業績前俾人炒起,但之後橫行,4月2成交大有D升幅

乳品股,亦是2014年重災區,但首季升幅驚人,代表公司一定係合生元

又係一潛潛到無力彈起,但一彈就勁彈果類公司...
好難理解而家D資金反差太大,變臉變得幾快....

唔數哂,實在太多,小總結....

除左小部份公司人升佢又升之外,
大部份公司都係因為基本面由差轉好所以升幅唔少...
幅較多既都係行內做得好果D,做得唔好果D就升幅少....
另外炒A+H股差價都係現時主流,但基本面都係差....
跟住想講下2014跌得勁,2015首季都係跌既公司
第2,3,4季有機會倍升既行業,應該係呢度搵...
上面升左1倍果D再升1倍唔係無機會,難過未升果D囉.....

首3個行業都係細公司,申銀萬國其實合股拆股,唔係跌得勁.....
3315金邦達寶嘉,如果大家有印像我係PAGE講過佢IPO D錢仲未用
但突然死過翻生咁又有人炒真係唔知炒什麼

彩票股,近排又傳網上彩票開返,唔知堅定流,
達芙妮,其實之前有睇過俾網購打到好傷,應該幾難救得返....
無咩出路,仍然會係繼續俾人打殘,近期發展未睇.......
1396毅德主席曾經唔見左,好似未搵返,有問題既公司唔掂住........
美容化妝真係好殘,SASA個價超殘,有機會彈,但香港零售仲衰緊~
四環出唔到業績,仲未復牌,復牌可能有人炒返,但可能一開已經好高.....

餐飲業我覺得有希望,而且可能係好投資時機...但要揀價殘果D
餐飲好難輸,除非酒樓呢D成本高既,做快餐未見過會衰一世...

大家樂大快活呢D做極都有,翠華真係跌左唔少,味千都係,佳景更加係跌得恐怖
呢3間都會值得留意,我已經留意緊佳景集團....雖然我唔太LIKE佢D管理層同D人...

汽車銷售股,我年底時曾經看好既行業首季仲未彈,仲頹緊...
睇完業績同部份公司策略之後,我覺得呢個行業2015年絕對有機會~
有D公司踏入4月開始見資金流入,例如正通汽車1728,4月2勁升12%
有時間希望趕得切升之前寫返一篇汽車銷售分析

石油設備有D已經升彈,有D仲潛緊水,我未跟過,所以都好難解釋

澳賭股D數仲好差,首季仍然係重災區.......
當D人轉左去炒股,仲有幾多人去澳門賭???
唔去澳門賭,佢地有D去左柬埔寨,所以之前POST過3918金界首季數超靚~
不過賭股又股息係好吸引,價係十分殘,
但30至2號4日都無升幅,都是等有人炒才跟,升幅應該也不錯~
短期玩住其他先,賭股擺埋一邊先~

內房,又係重災區,就算政策放鬆,都係炒定先,政策出急升但即日回跌返~
之後都見有資金繼續流入撐住股價慢慢升....
內房要轉勢都係要長D時間,大家可以繼續留意樓市數據
暫未見有回暖現象.....

睇完,可以講下之後留意咩行業

1.餐飲,2.汽車銷售....係頹股中較有機會第2,3季發力的行業

個市都係繼續由無形之手推起,已經推升左唔少既股,有機會短期調整~
所以我建議大家留意4月1,2日成交異動果D股,會係短期較好選擇
要穩陣既揀D未升既股...或只係升左幾日既股....

個市已經KEEP住升左唔少,想揀平股應該難,要入市,不如考慮止賺....

相信有玩開既都成手貨,一係升左唔少,一係睇住人升自己無咩點........

策略就自己睇返自己情況,而家呢刻係合埋眼買升幅榜都賺錢既時間
提大家小心D好過叫大家高追....