奈雪的茶，天仁，星巴克

 奈雪的茶，明天招股，每手1萬，應該很熱

會拎佢盤數出黎睇既原因是因為我對飲飲食食股最有興趣

因為你總會有機會幫襯佢，或者就算你唔飲都會有好多人飲~

自然會想知佢收你幾十蚊杯嘢飲，其實佢賺幾多~

如果單睇一間就比較唔到既~不過同業又真係唔多，喜茶係佢最大競爭對手。

而香港就有做"天仁"代理既賓仕國際(1705)，如果都係做飲品店就應該係Starbucks是業界代表

這類飲品公司經營模式都很簡單，因為產品很簡單嘛，就是飲品，飲品會唔會好複雜? 應該比餐廳簡單好多吧。買原料+買機器+請幾個人，就開得鋪，唔需要有有經驗既廚師，又唔需要有好多種唔同既煮食工具，亦都唔需要好複雜既生產程序。所以，這類公司強項是一間店成功，之後就很易複製另一間，只要做好原材料運送，保持每間店的出品品質一致，就已經可以無限複製。

不過對於奈雪這類指明不低於20元的茶飲，在中國地區經營仍然空間不會很大，至少很難做到全國性開業，因為平均工資水平仍然較低，20元可以吃得很飽，所以你見奈雪招股書的分店城市分佈，都是一線城市為主，二線為副，三四線還未有很多。不過隨著人均收入增加，未來必定會擴展至這些地方。所以，如果投資十年，是有想像空間，但能否持續，仍然面對很多挑戰，除了同業競爭，茶飲對手之一的咖啡，其市場一直都在擴大，望下瑞幸咖啡就明。(咦，咁農夫山泉呢? ) 不過，新股都是炒氣氛，投資的話，上左市再研究。

今次想講既係公司盤數，對比其他公司，簡單點就奈雪對天仁比較一下。下圖中圖1是奈雪，圖2是天仁的賓仕(中期報告)。收入規模奈雪2020年收入30.6億人民幣，賓仕6個月收入是2.5億港元左右，一年大概5億港元，奈雪收入是賓仕的7.4倍，未來差距應該會進一步擴大。不過睇返成本佔比，材料成本佔奈雪收入37.9%(每年持續增加中)，而天仁是47%，反映你俾既錢，例如同樣24蚊杯，係天仁中既料係貴d，不過奈雪平均價應該高過天仁，所以按金額計，奈雪每杯材料成本金額就應該高d。其實兩間毛利率都係32%，不過奈雪員工成本就比天仁更高，這個是我比較驚訝的地方，因為本來奈雪已經貴d，每間鋪每日賣既飲品量都比天仁高，但收返黎既錢有比較大既部份係去左出糧，內地員工成本比香港更高? 不過我無詳細比較，有部份成本應該是股權開支非現金開支。賓仕中期業績無再拆到租金同水電開支咁細，所以沒有再比較了。

另外有個重點是，奈雪在疫情期間加大外送服務，所以配送成本都升得急過收入，拉低左經營利潤率。不過估計疫情後的2021年利潤率會有改善。

(上圖是奈雪的茶招股文件中財務數據)

(上圖是賓仕中期報告中財務數據)

星巴克很難直接財務上比較，美國會計既表達方式與香港既不同，佢有產品及運輸成本及店舖營運開支，但沒有拆細所以好難比較，不過大家可以參考下星巴克發展去理解這個行業應該怎樣發展才有星巴克這個10年10倍升幅。

奈雪應該用什麼數字去估值才對? 沒有正確的答案，純粹睇市場點去估值。如果用市銷率估值，星巴克是5.5倍，如果5.5倍市銷率做奈雪估值，30億人民幣收入大約是37億港元，市值大約200億。如果用經營現金流計算，星巴克歷史倍數範圍都好闊，十幾到二百幾都有，近年大約75倍，但有疫情影響，咁用50倍計算的話，奈雪2020年經營現金流是5.74億人民幣，所以估值大約350億港元，這個估值應該會較多人認為合理，不過估值應該用未來預測去計，即是2021年的收入及現金流，這個我留在收費欄講。現時未知招股價上限市值是多少，所以未知保薦人怎樣定價，可能很接近350億。看定價再決定是否認購。

至於賓仕? 睇圖炒就可以了，不需要什麼估值，不覺得有什麼大增長。

收費欄介紹

https://www.quamnet.com/channel/%E7%99%BC%E6%8E%98%E5%8D%81%E5%80%8D%E8%82%A1/all

超過150篇文章，內容包括港股及美股，整體行業及個股分析，選股及買賣策略，全方位幫助大家改善投資技巧，捕捉市場機會。從基本分析為基礎，再加上技術指標及市場趨勢等分析，捕捉所有倍升股票，未夠一年內，倍升股超過3隻，至今仍然上升。