今次想探討一個所有投資者都會面對既情況，為什麼人總是股價跌時會有購買的想法? 大家可能會覺得呢D咁簡單既野都要講? 傻的嗎? 股價跌即係特價時段嘛，緊係買啦，平左喎，減價喎，而家唔買時買? 仲有咩好討論。
咁我緊係唔講呢D啦，減價吸引人買呢D基本到唔基本既行為，全世界都研究過好幾十年，特別係市場營銷學(Marketing)，但係比較少人講係點解會形成減價就是值得買呢個行為? 因為計過抵買? 但未有金錢或價格這些東西之前，人類是否已經有同樣行為? 以下都是我推論出黎，沒有什麼歷史上證據或學術上既證明，因為這篇不是論文，不會太嚴格，但大家可以思考一下。
人類原始社會面對既東西只有植物和動物，植物會唔會有"減價"呢樣野? 我諗唔到，但動物會。如果以捕獵其他動物為食物做例子，其他動物幾時會"減價"? 體弱既時候，即係病左或者殘左(被其他動物攻擊又走得甩但殘廢左)又或者老左等等，人類見到呢種"減價"情況就最開心，例如一隻野豬或者牛(牛扒真係好好食)，以前見到佢跑得勁快勁大力，而家"減價"身體病左弱左，行動慢又無乜力，係最好既攻擊對象，或者老左身體弱，行動慢，都係最好捕獵目標。 取易不取難，越易捕捉既植物或動物，人類見到最開心，因為更易獲得更多食物，自己繼續生存機會就大增。 所以減價會吸引人既原因，係比之前更易獲得食物或其他物品，這是根本存在於人類腦中一種很原始的想法，這種想法在原始社會是很有益，但現今複雜的社會就會有些情況沒有益，反而是有害。減價而買左一大堆無用既野呢d經常見，其他減價有害既例子都係同詐騙有關，而在股市上因減價而蝕錢同樣很常見。
減價既股票，即是跌緊既股票，股價轉弱，就如病左既動物，身體轉弱，成為很多大眾捕獵既目標，但股市是有兩批人，一批是持貨者，另一批是沒有持貨者(很廢的說話)，以上我只講沒有持貨者果一邊，但持貨者果邊呢? 股價跌，是由持貨者沽出股票推動，有人見平買既原因就係有更多股票被持貨者賣出導致價格下跌。好多人諗既係股價跌，平左，買，但無諗到係點解有人係咁沽貨，而通常無貨想買既，一定係諗有班傻仔係咁沽貨，等我掃入先，但真係咁多傻仔? 如果係大藍籌，持貨本身好多都係專業人士，真係咁傻嗎? 會有既，但10次可能只有2-3次係傻，其他都係出於某些原因很理性地沽，人地持貨咁耐，對間公司了解一定熟過你，除非你都是持貨者之一(不過好多時我見人跌市買貨都係買d自己唔熟既公司)，就算你好熟，而又有人真係傻，你都唔好同傻人鬥，等佢傻完變返理性先買返，佢傻左勁沽唔會沽一日就完，佢沽足一個月你隨便衝入去，你仲傻過佢。
體弱既股，從來唔好買，你買個弱既野返黎幫唔到你賺錢的。要買就等佢轉強先買，強走勢既股先係幫大家賺到錢。買股票就係要買識升既股，唔係買跌既股，跌唔一定會升得返，之後就係另一個問題，公司質素這個是基本面的問題。以上都是講技術面不是講基本面，高質公司股價弱，同垃圾公司股價弱是兩個不同處理方法。再講就真係有排講，寫住咁多先。
p.s:原始人類食左有病既動物會唔會影響人體健康呢個問題，我無知識可以答到
至於有咩方法分強弱，咩先係最佳買入位，收費欄有寫下，歡迎訂閱
收費欄介紹
https://bit.ly/QuamnetEdwardLee
超過150篇文章，內容包括港股及美股，整體行業及個股分析，選股及買賣策略，全方位幫助大家改善投資技巧，捕捉市場機會。從基本分析為基礎，再加上技術指標及市場趨勢等分析，捕捉所有倍升股票，未夠一年內，倍升股超過3隻，至今仍然上升。
