2014年1月升跌

2014年1月升跌
1月大市都是比較弱,恆指由1月2日開23,452,到1月30收22,035
大跌6%,或1400點,跌既股多過升既

大市雖差,但1月都有38隻股票升幅超50%...
1月最強是馬雲入股成為大股東的241...市場憧憬注資,股價飛天
另外有幾間1月前風平浪靜,1月後突然急升,包括
8192環球能源資源,呢D名一睇就覺得佢有老千味,但都有人炒起
8083中國創新支付,我搵左半日資料都唔係好知佢炒什麼
8310加碼物流,都講過下,3日升幾倍之後反復潛水,老千味濃
2383,TOM,無留意,好似有收購
1110金活取消收購之後又俾人炒起近一倍,又是難以明白
8210龍傑業績OK,1月先俾人發現,不過升左3日之後橫行中,一支大旗
華南城1668又係同電貿有關,QQ入股
967 X德,又係環保野....追落後
8002 IGG,手遊,延續12月的瘋狂
2369 酷派,14年銷售目標大升至13年的一倍達6000萬部,一月已經反映大半,升左65%
698通達,業績一早公佈左,P/E低,但1月先有人炒起

1月主要炒手遊,彩票,互聯網,但部份公司一個月升幅已經40-50%,剩返11月個時間仲會升幾多,可以去到幾高???條數應該點計,要靠自己眼光了,有D公司錢都未賺到,個D公司條數我真係唔係好識計,計唔到有幾多水位的話,點解要買佢? 當然,我相信有高手會計到,呢D錢不是我賺

跌個D極品唔講啦,大家都知
跌個邊有D水泥,地產,內銀,證券,汽車,奶股,半新股
有3隻新股跌幅都係比較大,都係1月中上市,首日勁升之後潛水
水泥股係幾唔掂,但無咩留意原因
內地證券因為IPO重啟,A股弱,影響券商股價
內房有3-4隻跌幅較高,845因為私有化失敗,754好似係銷售未達標
1259呢隻青蛙俾人質疑假數之後一直下潛...
物美商業同聯華超市都係超市股,跌幅都幾大,980聯華更出現盈警
1828大昌行唔知衰咩係咁跌,日本車下半年應該好賣返,但佢都要插水
178 SASA銷售數據麻麻,俾人沽,香港零售
1149中國安芯,上年7-8月頭大升之後一直下潛,而家已經跌返去7月起點
1171,煤價上個月升左一D之後又跌返,煤股今個月都弱
1913 PRADA,12月開始下挫,睇黎奢侈品跌浪開始左,14年都會繼續弱
本地收租股例如九倉4,恆隆101,14希慎等等都好弱,
幾個月前講過D租開始跌,REIT同收租股都會弱,而且昃弱一排

汽車股吉利,長城1月都表現唔掂,開始值得重新研究
乳品股都是較弱行業,亦都值得重新研究

 2014年2月大市應該會反彈返D,
業績期3-4月,但半年業績靚既股都炒起哂,
3-4月有機會大升既都只係業績超預期好既公司,
但好難估係邊D,所以都幾難預先買定,
但可以留意有增長又估值低個D行業
暫時乳業同汽車都值得留意下

有D股唔知點解升,有D股唔知點解跌
好似357美蘭機場就睇極都唔明點解跌,有時間再搵下新聞研究下
因為估值真係好低...

最後,同大家拜個晚年,祝大家馬年股運亨通，一買就升,一賣就跌!:D

https://docs.google.com/spreadsheet/ccc?key=0Am5JXpjTgzardEVaOXY3ZnF3TnJGemVKeUVKQ1dwVHc&usp=sharing

2226 老恆和IPO

2226 老恆和釀造

公司歷史有過百年,但其實只係噱頭,百年前既產品相信而家公司已經無乜剩返幾多個,至少1915年拿過世博獎既腐乳,已經唔係現時集團主打產品,集團收入來源都係來自料酒,類似廣東人用既米酒,以陳釀黃酒做基酒溝出黎既野。公司現時主要在浙江省,山東省,江蘇,上海,北京,廣東為主要銷售地區,估計這類酒主打都是華東地區人使用

集團雖有歷史百年,但真的發展應該都只是近幾年的事,因為集團主席兼大股東陳先生，是1995年成立中味釀造,十年後即2005年才收購老恆和釀造廠,當年收購價只是4百多萬人民幣，價錢這麼便宜的原因是當年老恆和境況不佳,之後陳生開始振興老恆和,將老恆和產品賣給中味釀造，再經由中味的經銷商出售,老恆和靠經銷商而壯大,相信收入經過數年才有明顯進步,2010年至2012年收入由3千多萬升至3億多,13年將會達5億收入,2011年才開始於電視賣廣告增加知名度,冒起很快,很快佔據料酒市場,但這個仍然是較少的市場,我認為醬油才是真正的戰場,集團於2012年才推出高價醬油產品,鮮上鮮醬油，帶動2013年收入增長，13年年末開始推出新產品頂級醬油,針對魚生的市場

網上搜尋過,在淘寶搜料酒,銷量最高的那幾家,多數都是老恆和,相信其中國市場佔有率第一是錯不了,與招股書一致,價格與招股書平均價也接近,成本就查不到了,集團近年收入大升的原因都是因為重組,經銷網擴大,銷量升,售價升,也很合理，集團減少平價產品,增加中高價產品,毛利率差不多,但賣更少公升的產品,卻能有更多的收入,加上醬油產品大賣,13年首8月收入大升70%,集團預計今年賺不少於1.94億HKD,以7.15上限價計,13年P/E 18.7倍,如果14年收入升少左,得35%,盈利預計仍可升40%,預測市盈率跌至12-13倍,估值低

公司管理層俾我感覺幾有良心,至少無O係公司上市前派息俾自己,好多公司都會O係上市前派一次特別息,自己拎走公司D錢先再上市集資,呢D公司係咪真係有心幫股東賺錢? 真的很難說,感覺比較差一點,但老恆和無,陳生收購老恆和這個百年老牌子,仍然保留傳統,天然發酵製料酒公司不多,至少內地最大個3間料酒生產商都係得老恆和一間係咁做,其餘兩間係化學生產

預計首日至少可升至$9,14年目標價12蚊

集團未來發展前景很大
1.集團可擴闊銷售地區,銷量增長潛力仍大
2.集團產品仍然少,增加新產品仍有助收入增長

做分析,一方面要係咁搵D好野黎分析,另一方面亦要搵D負面野黎分析,機會與風險都要睇
風險,我只係諗到生產過程有意外,或者被人惡意中傷,特別是這些急速冒起的後起之秀
一定會動搖原本市場的老大哥神經,突然產品有問題也不出奇,但這些事是管理層也難以避免的風險,

2013年個人檢討

一年寫得東西都太多,幸好寫在BLOG及PAGE網誌的文章不算太多

FB網誌

2013年1月17日,陽光油砂,一年累跌近50%,但那時標題是十年後的預期,十年後我還會記得這篇文章嗎? haha

2013年3月2日,中國電子,表現不錯

2013年3月9日,927富士高,當時寫完都曾經升左一次近20%,但現時已跌33%,當時對全年業績預測係唔準確而且有點樂觀,只係用上半年=下半年估,之後亦無再跟

https://www.facebook.com/notes/218123688326911

2013年3月29日 呢篇野精彩,2012年公司業績篩選,睇返當時篩出黎,都有不少做左2013年股王~不過當然用計升幅用1月1開始就唔太準確啦

https://www.facebook.com/notes/227097084096238

2013年5月4日,921海信科龍,分析得幾好,幾滿意既一篇

2013年5月5日,搵潛力股,921同威靈是當天首選,兩隻都升左超過50% 

https://www.facebook.com/notes/241501745989105

2013年5月25日,維他奶,當時睇淡,但至今仍然大升,唔明左半年,繼續唔明,2013年9月底為止的半年業績都未睇到有咩大利好,但歷史p/e去到40,我買奶股好過lu,估唔到當年蒙牛p/e遠高於維他奶,今日竟然相反

https://www.facebook.com/notes/248626671943279

blog

2013年6月

有太陽能股淺析,同長城汽車,當時只係覺得興業太陽能較穩定,但當日至今升幅佢唔算好高,反而漢能曾升左1倍多,其次係3800,不過當時無結論,長城汽車當時目標價40-44,而家都是這個範圍上落

2013年8月

三江化工,當時同而家個價一樣

4隻零售股,1361 361度,1388 安莉芳,0703 佳景集團,0602 佳華百貨,除左602無乜升,其他都升唔錯,最勁係703

當時睇淡一拖,而家都升唔少

2013年9月

1045亞太衛星,講個陣都升唔少,講完繼續升

又係921,不過今次詳細好多,之後起步係咁升

175,一直都係橫行,近排仲要插水,自從10月9日吉利汽車(00175)遭高盛旗下亞洲私募投資部門GS PIA折讓4.1%-7%、配售5.78億股之後,股價一直橫行,大摩更叫人避開吉利,但我見到11月銷量都唔算有好大問題出現,當時大摩目標價3.3,睇黎可以3.3入少少

2013年11月

1268美東汽車,仍然潛水,有時間可以再睇

乳業股,近排調整,仍然值得吸納,待跌定反升才考慮追

2013年12月

金天醫藥,一開市插水,近排升返上黎,好快上返招股價,值得醫意

小結,2013年寫得落網誌同blog既公司都大致上一如預期,大部份都唔錯,大跌既只有陽光油砂,我個人俾自己13年表現算合格,2014年希望更準確,找到更高回報的公司...

廣汽集團銷量爆炸性增長

今次寫呢篇文的原因是因為以下一段新聞

《國企紅籌》廣汽（０２２３８）全年銷量增４１％至１００萬輛

http://www.etnet.com.hk/www/tc/news/categorized_news_detail.php?newsid=ETN240103585&page=1&category=latest

我立即上網查返廣汽今年每月銷量,再順手拎埋其他公司汽車銷量數據
得出以下的圖表,每月汽車銷量圖表,包括東風,上汽,長安...長城汽車只有13年5月開始數據,所以不能比較,另外吉利沒有找到~
我以11年1月作為基點100,再將之後的日子銷量除以11年1月銷量計算

東風表現都幾麻麻地,每月銷量都是平穩,沒有大增長

雙反廣汽集團9月開始銷量爆增,找了新聞好像是與新車推出有關,看來很受歡迎,11年至今,11-12月銷量都高於以往所有月份

其他車廠都有增長,但沒有爆炸性增長的銷量

廣汽全年銷量升40%,很明顯與9月後銷量爆增有關

但如果有睇我之前寫汽車業既文章,都曾經講過廣汽的盈利係來自聯營公司

汽車銷量只能預測集團加共同控制實體加聯營公司的收入,但盈利是不是同樣增長,不一定

可以參考這篇新聞,http://www.nbd.com.cn/articles/2013-03-29/727580.html

2012年銷量只跌5-6%,集團加共同控制實體加聯營公司總收入跌6.35%

但最後計出黎股東應佔溢利/淨利潤,跌70%,主要原因是共同控制實體加聯營公司應佔利潤少左20億,政府補助又少左8億,分銷費,管理費加埋多左2億,
所以最後淨利潤少30億,由11年42.7億跌到12年11.3億....少左70%

而家最難估佢聯營個度會點,如果銷量多左,利潤率應該會升,應佔聯營個度會升返唔少,

呢間野真的有點難估,但如果銷量升得咁勁,市場應該會俾返好少少既估值俾佢
但銷量數據出左之後,股價0反應,呢隻都是繼續觀望下,而家呢個位應該唔算好貴

但而家呢個位入又有好像投機性頗大,汽車行業仍然可以繼續留意,幾精彩....

2013年大贏家股(待完成版)

2013年歸類大約有以下幾類

博彩收入增長最勁其實唔係13年,反而係11,12年,但今年濠賭升幅竟然高於11及12年,真係好多人都唔會估得到,只能說大家都突然認為賭股會長賭長有,解釋不到,另外內地博彩又是突然好似俾人發現新大陸咁炒起,但實際收入及盈利未見升得好勁,而且網上博彩係點,我都唔係好清楚,而家好似某D公司變左馬會咁賭,之後自己袋左D錢? 阿爺會唔會突然禁?唔知,14年賭股表現我有好大疑問

再生能源股上年已經炒緊,好似750興業太陽能咁12年就升左幾倍,今年表現就差D,而今年風電發電股就表現好好,主因上年賺少左,今年賺得返多左,黎緊一年亦有好大機會繼續向上,而風電設備股已經一早炒高,好似金風,中高傳,風電股賺返錢,可能加大投資,風電設備亦可以留意,太陽能設備競爭太大,漢陽太陽能只做母公司一個客,其實好難料,其實可以留意返750興業太陽能,呢個板塊14年應該還不錯

環保水業股好多都唔係盈利增長好勁,但隻隻都升一倍,現時好多間都係做建設為主,之後營運賺管理費,真正擁有濾水廠,廢物處理廠既公司唔多,佔比都係少,靠賺排污費仍然較難,因為公用野,一定係阿爺自己袋,點會益你,做建設起野就搵你起,起完唔會俾你袋,有D公司自己出哂錢就會,都是小型項目多,呢個行業仍然要研究一下才有信心,不過睇過下都唔係好了解,應該唔會花太多時間,還望其他高手指教下

家電唔算好勁,只有估值低的海信科龍較強,佢自己銷售盈利增長都很強,公司轉型已經開始,相信後市仍然會有不錯表現,但擔心內地樓市增長放慢,佢就唔掂,估值低返既話仍可考慮,國美轉型開始賺返,呢隻都值得留意...

軟件,手遊,電腦個D,同互聯網有關今年都很熱,內地網民增長已經放慢,新興行業才有較大機會繼續升,例如以前無咩人玩既手機遊戲,無咩人會網上買野既交易平台,都會陸續興旺,但當市場賺到錢好多人就會湧入競爭,邊D可以防止到競爭影響是選股關鍵,變化太快的市場,要經常注意才會找到寶物

藥股,上年我都有睇過,但都研究唔出今年個幾間強者,主要因為真的不知道D藥點先會大賣,要請教專家,吉林長龍已經連續高增長多年,現時估值亦不算高,佢只有一隻主打藥,風險其實較高,但佢個市場又好穩定,石藥估值很高,我也是不太清楚佢D野係好唔好賣,四環既藥賣得不錯,14年可能繼續向好,藥股仍然值得發掘

其他類別已有解釋,14年應該仲有板塊可以值得留意,但現時寫住咁多先,以下是各板塊升幅較高的公司

博彩類

102凱升,何猷龍攪賭股既殼,一年升1523%,除非你係何生D FD,否則點估?_?全年未有盈利,仲攪緊

新濠環彩314%

華彩控股312%,

澳門勵俊239%,今年新股,其實佢同賭只有間接關係,佢做建築

中彩網通341%...

第一視頻41%...

仲有一堆澳賭未能盡錄

再生能源

中國環保能源,1532%,詳細唔知攪乜,剩係知升左好多
順風光電,1619%,可以睇返之前蘋果日報報導,又係你唔會年頭買得中既股,年中先有可能知咩事....

華能新能源171%

京能清潔149%

華電福新,112%,

漢能太陽能125.71%

龍源電力88%

以上有做緊風電再生能源既公司,中期業績盈利都錄得大幅增長,有睇開都係會買得中的

環保水業類

中滔191%,上市無咩人抽,上市後升幅唔多,係突然9月底開始爆上,有研究環保水類既朋友可能會發現到

中國水業集團,155%,同下面應該一樣

北控水務,147%,年頭有研究水業公司會留意到佢,我公司高層就曾經睇中左呢隻

中國光大國際167%,環保野,業績未睇到有幾勁,但有留意環保股一定識佢

家電

海信科龍,252%如果出12全年業績發現佢P/E低,應該會買得中

威靈控股118%,同上

國美56%,盈利開始復甦

電腦,互聯網類

金山軟件 3888,313.9%,如果你係做呢行,年頭應該買左,因為雷軍
網龍80.79%,無啦啦賣左91助手,好多都大失預算,不過仍然不錯升幅

騰訊99%,QQ FANS又係一定買得中呢D

信利國際145%,受惠今年智能電話大賣,盈利大幅增長

藥股

東瑞,208%,唔係好識佢

吉林長龍191%,做腎藥,盈利增長好勁,可以參考康臣份招股書

石藥181%,收購製藥企後轉型做製藥為主,估值大升

復旦張江170%,唔識佢TOO

四環113%,D藥好似幾好賣的

燃氣股

中國燃氣88%

天倫燃氣 81%

新奧能源71%

華潤燃氣70%

燃氣都係同頁岩氣平,需求上升有關

其他

亞太衛星,377%如果有留意開呢間公司一定買得中,新衛星貢獻盈利大升

CEC 759阿信屋,509%,如果你係759 FANS,可能會由年頭渣到年尾食到盡既

華熙生物科技304%,我見有內地行寫佢研究報告寫左幾十頁,係可以發現到,如果你熟呢行,但呢行都比較偏門,做整容用既液體,真係好難識

佳景集團,298%...呢隻上年年尾都已經好多人講,係今年先發威,莊家配完股就起,真係無辦法,配股係上年11月既事...

ICABLE 81%,因為發免費TV牌,真係無人估到突然發牌,

彩星玩具,487%忍者龜大賣,是今年突然發生的事,但你有朋友住美國,可能都會發現到佢....

2013年大輸家股(節錄) 預覽版

今年跌幅20-80%股份(節錄)

今年明顯地有數個板塊明顯十分疲弱,分析今年弱勢原因,對明年市場走勢更了解

股價走勢反映了整個中國及香港的各行各業發展(主要都是中國),比參考業績見有效率

那個行業今年唔掂,那個最掂,看股價走勢便一目了然

當中走強走弱原因,當然仍要看業績了解,也要一點對經濟新聞有所認識

今年弱勢行業如下,

煤炭業,2013年煤價持續下跌,當然影響了煤股,當中尤以焦煤跌幅最慘烈,不少公司出現虧損,煤價跌至低於開採成本是致命傷,但為什麼煤價會跌至跌於開採成本?可以參考這篇新聞http://finance.takungpao.com.hk/q/2013/1221/2122156.html，看來2014年內地煤炭霉運難改,除非中國政府對煤炭企業扶持，減輕稅率,或有補貼,協助提升營運效率降低生產成本,否則難以與進口煤對抗,13年下跌煤炭股如下,975 MONGOL MINING,1733 永暉焦煤,1878 南戈壁,1898中煤,564鄭煤機,866 中國秦發,1171 兗州煤,276蒙能,3948伊泰煤炭,

資源股,這個行業真的不太了解,估計與中國經濟增長放緩有關,之前資源股好景,個個搶入投資資源開採,產量大增但經歷金融風暴後,需求大減,產能過剩,多個資源行業雖然經歷10年4萬億投資仍未覆甦,14年會不會有希望?仍要再研究,資源股代表如下1208 五礦資源, 661 中國大治有色金屬,893中國鐵太,2889 中國鎳資源, 769中國稀土,1029鐵貨,3833 新彊新鑫礦業,1555 MI能源,358江西銅,

金股,其實金價由2011年9月6日高見1923美元/安士後，一直下潛至今,而金礦股更早於11年9月前已見頂,一直下潛至今,股價已跌至09年上半年的海嘯價,但金價現時只跌至1200,約2010年8月水平，或09年12月水平,而09年上半年金價約900-1000美元,金礦股股價是否已完全反映2014年金價下跌至900至1000的預期? 我不知道,如果對金有研究的受到,可能留意金礦股會否經歷2-3年的下跌後,重新向上??? 13年慘跌金股包括1818 招金,3330 靈寶黃金,2899 紫金

百貨零售是另一個重災區,主要原因是內地消息增速放緩,而租金加上人工(零售業兩大開支)卻上升加快，收入只有1X%增長已不錯,但人工卻升2X%,續租租金又升2X%,盈利下跌在所難免，加上庫存積壓令公司要為存貨增加減值撥備，13年開始還要面對網上銷售興起,這個強勁的對手足以影響整個行業生態,當中賣平價鞋的達芙妣,其他新對手唔租鋪,唔洗請SALES,只需要請幾個人負責客服,出貨等,就可以全國銷售,價格可以比傳統公司平,而且用料可以更佳,更吸引顧客,210達芙妮連續多個季度受影響，連龍頭百麗亦受影響,收入增長持續下跌,百貨公司也一樣,專櫃收入下降,2014年這個行業未必可以很快扭轉厄運,還是研究網上銷售商更值得,市場就是一雞死,就會有另一雞嗚,沒有人會買死雞的,百貨零售大跌股包括:210達芙妮,3368 百盛,984 永旺(吉之島),312歲寶百貨,1880 百麗國際,891利邦,3308金鷹,814 北京京客隆,887英皇鐘錶,999 I.T.3998波斯登

停牌股,3335 DBA電訊

創業板,8260 施伯樂,8185御藥堂,

業績古怪股,886銀基,1198皇朝,1387人和,1121寶峰時尚,389 通天酒業,904中國綠色食品,1157中聯重科,2010瑞年國際,

珠江鋼管,勝利管道,

雜項:506中國食品,2012 陽光油砂, 515達進東方,819天能動力,8046恆芯中國,691山水水泥,189東岳,1080勝利管道,315數碼通,842理士國際

新股-2211 金天醫藥

金天是東北地區第3大零售藥商(以銷售額計),首5位中,有4間都是國企,金天是唯一民企，過去3年主要靠收購及擴張維持年複合超過50%的增長，收購擴展的資金來源來自外來資金入股及現身業務現金流入,我不太清楚主席憑什麼可以在醫藥零售分銷(全是國企壟斷)這塊肥豬肉上能分得這麼大的一份,竟然可以搶佔國企的錢,來頭應該不小吧..

集團上市前股東權益總額7.7億人仔,今次集團集團10.5億人仔左右,集團無借銀行錢,負債中94%係應付賬,6%係所得稅負債,集團負債真係我前所未見咁少項目....好簡單的公司...無借銀行錢,6月底有現金5.9億人仔,資產負債表真係好靚,集完資多左10億用,集團說會部份用作收購,相信未來數年要維持高增長不難...一定可以高於國藥,因為國藥1099資產負債表對比起來就好差

1.國藥要借貸擴張,借貸成本(利息開支)侵蝕部份盈利,而且將來賺的錢要拿來還債,金天醫藥就沒有這個問題,用自己錢開,賺左可以拎黎再開,唔洗利息開支,利潤率亦較高

2.國藥應收賬多於應付賬,賣左去收唔返錢既多,而且應收賬增加金額高於應付,影響現金流,俾人拖數多過自己拖人數,金天就相反,拖人數多過俾人拖數,多現金用之餘更可以賺多一陣利息收入(雖然唔算多),亦反映集團現金流較好

收入支出表中,13年上半年,毛利率達26%,12年毛利率23%,相比國藥控股13上半年7.9%高出很多,點解最大間的國藥反而低過細公司,我也不太清楚,或者與國藥是國企背景有關???國藥2009年9月上市時,2009預測市盈率已經是37倍,上市價16蚊,昨收23.65,4年來,股價升幅47.8%,盈利每年都有增長,由2009年1,098百萬HKD升至2012年2,456百萬HKD,預計今年約2800百萬HKD,盈利表現十分好,可惜股價增長跟不上盈利增長,主因當時P/E太高,國藥現時股價相當13年預測P/E約20倍,金天醫藥招股價的預測市盈率14.1-20.5倍，與現時國藥相若,招股反應因信達影響,好像不太熱烈,不過如果要我預測,我可以好肯定,往後,金天醫藥股價及盈利升幅一定高於國藥,如果金天首日開市價低於上限價,強烈建議買入,並作長線持有

投資是有風險,投資前請衡量自己負擔能力,本人為持牌人士,撰寫時並沒有認購該新股

招股書

http://www.hkexnews.hk/listedco/listconews/SEHK/2013/1202/LTN20131202008_C.pdf