中國汽車經銷商 行業研究 (1)

簡介:有興趣研究呢一行既原因,係因為多間公司都距離最高價跌左好多,盈利係仍有增長,估值亦都創新低或接近歷史低位,部份公司更只有單位數P/E,普遍12-13倍P/E,如果行業重拾增長加快,這批公司便能跑贏大市,所以研究一下。中國汽車經銷商發展歷史唔算好長,近年先多這類公司上市就知道,上市歷史短都幾難分析,但招股書多又新,資料都豐富。十年前多數公司可能分店十間都無,仍然好細,是近幾年才發展起來(應該是2009年開始吧),我估是十幾年前經濟增長唔算高,人民收入亦不高,進口車市場好細,而家雖然大左,但我覺得只算係中小型市場,仍有很大空間,當然做賣車不會及生產汽車的車廠好賺,因為賣車唔需要專門技術,有錢+有關係就OK,有車廠授權,你有一筆錢入貨,一架法拉利1-3百萬,10架存貨2-3千萬,其實同賣樓無咩分別,不過風險更大,至少賣車你會有俾人偷既風險...

要了解中國汽車經銷行業,先看十大公司
http://auto.qq.com/a/20140529/007151.htm

排名

經銷商集團

營業額

1

廣匯汽車服務股份公司

840.63億

2

國機汽車股份有限公司

748.87億

3

龐大汽貿集團股份有限公司

639.85億

4

中升集團控股有限公司

525.52億

5

利星行汽車

416.58億

6

寶信汽車集團

358.41億

7

上海永達汽車集團有限公司

353.95億

8

湖北恆信德龍實業有限公司

349.07億

9

中國正通汽車服務控股有限公司

303.80億

10

廣物汽貿股份有限公司

293.53億

排名4中升,6寶信,7永達,9正通都是香港有上市,其他排名以外上市公司包括21潤東,36和諧,40新豐泰,80美東,共8間

各公司2013年分店數目

其實規模越大,分店數一定多,但每間分店都要投資唔少金錢,集資能力亦都好重要,中升曾經有基金入股支持,所以擴張快,

每間經銷商店鋪類型亦有不同,不計5S,4S,3S,展廳,維修中心等分別,若以品牌來分,可以分為超豪與豪華,中高端兩種

以我觀察,超豪包括法拉利,瑪莎拉蒂,保時捷,賓利,蘭博基尼等,豪華包括寶馬(好多間都係主要賣寶馬),路虎及捷豹,奧迪,奔馳(Benz)均價4X萬人仔,中高端主要是日本韓國品牌均價1X萬人仔

以下將以收入,毛利率,淨利潤率來解說

收入與分店規模成同比,店多收入多,所以沒什麼好分析,但通常公司會將收入分開兩類,豪車及中高收入,但分店比例相同,豪車及中高收入佔比可以不同,以寶信及正通做例子,因為兩間公司分店比例係一樣,豪華:中端,82:17,但收入方面正通係79:10,寶信係85:6,即代表寶信每間豪車係做得大過正通,可能係品牌唔同影響,或者寶信豪車銷量較多,正通就相反,反映集團銷售方向係偏向那一邊,其實收入最重要係睇售後服務,邊間鋪可以做得多售後就賺得多,最多係中升,其次係美東,分別係最大同最細個兩間做售後較多,但其實間間都係佔收入9-11%,分別不大,收入其實無咩好睇,睇毛利率吧

毛利率代表賣左D貨扣左D貨既成本你賺幾多,賺錢能力之其中一個參考,賣車間間都一樣,通常都係分地區,好少同一個地區有兩間公司賣同一品牌既車,我見幾間公司都係區域性只集中某個省/市,因為呢行無咩差異性,A賣個架BMW,同B賣個架,一模一樣,如果開埋一齊鬥平,兩家一齊死,BMW都唔想咁,對佢亦無好處,所以我估係BMW控制左開鋪地區,因為要BMW授權經銷商先可以開...超豪豪華品牌毛利率會較高,所以正常計豪車多,毛利率自然高,但其實好多公司最賺錢(毛利率最高)既收入來源不是賣車,而是售後服務,通常毛利率都有40-50%,可以睇個表....因為永達中升暫找不到豪車/中高既毛利率,比較唔到,暫時睇豪華車毛利率最高係和諧,真係高好多,佢集中只做豪車可能有關係,第2是寶信,中高車毛利率最高是美東,而售後服務毛利率最高也是美東

淨利潤率,代表做完單生意,股東有幾多錢落袋,反映公司真正盈利能力,比毛利率多了其他雜項,例如人工,宣傳費,稅,折舊等等,統稱其他經營開支率(經營開支/收入),今次我只將淨利潤率減去毛利率就等如其他經營開支率,淨利潤率當然越高越好,經營開支率當然越低越好,反映經營效率高,眾多公司之中,和諧汽車淨利潤率最高,其次係寶信汽車,第三係美東,因為3間公司毛利率都高D,經營成本雖然和諧汽車最高,但扣左毛利率,淨利潤率仍然最高,經營開支率寶信與美東都係7.08%及7.03%,分別不大,經營開支率最低是新豐泰及正通...但他們毛利率低,淨利潤率沒有優勢

綜合毛利率及淨利潤率數據,得出和諧汽車,寶信汽車,美東汽車是賺錢能力比較好的公司...當中各有特色, 和諧汽車只做豪車,毛利率高,淨利潤率高,寶信雖然樣樣都唔係第1,但都有第2,豪車毛利率第2,售後服務毛利率第2,淨利潤率都係第2,2奶命,經營都唔差,美東汽車做中高端為主,因此銷售毛利率比唔上其他廠,但憑銷售服務高毛利率支持,總毛利率高於唔少大經銷商,淨利潤率也不弱,公司雖然唔係賣高毛利率貴車,但專注做好售後服務,係頗特別的公司

至於那一家公司股價會升得最多? 要看擴張速度,因為單一店增長有限,開店開得快,收入及利潤先升得快,這才是投資的關鍵,但我見有公司年初計劃目標開設X家分店,但最後結果年底只開左目標的一半,所以計劃開幾多家不可靠,那我可以怎樣預測公司開店速度? 這個我要再研究,但現時這3家汽車經銷商已經吸引我深入研究,將來再和大家分析一下,另外公司代理品牌受歡迎程度亦都係影響收入因素,如果BMW全中國銷量增40%,BENZ全中國銷量只增10%,經銷BMW佔比較多既經銷商A收入增長就會高於經銷較多BENZ既經銷商B,有時間再搜集資料俾大家