港鐵0066 2020年上半年業績詳解

港鐵發表2020年上半年業績，2019年全年果份只反映2019年下半年反送中運動對港鐵之影響。今年上半年是疫情+運動對港鐵之影響，曾經被譽為不會蝕錢的港鐵，今年上半年終於要蝕。不過整體係因為投資物業估值下降導致姐。唔計呢個都係賺既。

https://www1.hkexnews.hk/listedco/listconews/sehk/2020/0806/2020080600507_c.pdf

首先睇下，港鐵客運業務點解會蝕錢先啦

睇客運業務開支，其實好簡單，客運開支全部都係Fixed cost，只要收入跌低過Fixed cost咪要蝕囉，不同今年上半年收入仲未跌低過Fixed cost，62.34億收入，61.28億開支，仲有1.06億利潤，但扣埋折舊同攤銷，就要蝕25.8億了。

固定開支包括員工成本32億，一定要俾既，有冇乘客都要俾既，除非炒人，cut班次都無用。巴士小巴都可能cut咁d人手或減少班次，吉車多咪cut，港鐵一架車載咁多人，cut車長／班次幫助不大，cut舉牌果d，或者企係度叫人行果d，又或者cut咁d睇人跳閘果d，可以幫助大d。另外保養呢個開支都無得cut，唔通想有事故咩？ 不過話時話，呢半年好似無壞車例子，亦都反映港鐵之前運力係到左頂，而家少左班次就無事了。

港鐵客運唔會蝕？ 無人搭佢就會蝕，無一間公司可以無客都唔蝕架喎。其實好多行業都一樣，總會有客戶減少既機會。

再睇下佢客運量,

1.本地鐵路客運量跌33.3%，當中有幾多係旅客(自由行/外地旅客已絕跡)，有幾多係學生(長期停課)，有幾多係wfh既僱員(連同公務員)，有幾多係唔再搭港鐵? 真係好難計，而家可以計到既係，上年同期係8.27億人次左右，今年減少左2.74億人次，但咁多客源都受影響，只跌1/3，都未算太差，跌一半就合理。收入跌31.1%，反映長途客佔比多左。

2.過境服務同高鐵，應該可以反映到內地客影響，跌87-89%，過境上年係5780萬人次，今年得740萬人次，少左約5000萬人次，高鐵上年係1040萬人次，今年110萬人次，少約900萬人次，兩個相加係5900萬人次，因為2月頭開始已經封哂d口岸，得返深圳灣。內地開始有疫情D人都少左返大陸都有關。

3.機場快線跌77%，反映國際旅客，機場係遲少少開始少飛機，所以影響低少少。上年約910萬人次，今年210萬，少700萬。

 

再睇下

市場佔有率，呢個係一個幾好既指標去睇有幾多人因為罷搭黨鐵而對黨鐵既影響，其實巴士，小巴等交通工具都會受疫情影響，但成個市場收縮下，有D縮得勁D，有D無咁勁，其中一定包含罷搭因素，至少過海交通工具市佔一定係本地多，由68.2%跌至65.1%。過海有時真係好難唔搭地鐵，但都市佔率跌，好大機會係罷搭因素。亦都有可能係有D人因疫情下想慳錢，唔搭地鐵搭巴士，呢個量化唔到。

之後睇下商店果方面

車站租金收入跌52.8%，公司解釋為紓緩疫情期間中小型租戶的租金負擔，中小型租戶可獲減免 2 月至 4 月份一半租金。 大型租戶的租金減免亦會按疫情期間個別情況而定。公司於 5 月和 6 月份亦繼續向各租 戶提供租金減免。

值得留意廣告收入一項，跌64.9%，公司解釋零售業和旅遊業表現欠佳，導致咁，反映出幾樣野，1.港鐵唔少廣告都係旅遊/零售類，但我印象中又唔係好覺係。 2.有可能公司減少左係黨鐵落廣告，但無數據證明，始終調整去做網上廣告係合理D，但要廣告界先會有數據。

之後再睇商場/寫字樓租金

租金收入跌幅少，1%都無，未見有明顯結業/退租影響，公司話有租金減免，另外收購新世界2個商場支持左租金收入，上半年新訂租金係跌17.6%，之後會慢慢反映返出黎

物業管理收入跌21.0%公司未有解釋

之後再睇內地喇,呢個精彩喇~

北京果度公司無提到同比減少幾多,我唔搵返上年果個喇，睇其他果兩個地方啦，深圳客量跌46％，杭州跌43％，都好接近，精彩在什麼地方？就係佢地客量跌幅比香港更大，唔通內地人罷搭？緊係唔係啦，我估係內地禁只出門同埋復工比香港嚴，有d餐廳係禁止營業左一個月。另外有一個重點，深圳地鐵十年來無加過價，香港呢十年加左幾多？ 深圳物價升幅比香港更高喎。

最後，其實我無咩興趣買呢類增長能力有限既公司，2000年10月5日上市，經調整後首日上市價約6.1港元，現價39.4，20年，6倍幾升幅，唔係我杯茶。所以分析唔係為左要買，純粹俾大家了解呢間公司靠乜賺錢，d錢洗左係邊。