2013年8月28日 星期三

曾經十倍股-0052 大快活 (1)



另一隻曾經十倍股,大快活十倍起點是2003年尾,股價$1.X,現時股價是$16,03-04年NET PROFIT淨利潤只有3百多萬,04/05年大升十倍至3千多萬,當年年報在以下連結,公司營業額增長不大,由745.2百萬元增加至838.8百萬元,只增加12%,但毛利率改善,公司換左形象,進行重大改革後一洗之前賺不到錢的劣績,令淨利潤大增(不過當年淨利包含非經常性收益)

2005年年報
http://www.hkexnews.hk/listedco/listconews/SEHK/2005/0728/LTN20050728176_C.htm

公司2012/13年年報全年收入只是19億多,8年間只增加126%,平均年複合增長只有10點幾%,但股價增長5倍多(參考以下YAHOO連結) 與海螺水泥有很大的分別,大快活收入增長不高,只靠不斷改善營運效率及成本去增加淨利潤,令淨利潤8年間增由3千多萬增至現時1.4億(4倍多),試想像你在05年的香港,考慮香港快餐飲食市場其實很飽和,周圍都有食店,如果你當時睇大快活,未必想像到8年後會股價會有如此增長

大快活過往股價
http://hk.finance.yahoo.com/q/hp?s=0052.HK&a=09&b=3&c=2000&d=07&e=28&f=2013&g=m&z=66&y=66

這種類型的十倍股是很難發現,,03年尾不會預計到公司進行大改革,最快要2004年12月出中期業績才會見到公司虧轉盈,那時股價已升至3.X,去到2005年中出業績,知道盈利大增十倍後,那時股已見4蚊,距離現在股價只升4倍,與淨利潤增長相若,即以前與現在P/E相近,都是14-15倍左右。

最近澳門都有一隻類似既公司,就是專頁曾提及的703佳景集團,都是做飲食,不過不同的是公司是被注入業務,一開始都是虧損,其後收入增加,毛利率改善,經過兩年高增長,現時回復平穩,但現時毛利率受壓,核心淨利潤不見增長,如果集團將重心加強毛利率改善,利潤增長加快,要變成下一個十年的大快活也有很大的可能! 佳景中央廚房即將建成,應有利於改善利潤率,加上現時P/E只有10左右,仍然是不錯長線投資機會,只是我比較擔心管理層是否如大快活一樣咁有心攪飲食呢?

2013年8月27日 星期二

曾經十倍股-0914 安徽海螺水泥 (1)


今次,想講一講,十倍股通常既特徵之一,就是增長強勁,今次以安徽海螺水泥作例子,其實無論QQ,長城汽車,康師博都是一樣。

十年前,2002年 914全年收入約30億人民幣,十年後即2012年,914全年收入460億人民幣,增長超過15倍,如果NET PROFIT MARGIN(純利率)不變,NET PROFIT(純利)應該會同樣升15倍,而如果期間沒有發新股,股數一樣,每股盈利都應該升左15倍,而又如果P/E不變,股價都會同樣升15倍,所以影響股價因素最簡單既變量就只有這4個,收入,純利率,股數,P/E

收入增長可以有不同原因,對於製造業通常是產能增加,產量增加然後銷售同樣增加,這個要個別分析,如果該公司收入有升十倍既潛力,就通過第一步審核

純利率通常會隨收入增加而上升,因為規模效益,生產越多,成本增加幅度會比較低,最簡單例子,你訂1噸煤同訂10噸煤燒製水泥,100噸既平均每噸煤成本都會較低,因為假設一卡車可以運十噸煤計,一車運10噸成本110蚊(重D用多D油),一車運1噸係100蚊,規模效益已經產生,當收入增長十倍,純利率增長50%,純利就增加15倍了,由圖可見,914毛利率有擴闊了~主要因為價格上升~

股數通常不會增加,除非公司配股集資,但正常公司是回購機會較配新股機會高一點

最後是市盈率考慮,如果你買時P/E 是10倍,之後升至20倍,就算每股盈利只升5倍,股價都會升左10倍,舉例: 每股盈利0.1,你買時10倍P/E,買入價就是$1(0.1X10),之後每股盈利升5倍至0.5,P/E升至20,股價便是$10(0.5X20),莎莎178就是屬於此類,之後會再介紹

小結,所以我之前用低P/E有增長策略就是基於以上原因,將股價兩個催化劑,盈利增長及P/E用到盡,當然仲有好多因素我未有提及,之後會再慢慢探討


曾經十倍股LIST
https://docs.google.com/spreadsheet/ccc?key=0Am5JXpjTgzardG1TbWlxaFU0S0lSSno4c1ZrclNPOUE&usp=sharing

2013年8月24日 星期六

曾經股價升超過十倍的香港上市公司


終於有資料庫可以做到我一直想做的事~
就是找出2000年至今,曾經升幅達十倍的股票

為了將篩選方法簡化,所以只以現時股價除以過去每一年同期股價得出曾經大於10倍的股票~
所以,如果現時股價已經打回原形,是沒有抽出來~

由於部份股票好似仙股,毫子股,老千股,曾經炒起一野升十倍,但其實無盈利支持,個D股票都無需要分析或者咁講,無得分析~所以都會被篩走,最後得出表上125隻股票,但有D都係有問題,所以以市值排列,由上而下遂間研究

行業方面,比較多既有地產類,過十幾年,香港商業樓宇價格指數升左5倍,所以多中小型地產類別公司大升超過十倍也不奇怪~再加上內地房地產過去十多年因經濟發展而令部份內房盈利膨脹,都令地產股股價大漲~

如何能從這一堆公司找出過去升十倍既因素,從而發掘到未來的十倍股? 就是我將要解決的問題!!

2013年8月17日 星期六

專頁開設一周年年結

2012年8月16至2013年8月16
這個專頁還有一星期便成立了一年,係時候做個年結,CHECK下自己既成績
一年前曾經講過既股票,一年後變成點?是我很想知道的
所以搵左香港上市公司股價一年變動率,睇下曾經一年前寫過既公司,一年升幅排名
未講結果之前,先講下香港上市公司過去一年升幅最強既3強係邊幾隻
這三強是完全符合專頁個名-十倍股!!!!!!!!!!!!!!!!
分別有順風光電,恆力商業地產,及凱升控股
升幅分別是16倍,13.8倍,10.5倍
我腦海第一個問題係,點解我一年前發掘唔到呢3隻十倍股?
不過當我睇返一年內既新聞,我明白到,根本無可能1年前知道佢地會升十倍
因為順風光電一年前仲蝕緊錢,一年內玩財技炒高,公司賺到幾多錢仍然未知
恆力係內房借殼,無可能一年前知,因為係一年內某個月先發生既事
102凱升更加唔會知,因為何生年中先開始攪大龍鳳,又供股又一拆2,攪海外賭場
就算你係大股東何猶龍都唔會預計到公司股價升十倍
所以發掘唔到係可以理解

咁再講返我既成績
結果係最好個3隻,分別係興業太陽能,中視金橋同埋長城汽車
一年股價變動係161%,151%,134%,有D一年內提過既不計,因為個價係一年前開始計
我認為算不錯,排名中分別排55,64,80,升幅都超過一倍,一年升一倍幾,我覺得算係咁
當然亦有好多要檢討既地方,原因是升幅更高的公司應該有可能更早發現

不過講點發現之前,講下升幅榜入面D股,因乜事一年內升咁多呢?
主要有幾個原因,1.公司轉其他業務,2.內房借殼,3太陽能,4.手機銷售大升,5.頁岩氣,再生能源
6.業績轉好,大好,被收購,7.網科熱
但部份公司是之後先炒起,所以用一年前價格計個價仍然好低,升幅就好似好高
而且有D原因係唔會一年前知道,好似內房借殼,公司轉其他業務,業績突然大好
只有幾個原因係可以知道,1.頁岩氣,太陽能,手機科網,以下會分別講下這幾個主要原因
1.頁岩氣好似係9月定11月APPLE日報開始報導之後就大升,其實美國都應該早過佢開始攪
但相信要O係呢方面一直有研究有留意既人先會及早發現到呢個機會,頁岩氣升得最勁個幾隻分別有
3337安東油田,升幅3倍,巨濤3303,升幅1.98倍
2.太陽能其實一直都攪左好耐,都係蝕緊錢,無論係升幅最強既712卡母丹克,升左2.38倍都係蝕錢
566應該係唯一賺錢,但佢D產品只賣俾漢陽單一客戶,我覺得有D難估佢業績所以唔敢買,了解唔到佢
太陽能雖然係升左好多,但你不能夠從業績搵到出黎,買中真係只靠運氣吧
3.手機股科網股,其實一直都唔錯,但排名13既732信利國際,升左3.6倍,3888金山升左3.14倍,嘉瑞升左2.2倍,網龍升左2倍,部份有跡可尋,但唔可以單靠盈利就搵到,好似3888要2013年第一季先業績反映,777上年中期都升3X%,當然要知佢91係有前景先得,2382其實業績可以見到,中期升近一倍,2382靚業績可以搵埋同行,其實就知呢行下年有運行
4.龍B股其實2012年頭已經炒緊,所以呢個應該要發現到,我一直有提過但就覺得P/E高所以無放O係LIST度,而且個人因為投資大慶乳業出事,而博士蛙年頭又出事,令我對奶粉股BB股有戒心

對於2013年,有什麼值得買,頁岩,太陽能,今年未必OK,要睇返個別公司先知,3800上半年仲蝕緊錢,幾時賺錢真係不知道,手機科網估值已高,上升空間未必太大,龍B潮已過,對於今年頹股翻生行業.暫時見到體育用品股可以留意,內銀內房都會有機會,但個人覺得港銀會較可取~因為上年倍升股之中,最特別是有創興銀行,因為被收購而爆上,豬肉飼料都可以留意下
轉營,擴產公司要留意新聞,但個人覺得1115可以留意下,我等緊佢業績,其他要睇個別公司
覺得OK會放O係呢個表度,其實都花左唔少時間寫,希望各位會幫手SHARE,令多D人知道呢個PAGE
事隔一年都只得345人,平均一日都無多一個人,HAHA
以上不屬於投資建議,做出投資決策前請注意風險
http://docs.google.com/spreadsheet/ccc?key=0Am5JXpjTgzardDFkNVpnMGlLMzAwMC16MlZxRUZ1dXc&usp=sharing

2013年8月13日 星期二

2013年下半年值得關注估值低的零售類公司

今日做左零售類公司研究
睇下邊隻估值低有機會有較高升幅
最後只搵到估值低,可以留意,但未必有機會大升既公司
因為全部都要睇下上半年業績才能定奪

https://docs.google.com/spreadsheet/ccc?key=0Am5JXpjTgzardDFkNVpnMGlLMzAwMC16MlZxRUZ1dXc#gid=1

包括
1361 361度
1388 安莉芳
0703 佳景集團
0602 佳華百貨

1361,是體育用品股中估值最低,一年以來走勢最差既公司
要待中期業績才可知道公司值不值得投資,所以只是關注

1388,估值接近歷史低位,但一直增長都不錯,5年以來收入增長近一倍,由9.73億升至19.95億
經營溢利由0.95億升至2.6億,5年歷史估值最低P/E 5,最高27.1,中位數16
現價2012年P/E 10.37,相信與內地零售仍然不太好有關,所以看看中期業績,如仍有增長可留意

0703佳景,近排股價走勢轉強,第一季收入只增11%,經營毛利-0.3%,所以之後橫行
2012年P/E 約9近10,最近收購手信公司商標,中央廚房近落成,澳門大學亦開始有收入
下半年仍然有機會重拾增長,都是留意中期業績有沒有驚喜才考慮

0602佳華百貨,2012年P/E只有4.5,公司2009年後一直有增長
亦有派息,2012年每股派0.035,息率8.95%,公司市值只有4億,
大股東持有66%,即流通市值只有1.2億,
太細間無咩人會睇
有機會好似0703,0085之前一樣跑出,但最重要是2013年上半年業績要OK先得

零售類公司只有得咁多



623中視金橋-已經觀察多年的好公司

623中視金橋-已經觀察多年的好公司

其實我一直很期待佢既半年業績
因為佢一直估值很低,自從大基金賣股後一直上升,反映其價值,公司解釋因為開發大量中小企業務令毛利上升

2013年中央對中小企微貸扶持,對中小企及中視金橋都會有幫助,公司一直現金流很強,沒有借貸,現金足,派息穩定,唯一可惜的是現金多但投資計劃卻少,現時仍是合理估值,如果中期業績上升50%或以上,重估價值後股價將至少能升30%,還有可觀上升空間,但一切要待業績發佈後才能估值

股價走勢上不斷創新高,短期將會仍然強勢

2013年8月12日 星期一

體育用品股一年走勢與業績關係?

一年時間,股價排名為
3818中國動向,
2020安踏,
1368特步,
2200浩沙,
1968 PEAK,
2331 李寧,
1361 361度,
裕元呢個老大哥,竟然係排包尾,
果然代工,無品牌,幫人做野係無前途...

睇下一個月後出哂業績之後,邊間份業績最靚仔先~


1234 利郎中期業績待分析

中國利郎,開始CLOSE左部份鋪,收入盈利都跌1X%
一部份原因是鋪頭少左,同店銷售微增3.5%
最令我留意既係華北地區收入增長唔錯,
估值低,派息穩定,走勢似見底,可以研究一下~
同體育用品一樣,撈底可以揀呢類~
今日咁岩睇左篇野講中國中產將會增加得好快~
呢類公司長遠都有機會,最重要睇公司有冇本事/能力,
爭到個市場返黎,分析時最重要睇呢點,MARK低遲D再分析
http://www.hkexnews.hk/listedco/listconews/SEHK/2013/0812/LTN20130812132_C.pdf

2013年8月11日 星期日

3800 保利協鑫 發盈警

http://www.hkexnews.hk/listedco/listconews/SEHK/2013/0809/LTN20130809467_C.pdf

虧損比上年上半年3.3億元有所增加
太陽能股之中,呢隻都應該係較多散戶會買
因為我上MONEY18見佢時不時上十大人氣股榜
太陽能係有前景,但都只代表個行業會整體收入上升
就算佢係世界產能最TOP幾隻之中,都唔代表佢賺到錢

其實好多時市場/傳媒炒作,某間公司前景好好,會接好多單,生意一定好好
就推介叫人買,但每次聽到呢D野,都會叫自己停一停,諗一諗
1.成本如何?每單位利潤有幾多?如果做一件蝕一件,你多多生意都無用
2.間公司產能如何?夠唔夠?有好多意做,但你無機器生產,你都唔會受惠到
3.競爭如何? 你個行好好景,一定好多人爭,公司競爭優勢夠唔夠,會唔會擋得住外來者?
仲有公司財務狀況好唔好?會唔會要借錢買機器?投資回報又夠唔夠高?等等.....
要了解通透,知道一清二楚證明呢間公司真係會受惠到,先去買,咁先唔會俾人搵笨~

如果就咁聽某某講,呢行掂呀就去買,咁同O係街俾D補藥黨厄你買D神藥有咩分別呢?

一拖,並不是好的投資對象

近日見一拖俾人炒高,搵到既解釋都係講補貼
但其實呢個農機補貼一直都有,每年都加多D
2010年155亿元
2011年175亿元,比2010年增加20亿元。
2012年,200亿元,年中追加15亿元,总计215亿元,比上年增加40亿元,增长22.9%。[7]
2013年217.5億元,同上年相若

其實利好程度不高,而且就算有補貼,競爭更大~
香港唯一農機上市公司一拖(38),以往業績都很普通
對上一年收入更倒退左,俾人搶生意,公司競爭優勢很普通
有時炒消息可能炒到一個月,但不要只炒消息懶做功課

http://baike.baidu.com/view/6892119.htm?fromTaglist

2013年8月9日 星期五

2198 中國三江化工 中期業績前的分析

2198 中國三江化工 中期業績前的分析

睇呢篇文之前,可以先睇睇會計仔筆記對環氧乙烷成本及市場變化
http://accountboyhk.mysinablog.com/index.php?op=ViewArticle&articleId=4097666

頁岩氣投資越來越多,產量亦會越多越多,成本仍然有下調空間
我唯一擔心既係,你係咁搶中央生意,屈國企機,會唔會有後果?



同比變動(紅線左軸),市場價(藍線右軸)

再睇近3年幾環氧乙烷價格走勢,2010-2011這兩年價格都有同比上升趨勢,平均都有10%左右,邊際利潤率都有所上升,2012年開始跌利潤率都出現下跌,今年上半年無咩升跌,但價格有下跌跡象,相信10000蚊每噸可以守到,但預測全年盈利時,預測毛利率會有所下調

以下為個人預測

公司主要收入來源是生產及銷售環氧乙烷,佔2012年收入80%

2012上半年盈利202百萬元人民幣,2013年上半年盈喜,盈利增長50%或以上
一方面新產能令產量增加,估計另一方面成本再略有下降,但要再查一查返天然氣價格,根據會計仔資料,公司入口天然氣,國內天然氣提價對其影響不會太大

公司不斷擴產,2012年年報指出預計2013年產能將比2012年增加60%
以2012年銷售量/產量93%預測,2013年銷量為32.48萬噸,售價假設與上年同期相若約10,000元人民幣/噸
環氧乙烷銷售額32.48億元人民幣,毛利率微跌至21%,考慮到新廠房效率較低
稅後利潤全年預計達5.71億元人民幣,每股盈利0.576人民幣,以1.26計返港紙0.7257,增25%

現價3.93,預測2013年P/E為5.41,公司歷史最高估值8.8倍,估計公司未來仍然至少有7倍P/E估值,因為仲有第5期工廠建造中,下年年底投產,產能可增24萬,加上公司最近收購另一間公司,未來仍然可維持超過20%增長,因此2013年目標價定為5.08,預測P/E 7倍,潛在升幅29.27%

如果公司毛利率有改善,升幅將會更高,我這個估計是比較保守的,待中期業績出爐可以有較準確估計,我認為現時都買得過,會加入每日精選股