如何能堅定持有百倍股?

呢篇文講十年百倍既舜宇,

百倍原因係金融海嘯出左個超殘價所以先有百倍~
唔講基本面,呢D馬後炮/幻想既野,我地試下睇返現實

幻想一下你係一個已經知道文中入面寫既基本面的投資者

如果你曾經持有呢間公司,將會經歷什麼? 以下價格是除淨價

由於公司只有2013年9月配過0.97億股,所以股數開始是10億股

股價乘10億就係市值,之後係10.97億股….

2007年6月公司一上市是$3.4收市,當時係港股大時代最旺的時候
但之後就算恆指繼續爆上,佢都係潛水,一直潛潛潛到2008年9月金融海嘯時
當時最低是$0.4元跌左接近90%呀!!!!!! 正常應該落入妖股/垃圾股/廢股之名

之後2009年3月大市升返,佢都有跟升,升左一倍,5月開始上返$0.8…但直到11月都係$0.8….成交一直唔多,好多時100萬元都無…..市值得8億既細公司

09年11月開始上升趨勢,10年4月最高上到$2.0…..超過1倍,但之後慢慢回落到$1.4…..悶左5個月, 2010年9月再開始升$1.4上到$2.5,又係大約5個月時間,至2011年3月,但到左$2.5之後果7個月到2011年10月,一直潛到$1.1….跌左一半有多!!!!!!!!!…..但之後佢係一直升,升左一年半到2013年5月最高$11蚊,升左10倍!!!!!!!!!!!!!!!….但之後一年一直潛水,由11蚊潛到6蚊,之後係6-8蚊水平上落…..之後2014年開始先再展開升浪,但中間都要承受13-14蚊跌到落10.3-10.5既考驗…..2015年大時代,由11蚊上到17蚊,但到2015年底都仲係17-18蚊…….跟住先再爆多次10倍上去…..

總結係,你要渣到百倍股,你經歷既風浪起跌考驗更多,更大,可以升一倍又可以隨時無左一半,仲要中間經歷好多次明明賺左好多,又跌返20-30%既日子,又經歷可能成年都係潛水既日子,又或者成年都唔郁既日子,成年都無回報......同埋你要等到最勁果一段,如果無係海嘯買,之後$0.8先買,2009年0.8渣到2015年尾17-18蚊,渣左5年都係廿倍幾, 之後2年先係爆發期….. 

要睇得中一隻百倍股已經難,可以由佢起步果時發現得到,又有堅定信心渣到尾,中間完全無動搖過,真係無咩可能,除非你將股票提取為實物,然後鎖起佢,一直唔睇報價機,唔睇圖表,唔睇分析(因為分析都會有悲觀既分析,睇淡既分析,令你信心動搖而賣左佢) 唔睇其他股票(因為一睇其他又覺得其他吸引D,沽左D走去買其他),業績都唔可以睇添呀,你見你有半年業績唔OK,又會想賣左佢,所以只有提實物股票,鎖起, 股票戶口都取消埋,唔買賣,一直長渣,先最有可能賺到盡…. 要買到百倍股,唔係識基本面識分析就得,心態先係最重要,當然運氣都佔好大好大成份,運氣+眼光+心態,缺一不可....

https://www.gelonghui.com/p/174887

什麼是投資?

呢篇<<段永平：什麼人適合做股票投資？>>超長,應該無咩人睇哂~

集中講呢六點~
第一點,好簡單,投資就係買公司,只係拆散黎賣,就好似劏房咁, 買公司呢個心態黎買股票既人應該唔多,因為當一去到要計呢間公司幾錢先抵買既時候,好多人都唔會識計,所以第2點就係幫你計數

未來現金流折現計應該幾多錢先好買,其實好難計得準,亦無需要計得準,所以第3點同第4點係相關,第3點意思係,唔係真係要你計數,係要你諗野既方向跟住公式入面去諗,現金流折現既介紹係下面WIKI百科自己睇左先
http://wiki.mbalib.com/zh-tw/%E7%8E%B0%E9%87%91%E6%B5%81%E9%87%8F%E8%B4%B4%E7%8E%B0%E6%B3%95
好喇,佢講既思維又係咩呢,條公式簡單D講就係, 
公司價值=未來現金流折現返黎既現值

即係假設你收購成間大家樂返黎,諗住5年之後,賣返出去….每年要20%回報,咁你出幾多錢買呢? 咁你睇左盤數,將賺返黎既錢,還左俾銀行/其他債權人利息,留左一筆錢做未來新廠新鋪投資之後,每年可以派5億股息俾你自己袋哂, 咁無折現情況下,因為你要年賺20%回報,所以間公司你覺得值25億

但問題就黎喇, 如果銀行借錢利息只係2-3%, 20%回報既項目一定俾人高價搶, 因為股市係公開競價既地方(你當係拍賣), 你出25億但人地可以出100億,佢覺得5%回報都好好,咁你就用唔到25億買,所以,計數係無意思,唔係你覺得值幾錢就會買得到, 市場樂觀時候你根本無可能用到你認為合理既價買, 所以等待都係一種需要既心態~始終會有一日等到你認為合理既價錢,因為市場都有悲觀既時候, 如果你唔係傻到以為騰訊而家會100蚊俾你買到既話,你點都會等到你想買入既價…好既公司,唔會咁易有低價,所以增長能力係彌補返你高價買入既錯誤既最好保障

又舉個例, 市場覺得A公司回報率10%就係合理,咁公司今年賺1億既話,公司值10億, 如果你今年錯誤地用左12億,即係8.33%回報率買A公司,都唔緊要,下年公司收入多左,賺多左,變左賺1.2億,咁下年公司就值12億, 你都會搵得返買家買你間公司,當然你都可以繼續賺1.2億自己袋哂, 唔一定要賣,如果再下年公司賺1.5億,其他人肯15億幫你買間公司,你當初12億既投資就唔會係錯,所以增長係一種保障,保障你既資產(間公司)唔會貶值。

好既公司會有增長,市場都會對公司有預期增長率,正常情況下現值已經計算在內，但當然隨住時間推移，價值都會上升，如果公司增長持續高於市場預期增長,其價值將會增長更快, 所以投資想提高回報率另一個方法就係選擇會持續高增長既公司, 但要識分辨邊D公司會持續高增長, 唔容易, 如果有咁易, 全香港人會識係2004年開始一直買騰訊, 而唔需要供咩MPF, 所以第4點能力圈就係決定一個人投資回報既重要指標, 要識得分辨公司未來增長情況,一定要了解公司內部既管理情況，營運既態度同埋策略, 另外外部環境既變化, 公司面對競爭既能力,就係第5,6點…. 但一個人唔會咩行業都好清楚了解, 你了解既公司都只會係你接觸到既公司,可能你買過佢既產品,用過佢既服務,又或者你工作既行業,你讀過既專業, 呢D都係會係你最了解既

唔好以為隨便聽過人係公眾地方講個消息就會賺到錢,佢講既野未必100%真,因為你唔熟,你唔會知, 而且你都唔會知講呢樣野俾你聽果個人之前已經買左幾多,靠自己了解,再等待好價錢出現, 只要做幾次對既投資, 已經好賺過你做百次既買賣…

所以結論係,最好既情況係集合好多各能力圈既人,去分析每一個行業既前景,再選擇出最好既行業,所以我都希望識多D唔同能力圈既人,大家可以多D討論,寫住咁多先…..寫寫下寫得仲長過原作者就更加無人睇,haha


http://www.gelonghui.com/p/174164.html


作者目前對投資的基本理解：

1、買股票就是買公司。所以同樣價錢下買的公司是不是上市公司並沒有區別，上市只是給了退出的方便而已。

2、公司未來現金流的折現就是公司的內在價值。買股票應該在公司股價低於其內在價值時買。至於應該是40%還是50%（安全邊際）還是其他數字則完全由投資人自己的機會成本情況來決定。

3、未來現金流的折現不是算法，是思維方式，不要企圖拿計算器去算出來。當然，拿計算器算一下也沒什麼。

4、不懂不做（能力圈）是一個人判斷公司內在價值的必要前提（不是充分的）。

5、“護城河”是用來判斷公司內在價值的一個重要手段（不是唯一的）。

6、企業文化是“護城河”的重要部分。很難想像一個沒有很強企業文化的企業可以有個很寬的“護城河”。

由首季數據看中國經濟步伐

夜左出post,唔知仲有無人睇到~

想講下今日幾單新聞~都係首季數其實用電量升,工廠生產增加,下游消費又增加,經濟基本面係好左

1.風電

首季風電發電量增長好強勁,至少20%,最多45%,但上年度新增產能唔多,以新天綠色為例,上年產能增15%左右,但首季發電增40%,大唐最誇張,產能增4%,發電量增45%,之前因為部份省份電網用唔哂d電,有剩就浪費左,今年首季睇黎應該有大幅度改善,但應該集中某d省,大唐為例,吉林,黑龍江,山東,山西,比較增長大,內蒙甘肅都有明顯增長,集中東北三省及較北部省份...呢d省之前都係棄風最嚴重地區,睇黎已經大為改善...今年首季用電增有雙位數增長,加上煤價強,影響火電發電量(龍源火電發電量跌13%),風電如果估值修幅,起碼升多六個月...

大唐新能源(01798)公布，今年第1季完成發電量496萬兆瓦時，按年增加45.92%

華能新能源(00958)截至3月31日止3個月，公司完成總發電量718萬兆瓦時，按年增長19.8%。其中，風電發電量683萬兆瓦時，按年增長19.8%，太陽能發電量34.3萬兆瓦時，按年增長19.6%。

新天綠色能源(00956)公布，今年第1季完成發電量約250萬兆瓦時，按年增加40.02%。其中，風電發電量約248萬兆瓦時，按年增加39.87%，太陽能發電量約2.8萬兆瓦時，按年增加54.61%。

昨天出既

龍源電力（916）集團公佈首季累計發電量13,603,763兆瓦時，按年增長20.61%。其中風電增加33.16%；火電減少13.42%；其他可再生能源發電量減少14.25%。

-------------------------

2.手機鏡頭

唔係好清楚點解3月d單咁旺,但聽聞今年新機集中第2季出,估計有影響,因為首季中國手機出貨量係同比減少,少左出貨無理由仲有大單,咁都係照估計第1季少左新機出,第2季集中出,睇黎廠商仍然睇好手機市場,競爭會好大,呢個行業我認為風險較高,不宜太長線,一兩個月時限應該ok

舜宇光學(02382)公布2018年3月各產品出貨量。手機鏡頭出貨6,069萬件，按月升11.3%，按年增50.6%，主要是因公司手機鏡頭市場份額的上升。

丘钛科技公布，2018年3月份，攝像頭模組産品銷售數量達1756.7萬件，環比增長73.9%，同比增長50.2%。指紋識别模組産品銷售數量達753.6萬件，環比增加約100.3%，同比增加約25.7%，主要受春節假期後行業銷售的季節性回升，以及客戶項目周期所影響。

------------------------------

3.其他

d消費類公司首季都1x%增長,香港本土為主既包浩斯同店都好似唔錯,不過個人不太喜歡呢間野....

海信科龍(00921)公布，2018年第一季營業收入89.74億元人民幣(下同)，按年升16.41%，歸屬於上市公司股東的淨利潤2.87億元，按年升12.38%，每股收益0.21元。

寶勝國際今年首3個月綜合累計經營收益淨額55.09億元，按年增加17%。

包浩斯國際(00483)公布，今年首季，自營零售業務的同店銷售增12%，當中港澳、台灣、內地同店銷售分別增16%、增5%及跌4%。截至2018年3月底止年度，該集團同店銷售按年增長3%