2015年8月30日 星期日

2015上半年業績 (未完成)

2015上半年業績 (未完成)
上半年業績真係睇到頭都大埋....
因為碰巧8月份跌市,好多股票估值奇低,有D比起2008年海嘯時更低....
例如大家都好熟既內銀,PB係已經低過海嘯時,內房都差不多接近歷史低位

如果肯定未來1-2年唔會唔會大幅虧損,個BOOK VALUE可以KEEP到,咁呢類股票一定有不俗升幅
不過呢兩個行業存在已久的憂慮會唔會未來1-2年出現,令個BOOK VALUE受損? 我不是專家,不知道
如果呢兩個行業有嚴重負面事件,對整體經濟影響都會好大.....

由於行業太多,只選個人有認識的行業講下,唔識既行業我也不懂分析

風電類,收入增長最高的是中國航天萬源,其次是協合新能源,金風應該都是高增長,增長超80%,因此利潤增長100-300%
大型風力發電企業華能,龍源,大唐等,收入增長30.9%-11.9%,利潤增長60%,或虧轉盈....
風電搶裝潮使設備銷量增加,公司趕於電價下調前完成組裝,因此推動上半年高增長
加上設備技術提升,風電企進入較低風速地區也能有良好投資回報,亦都加快投資建設速度....
所以發電,設備既公司都有好好表現,未來要取決於政策轉變,現時發電企估值真的低,算是中長線好選擇

電池股,未公佈業績,待寫

有色金屬類,這類公司都是歷史PB估值低位,如358江銅,3993洛鉬,都係因為受資源價長期處於低位影響
如果下一個上升周期開始,這類公司升幅就很驚人,但等了很久都未見資源價大升的日子...

黃金類,同樣低估值,金價一直走低是主因,近期傳聞QE4,全世界印鈔會不會導致黃金成為炒作對象?值得留意

汽車股,估值下調,但又不算十分低,低於6倍市盈率的只有長城及東風,其他吉利,廣汽,慶鈴預測8-9倍,
比亞迪一直都是過百倍PE,汽車需求增長放緩,私家車銷量跌,只有SUV升,電動車仍未有大盈利貢獻/仍然虧損
其實銷量數據反映銷量增長也不錯,只是減價戰,收入減少,增長減少,經營開支升得較快,利潤增長未如預期,
利潤增長低/減少,估值低也沒有吸引力,要待這種慘況過去才有希望,可能汽車零部件/汽車相關行業會較好
汽車銷售仍未出業績, 大家有印象的話都記得年初我曾看好汽車銷售,4-5月有一次升幅,但之後股價長潛
已經穿哂底,估值又是歷史新低,因為市場擔心汽車銷售轉差,庫存大影響銷售商資金鏈...
但部份銷售企業業績又未真的如預期差,可以留意表現較好的銷售企

飲品餐飲股,增長都是很普通,估值仍然比較高,普遍15倍以上,增長1X%左右
在現時低估值市況,估值及增長都不太吸引,未來增長也不會有很高的預期,預計餐飲飲品都難以跑贏大市

26X的醫藥,醫療及生物科技,仍然是表現最好的行業之一
普通收入,盈利增長都高於20%,估值介於15-30倍,是相對吸引的行業
講了很多次也要講,醫藥,醫療絕對是沃土,能十分輕易發掘輕易跑贏大市的股票
特別是現時市況較差,估值已大幅下調的時間,絕對是尋找中長線投資目標的好地方


70X的科技,手機,軟件,電商系列,又是一塊寶地,與醫藥行業都是有很多高增長的公司
不過現時市場都是很集中留意科技企業,估值上都普遍較高,就算市況差,跌幅不大

或反彈幅度很大,要等待大跌就加注才有較佳買入價格....
張貼者： 於 沒有留言:

2015年8月2日 星期日

十倍股該是什麼樣子?

又重新研究一下十倍股的特徵
這次很簡單,市值,市盈率兩個因素去睇
我只選3個時期去研究,因為重覆時段,很大部份都是同一間公司
這次睇2002-06,2007-11,2011-15
分別是大牛前期,大牛+金融海嘯股災,近期中國牛市
市值市盈率數據不公開了,可自行上網找,GOOGLE FINANCE都有相同功能可以自己拎數據

2002-06年中有160間公司,起點時市值0-5億的有131間,5-10億有4間,10-20億11間,20億以上13間(數據略有出入)
2007-11年中有215間公司,起點時市值0-5億的有163間,5-10億有20間,10-20億14間,20億以上10間
2011-15年中有190間公司,起點時市值0-5億的有151間,5-10億有17間,10-20億11間,20億以上10間

很明顯,多段時期升幅10倍以上的公司,初始市值介於0-5億,那麼,這些是什麼公司,爆升原因是什麼?

當中有好多都是借殼類,例如336華寶國際, 2006年借殼, 公司市值由2003年6月的800萬升至2006年12月132億
2002當時有數間借殼賭股,例如200新濠,2002年市值1.4億,2006年283億.....

部份公司是2003年沙士低潮出現極低價,所以構成10倍,例如592堡獅龍,2003年4月市值不足1億,2004年11月已經回升至33億

市值較大的10倍股與盈利/業務關係較明顯,例如思捷環球330,2002年時市值104億,2006年年底1060億
港交所同樣是2003年4月最低只有82億市值,2006年底升至909億...
中鋁2600市值2002年10月76億,升至2006年底939億....
紫金2899由28億升至593億,中海外發展688由33億升至677億....

另外,市盈率統計方面
2002-06年中有160間公司,起點時市盈率低於0,即虧損公司有100間,0-10倍PE有42間,10-20倍PE9間,20-30倍PE2間30倍以上3間
2007-11年中有215間公司,起點時市盈率低於0,即虧損公司有67間,0-10倍PE有118間,10-20倍PE16間,20-30倍PE0間30倍以上14間
2011-15年中有190間公司,起點時市盈率低於0,即虧損公司有83間,0-10倍PE有67間,10-20倍PE16間,20-30倍PE9間30倍以上15間

虧損公司普遍較多出現10倍升幅,可能借殼,可能轉盈,可能係大家所講老千妖股
低PE公司亦都較多10倍,可能是股災出現最低估值,例如2007-11那段時期,0-10倍市盈率公司多於虧損公司,可能有短期壞消息影響,或者行業低潮等因素
高PE佔比較少,因為多市場人士留意才會高PE,公司再有持續高增長較難,只會是少數公司可以做到例如騰訊

簡單D總結下,借殼股,莊股,基本上無咩可能最低位買到,邊個可以2003年就知2006年華寶會借殼上市,除非你可以預知未來,揀第一日爆升異動股都未必知果間有10倍可能
可能要升一輪,先有風聲傳出借殼,轉新業務,又或其他解釋唔到既原因,因此,基本上無人可以有把握低位買得到這類10倍股

合埋眼買隻撞,會唔會撞得中?而家香港市值低於5億既公司有121間,點撞? 基本上間間公司都差唔多樣, 要每間研究都好大工程, 而且可以獲得既資料唔多,大股東會唔會賣,你點估?佢自己都未必知,今日唔想賣,可能第2日就突然想賣。而且多數成交都唔會多

假設你有10萬,有D公司1日成交都無10萬
如果只用10%可投資額例如1萬去買中1隻10倍股賺10萬,
同訓身100%投資額10萬買中1隻1倍股,回報都係一樣,真係有必要冒高風險去買?投資唔係只係睇升幅, 高回報率低風險策略更重要....揸得安心都是重點.....

睇完這次統計,我仍然認為低市盈率+低市值策略是有效,但只有市場情緒差果時出現低市盈率才值搏,有時有D公司可以幾年都係低市盈率,通常間公司有問題先會咁,例如2010瑞年,亦都有D公司一次性收益造成低市盈率假象....公司所處行業低潮,市場唔看好才會有低市盈率機會,另外高增長是必要條件,無論高低市盈率,都需要高增長,而且是持續,低市盈率但無增長,都唔會有數倍升幅

投資有盈利業務既公司風險,只是較虧損既公司風險低一點點...其實有盈利公司都可以有好多陷阱,不少於虧損公司,每次選擇投資目標都要小心,因為投資誡律只有一條:不要虧損

10倍股是不常出現,降低一點要求,100%買1倍股或更可取.....
對於10倍股研究,相信暫時可以完結...
未來更集中以基本因素(包括公司內在因素與市場環境因素),尋找低風險倍升股,才是更值得研究的方向



張貼者： 於 沒有留言:
訂閱： 文章 (Atom)