2016年4月3日 星期日

對已經放棄的模擬投資組合檢討

如果係個GROUP夠耐既朋友都會記得我曾經整個D組合LIST
一兩年後既今日睇返當時既公司有D已經玩完,有D仲有增長~
我反思當初點解會揀呢D同埋呢類公司中途變化檢討返自己既錯誤,得出幾個結論

1.部份行業過去唔等如未來,過去數對未來預測幫助不大,當時以為果年增長OK,未來1年增長都會OK
但有D行業變化可以好快,好似興業太陽能咁,當政策補貼延遲,開工延遲,業績走樣,市場就會勁沽

華晨都係類似,2014年增長最強果年,但2015產能到頂就走樣了

2.盤數靚,低PE有增長,但無人炒,一直都升唔起,就係有古怪,例如2211金天醫藥,即係改左名既大健康國際,可以突然業績就走樣了,靚突然變醜了

3.以為行業最差過左,點知可以更差,例如華潤水泥,仲有2015組合既正通汽車,水泥股曾經有一段時間好轉過,但內房建設高峰過左,加上產能過剩仍未解決

但我相信總有轉好既一日,不過水泥可能需要走出去

4.要持續股價保持上升趨勢真係好難,一定要持續跟進~
如果好似個組合咁放低半年-一年唔理,就會遇到兩極既變化

5.持續股價上升既公司例如舜宇,南車,百富,奧普呢D
都係需求持續增長,技術含量高既公司,雖然面對競爭但仍然保持到市場佔有率,甚至佔有率持續上升,保得住收入增加,要賺得少都難,有競爭力,毛利率想跌都難

經過檢討之後,以後選股原則改變左
1.低PE高增長繼續係重點,但一定要有走勢配合,無勢唔會考慮

2.基本面仍然重要,但三份表數據重要性下降,表外數字更重要,例如市佔,銷量,加上公司發展計劃,市場需求,技術壁壘,如果無表外數據,唔考慮,唔熟市場唔考慮

3.由於一個人時間有限,要持續跟進行業發展先可以發掘機會,所以能力圈係重要,只集中於自己有能力了解既行業,另外,選定未來有強勁需求既行業都好重要,睇返過往幾年增長強既行業都係某幾個,2016-2020年需求最大既行業會係投資重點


我只係一個好普通既散戶,但我會努力令自己變得不普通