6絕,今年6絕真的很絕,恆指跌近5%,
6月最後一星期,恆指跌1.31%,
6月最後一星期,內房明顯最慘烈,內房相關股例如鋼,重機,機械類,傢私,物管,水泥都大跌
雖然6月內房銷售數據同比增長仍然強但市場仍然強沽內房
表面上消息只有傳國開行減棚改PSL,內房發債受限,
持重貨者點解會突然肯定內房銷售會有困難,而不斷沽貨呢?
另一邊內房用自己錢回購,管理層仍然有信心....
以往內房跌,好少牽連產業鏈一同大幅下挫 但今次真係比較特別
,PSL影響睇下面人地點講,我就無時間探討
https://zhuanlan.zhihu.com/p/38523919
如果連水泥都大跌,睇黎市場覺得融資難對內房新屋建設影響比較大
航空股,紙股
如果以幅度計航空股係跌得最慘既板塊....航空股被雙殺,油價大升,人民幣急貶人民幣短期應該貶完,油價中長期仍然睇升,航空股不宜投資紙業股都係受人仔貶值影響
莎莎,周大福,香港零售數據仍然OK,但零售股強轉弱
教育股
估值仍然貴,調整未算好深,但個人對佢地商業模式不太大興趣
靠收購維持增長唔太健康,但政策好似有推動,環境對佢地仍有利 短線應該仍強但我都係無咩興趣~哈哈
賭股
賭股出左6月數低過預期大跌,其實6月頭已經開始跌緊,同大市一齊跌 6月世界盃真係會有影響既,但我擔心既係內地房價轉冷,賭股高增長難持續 其實賭股基數係高,同比再有高增長唔易,加上內房真係轉冷既時候,賭股更冷
預期改變對股票香港較為深遠,因為要等下次預期改變時間通常比較耐
汽車股
6月首3周銷量跌9.5%,高增長後變下跌周期,前2年既明星,今年可以抖抖了
http://www.cpcaauto.com/newslist.asp?types=csjd&id=8668
強勢股
例如藥股最強石藥1093都開始下跌,生物科技都調頭向下
估值極高既開始回跌,
申洲唔受貿易戰影響都俾人沽貨...
強股通常係最後跌...強股都頂唔住應該有一段時間回落....
A股股市自年初下跌,上證跌13.9%,深成跌15%,滬深300跌12.9%,環球股市中最差,比得上出現危機既阿根廷股市(-13.4%),同土耳其股市差唔多(-16.3%)...
土耳其,阿根廷今年都係受美元強勢影響最大既國家,兩國貨幣今年累貶超過20%然後勁加息保住匯率,今次中國股市匯價變化,會唔會都係好似新興國咁,資金流出新興國家,暫時無數據可以確認,但中國6月既情況同新興國4-5月情況極相似...
分析：为何土耳其与阿根廷是最脆弱的新兴市场 https://cn.reuters.com/article/turkey-argentina-emrg-market-weak-link-0-idCNKCS1IM0EP
未來會如何發展?
如果增長預期扭轉為低增,高估值將不再,調整需時,
如果經濟出現問題,增長預期改為衰退,會出現熊市,但暫時未見
不過有D古怪事情出現左,例如違約增加,人民幣大貶,A股持續走低
資金流出情況持續的話,減債去槓桿會影響資金由資產流去減少負債
對任何資產價格都有一定壓力,流動性高既股票最先受影響 要再睇埋債市同埋樓市走向,暫時都無咩資料肯定到
都係注意返風險,唔好太進取...
而家個市係有D味,但未肯定係咪火燭,可能只係煲燶野,仲有得救既
