2020年8月31日 星期一

6820 友誼時光 業績及股價大跌分析

 因為之前出過篇免費推薦文講手遊,推過6820,加上平時係GROUP/PAGE有講下,所以應該有谷友都入左6820,今日業績後大跌,都要寫返篇分析俾大家睇下發生了什麼事?

講一講業績先~

收入增34.5%達10.5億,主要係2019年底出既浮生為卿歌上半年收入4.9億帶動,其他遊戲只有5.6億收入,其他遊戲收入同比跌28%,變成一隻遊戲佔公司收入47%,上年同期熹妃Q傳佔46.5%收入,公司都係有一個依賴單一遊戲傾向,都係同之前睇法一樣,單一遊戲爆款(收入大),可以推高公司增長好多,但收入跌,就拖累公司好多,雙刃劍,機會同風險都好大。

不過公司而家好似走緊一條比較新既路,6820之前既GAME以我所知故事性係有,但不如浮生咁強,但今年公司打算將浮生推5部曲(應該係網絡文學,長篇小說),後年會出浮生2手遊,呢個我估係其他公司比較少採用既方式(至少我睇過既公司/手遊都唔係行呢種),呢種方式類似金庸文學+手遊,不過金庸巨著係手遊出現前已經出現左幾十年既文學巨著,之後衍生出電視劇+電影+漫畫+遊戲,就算有睇過/無睇過金庸,都可以透過以上衍生品了解到金庸世界,成為鐵粉! 好多遊戲都係取自文學去衍生出黎,古龍(不過而家少有)、西遊記(呢個最多),或者由其他動畫漫畫衍生出遊戲(呢個最多)。

由手遊成功再衍生其他商品比較少例子,Fate(SONY果隻)應該係最多人識既遊戲再出動漫文學既例子(原來最初係18禁文字遊戲),6820正係用呢個方式去做,成唔成功要時間先知,中國係呢方面真係比較弱,之前有熱門文學轉電視劇(TVB買佢返黎播我先知個名,好似都係宮廷古風類但無睇),但近期中國都開始多左熱門網絡文學轉手游既例子(唔記得D名),同埋要由藉藉無名,變成人人都識,除左本身有好強既創作團隊,仲要一段好長時間,但當成左名,keep到就可以keep住賺,不過我懷疑浮生果類宮廷古風故事係咪真係可以長青? 之前有D熱門過一排但又無人提(我唔睇呢d,唔熟,但至少還珠格格好似無再見人講)。呢d真係太長遠既野,講返d短野。

毛利增1.9億至6.88億,增幅38%,毛利率由63.7%增至65.6%,ios app store抽佣係抽30%(最底有link),而6820遊戲主要係靠ios app store收人課金錢,不過我要搵下佢係抽佣後袋左落袋先計收入,定係抽佣前個數計,公司業績成本部份只提到分銷平台收取的分銷成本、伺服器相關費用以及運營人員薪酬福利,如果ios抽左30%,剩返4.4%係其他成本又好似唔太合理。

其實到目前為止業績都無大問題,問題係開支,公司毛利之後只拆3個開支,1.銷售開支,2.行政開支,3.研發開支,

1.銷售開支,由2.03億增至3.79億,增1.76億或86%,呢個真係好驚嚇,我估好多投資者或基金都估唔到佢咁大開支,管理層話有大部份(2億幾,聽唔清)都係浮生既推廣開支,浮生4.9億收入,毛利率65%去估,3.18億毛利,扣左推廣開支得幾千萬賺,仲有研發開支+稅未計,所以管理層話浮生用6個月時間做到盈虧平衡,下半年先帶來利潤,有分析員問其他手遊都係3個月就平衡(我估市場睇錯佢都係因為咁),點解浮生要咁耐,管理層話隻遊戲上左先用錢谷,而唔係前期就谷所以咁樣。大約係Q3每月3千萬推廣,Q4更少,我估下半年浮生應該1.5億推廣開支,比上半年應該少5千萬至1億。

2.行政開支,由上年2,758萬,跌至今年2,168萬,主要係因為上年有1,154萬上市開支,剔走呢個上年就係1,604萬,增35%,增幅合理,或564萬,幾百萬影響不大。

3.研發開支1.3億,增2300萬,正常。

經營利潤1.75億,增9%或1500萬。就係因為銷售開支增太大,如果推廣開支少5000萬,利潤已經可以增40%,咁就另一世界~HAHA不過無得如果..而家諗下下半年咩情況

浮生上半年4.9億,下半年應該更多,因為1-2月都岩岩開始,基數低,下半年應該略高於上半年,我估6-7億問題不大,其他手遊跌幅呢個難估,下半年應該有新遊戲(但又好似唔覺聽到管理層有講,隻此生無白應該就出),暫時當無,上半年舊手遊5.6億收入,當下半年再跌20%,4.5億,照咁睇上下半年收入應該差唔多,樂觀少少去睇2020全年收入22億(2019年16.9億)。下半年其他開支變化不大,而推廣開支減少5000萬,經營利潤下半年2.55億。全年4.3億。同上年差不多,估計今年有好增長要靠cut開支或者浮生表現比預期更好。

今年全年低增長機會大,所以現價市盈率12.6倍左右,貴定平,要睇大家自行判斷,之前市場俾到17-18倍市盈率,都係預佢有3X%增長,但而家無增長,會俾幾多? 我答唔到,公司上市未夠一年真係無咩數據參考,同業更加無得參考,心動2400點解仲可以值幾十倍市盈率?我要睇睇先答到。

盤數無預期咁,所以俾人洗倉是今日大跌原因,大家都可以睇到課金收入(網上有數據,俾錢就見到),但公司開支只能靠估,所以睇黎好多市場既人都估錯左。

未來靠新手遊或者網絡文學,漫畫果d要出左再睇,暫時浮生月活躍都係2百幾萬用戶,基數仲係好低,要拉高呢個數先有得增長,網絡文學/漫畫要受歡迎拉新客入去課金手遊,起碼要一年先見成效,要慢慢培育一個IP(知識產權),短線俾人炒起機會不大(反彈唔計啦,我指短線要創新高機會不大),有心長線先好買黎坐。




苹果为App Store收30%分成辩护:我们的开支也很高

https://tech.sina.com.cn/i/2019-05-29/doc-ihvhiews5537326.shtml

2020年8月24日 星期一

收費欄資訊(持續更新)

為咗答謝大家對我的支持, 現在續約發掘10倍股12個月有八折,續約六個月有八五折。

優惠碼:

6 month 15%off: RenewEdward6

12 month 20%off: RenewEdward12


今日係17號,收費欄推出滿月既日子~
1個月升級版半價優惠,將於9月19日完結~
之後係半年及12個月優惠(訂戶專享,已出)
到目前為止,已經寫左22篇文,字數無5萬都應該有4萬幾~

希望繼續寫到D好股好策略,幫助大家資產增值...
簡單講下20篇文大概包括什麼~順便做個一個月既回顧

  • 寫左TSLA及BYND呢兩隻比較熱門既美股分析~
  • 有一隻比較少人睇既美股+一隻都係少人講既港股~
  • 仲有寫左買賣技巧3篇~上半年港股及美股業績+行業分析
  • 仲有因應上半年業績既50隻精選港股名單...
  • 仲有幾篇講十倍股既分析,同選股策略有關既野...
呢個月內容應該都算豐富吧?

多謝各位支持


常見問題

1.優惠碼用唔到
解決方法:

i如果彈左/轉左頁面,請等10分鐘再試

ii只適用於1個月升級版,基本版/六個月/一年都不適用

2.俾左錢睇唔到

解決方法: 搵CS (下面有聯絡方法)

3.想用其他支付方式(如轉數快/PAYME)

解決方法: 搵CS (下面有聯絡方法)


訂閱遇到任何問題

聯絡返CS

whatsapp 6113 3596

或者打電話 2217 2705




華富收費欄

https://www.quamnet.com/channel/%E7%99%BC%E6%8E%98%E5%8D%81%E5%80%8D%E8%82%A1/ac199f41-bc3e-463b-b98d-269bd9113ca2


基本版

主要討論基本知識,例如:選股策略及買賣策略等等,為初學者打好基礎,讓大家率先了解Edward的選股系統,如果認同就可以選擇進一步訂閱升級版。除此之外,更會加入過往十倍股的分析研究文​​章,協助大家了解選股系統是根據什麼選股,背後是有統計數據的支持,更經得起數十年時間驗證的選股系統。

其實可能跟某些投資大師選股原則類似,不過Edward混合了不同大師的原則,制定了這套獨一無二的系統,再加上近期過往十倍股作例子,相信市面上亦沒有類似的內容。如果想自己選股,訂閱基本版已經足夠。

1. 基本知識 (選股及買賣策略)

2. 過往十倍股分析

3. 問答 - 詳盡給予最有用的意見

 

升級版

當中已包括基本版內容,更會有Edward未來可能倍升的股票提示,如果已經倍升,更可以知道繼續倍升的機會,倍升數次就會成為十倍股,任何十倍股都經歷倍升階段,所以會以倍升作首個目標,再繼續研究倍升可能性從而發掘十倍股。

除了認為可能倍升的股票之外,更會有行業分析,了解整個行業才能了解公司於市場的競爭力,行業發展潛力是否強,足夠強才可以誕生十倍股。

1. 基本版所有內容

2. 潛在倍升股名單

3. 倍升公司行業分析

4. 問答 - 詳盡給予最有用的意見

農夫山泉(9633)與中國飲料市場

 農夫山泉(9633)

招商寫左好多行業既野,我寫D佢無既野

業務
好簡單,係湖同山抽水,跟住過濾再殺菌消毒,入樽,運去各銷售地方賣俾人飲。業務真係無咩好講,始終賣水呢樣唔係得佢有,其他公司都做緊,佢係市佔最大,但佢D對手都唔弱。佢業務模式要複製都唔難,只係品牌難複製。

中國飲料市場
我拎左招商證券張圖黎睇,因為招股書無好長歷史包裝水市場既圖,做個參考。
公司招股書P.63弗若斯特沙利文寫,2014年-2019年包裝水市場年複合增長率11%,預計2019-2024係10.8%,呢個預計我通常只參考,之後都唔會一樣,我認為會低D,我覺得呢版最值得留意係咖啡,2014年-2019年年複合增長率29%,其實好高,所以LK瑞幸同埋Starbucks點解會狂搶市佔就係咁解,功能飲料係第2高增長,呢個都要留意,不過中國市場d公司好似都無上市,但我最好奇係水,竟然排到第3高增長,比果汁、茶增長更高。

之後果頁有軟飲料排名,第1,a公司,美國公司,100%肯定係可口可樂,b公司非上市公司應該係娃哈哈,農夫山泉舊死對頭,C公司台灣成立,應該係康師父。第4就農夫。如果只計包裝農夫排第1,排第2係華潤怡寶(新死對頭),之後先到娃哈哈及康師傅。其他例如果汁受茶都係康師傅排1/2。雖然康師傅係龍頭但過去幾年收入增長都係持平。


收入

得3年數,近2年增長都係17%,水佔公司收入60%,其他佔40%,2018及19年水收入增16.4%及21.8%,水都係收入增長主要來源,唔係靠其他非水產品。所以睇水得啦唔洗睇其他。

睇水銷量2018+20%,2019+23%,平均售價略跌,價都升唔起要靠量衝,但個量又升得唔錯。但如果價一直跌會拖低毛利率,生產成本未必成日都跌。毛利率一陣再講。

成本
原材料最多,原材料主要為生產瓶身的PET、瓶蓋、標籤、糖及果汁(公司寫既)。個膠樽最貴,3蚊支水,個樽成本係4毫子,不過呢個我之前睇康師傅都知,唔係咩秘密。最神奇係取水及處理成本,極低,做143億包裝水生意,取水同處理成本只係1.35億,3蚊支水呢個成本只係3仙...製造費公司無講係包咩,公司咁計之下成本就係43.9%。



毛利
2018年毛利率略跌,令毛利增長得11%,2019年毛利率回升,毛利增21.9%。呢d差異化低既產品要加價唔易,你諗下出面咁多牌子水,你貴過人少少,銷量都差左。毛利率風險大但近2年波動又唔算好大。


其他開支同最後淨利潤已經唔重要,直接飛去睇現金流吧啦


現金流與現金+債務
呢個應該無乜人講喇,我講多D,公司近3年現金都係差唔多4X億,經營現金流D現金去左邊?

公司最強就係個現金流,2017同2018經營現金流同利潤差不多,2019就經營現金流比利潤多左10億,主要係存貨減少同埋預付款減少各5億左右影響。每年資本開支(買機器設備果D),過去3年就22,33,33億,咁所以過去3年經營現金流入165億,資本開支88億,自由現金流就有76億左右,跟住公司上市前2019年派左96億俾股東(其實大股東HOLD 8X%,即係主要佢自己拎返哂),但係近3年多左76億又點有錢派96億,好簡單,問銀行借左22億,所以流動負債無啦啦有22億計息借貸,因為上到市就有錢還,所以無問題。其實大股東都計到好盡下。
其實公司現金流咁勁,都不缺錢啦,公司之前有冇派息俾股東?應該有,但唔知做乜儲3年先一次過拎96億(應該同上市有關,但上市之後h股股東只佔3.47%),2017及18年都係拎左3億幾咋。


招股價市值相當於...........
上限價就2405億市值,利潤2021年有100億(樂觀地睇),預測市盈率24倍,消費股黎講合理範圍內,自由現金流可能有60-70億,但會唔會派高息?就算派哂都只係3%左右息率,應該唔會派哂,亦都唔會高息,派咁多息都係落返大股東個袋。

呢隻其實好乾下,H股股東持貨市值只有84億元(仲有好多係機構投資者),市值2400億,有心夾高唔難,公司不缺錢又上市,可能之後想回流A股,港股通又入到,炒到上40-50倍市盈率唔奇,投機機會多過投資機會,如果IPO抽都可以考慮,但未必首日大升,我估上市一個月內大升機會大D。


風險

我覺得最值得講反而係風險,習大大叫大家惜食,全國就惜食,如果有一日,習大大要廢除膠污染,推廣用水機裝水飲,人人帶個水樽出街,商場裝哂收費水機,塑膠樽裝水就肯定玩完。