認識內地融資融券(securities margin trading),與股災預測

融資=香港借孖展買股票
融券=香港借貨沽空

中國融資融券歷史超短,約5年
2010年3月才開始試行~
沪深交易所规定，融资保证金比例不得低于50%。
槓桿唔算高,不過直至4月23日滬深兩市融資餘額17,695.9萬億RMB
一年前只是4000億....增加13,695萬億,或340%
1年前2000點左右,現時43XX點....

市場平均擔保比例一年前為:227.88%,現在4月21是263%,因價格上升,以下資料解釋擔保比例計算,比例跌至130%斬倉,例子

维持担保比例=（现金+信用证券账户内证券市值总和）/(融资买入金额+融券卖出证券数量×当前市价+利息及费用总和) 

强制平仓是券商控制两融资产风险的最后手段。当融资投资者的维持担保比例降至150%时，券商将向投资者发出风险预警通知。当融资投资者的维持担保比例降至130%时，券商将通知投资者在2个交易日内追加担保物。投资者追加担保物后的维持担保比例不得低于150%。如果维持担保比例降到130%以下，券商为了保证融出资金的安全，将强制卖出投资者提供的担保物。

去年年中昌九生化重组预期落空，导致股价连续无量跌停。由于市场上没有成交，投资者融资维持担保比例即使跌破强制平仓，也无法卖出个股偿还融资，导致损失所有本金。

http://blog.sina.com.cn/s/blog_a04c6f260102v8rd.html

簡單D講,
例子1,你有10萬現金,拎左5萬出黎做孖展買10萬蚊股票(50%比率),剩返5萬現金

10萬蚊股票之中,5萬係融資金額,5萬本金
另加5萬現金,
(現金+股票)/融資額,15萬/5萬擔保比例就係300%...

 例子2,10萬用哂黎孖展,融資10萬,買20萬股票(最高50%),
20萬股票,10萬本金,10金融資額
現時股票20萬,$0現金,融資額10萬,20萬/10萬,比例200%
最極端借到最盡的情況....

例子2極端情況下,股票市值跌25%,得返15萬,就要預警,因為15萬/10萬=150%
跌到13萬,-35%,比例130%,要補現金入戶口,俗稱補倉,如果2個交易日內無錢補倉~就會被斬倉,沽清13萬股票,證券行可以收返10萬蚊,你就剩返3萬蚊...

 風險係,如果股價跌多過50%,例如股票市值得返9萬蚊,券商拎返9萬就要蝕1萬,集體連環跌停,券商就會虧損,通常他們有風險控制,某類股票風險高,可能未必借太多俾客戶,風險算可控.....

問題來了,2007-08年,中國股市由6000點跌至1800點時候,係未有融資買賣,所以係無槓桿,股災威力不大,但如果現時槓桿增加,出現股災,殺傷力就驚人....

 2010年3月融資開始有,上證是3000點,跌至2012年10月2000點,跌幅只係33%,但2011年融資餘額只是3-4百億,就算一齊平倉威力都不大...

2014年7月起,融資額急增這段時間,沒有試過大跌,1月19日大部份跌停是小股災,但資金仍然充裕情況下,仍然撐得起,市場仍然有良好預期,例如一帶一路,改革紅利,互聯網+,再生能源,水十條等等,投資者仍然樂觀,新增開戶仍然很多,資金流入續撐起股市

因此,個人預測,中國仍然降準降息的預期下,市場資金仍然持續增加,融資餘額仍然會上升~

短期股市利潤會流入實體經濟,市民消費增加,企業降低融資成本,合併收購投資增加,短期支持經濟增長,2015年出現股災機會微,但股市波動會較大,119人踩人事件有機會重演數次.......

引爆泡沫因素,市場資金減少,融資額過高,預期過份反映至市場由樂觀轉為保守,要令大部份投資者恐慌既因素暫時想不到,政府不會發放這個訊號,之前加強證管融資,鼓勵沽空預期,已令股市震盪,政府立刻解畫澄清

 有什麼是政府控制不到的外在因素,令投資者恐慌???暫時未想到,之前都是外國金融危機,影響全球股市,但歐洲日本放水,美國收水,外國金融危機要再睇

中國暫時CPI未大升,通漲仍平穩,
如果通漲急升,中國被迫停止放水,可能會引發股災

 預期股災前有一段頭肩底或雙頂形態,上下波幅但橫行格局,有時間俾投資者逃生

股災可能2017年出現,除非這兩年中央出手調整降低市場風險
經濟回復較佳增長,公司盈利上升,開放市場引入外國資金投資
以海外資金流入,換取國內融資額流出平倉
滬港通,深港通就是其中一個方法,讓外資接貨,是一個可行辦法
融資金額高係一條導火線,但不代表不能潑水淋熄或剪短佢

中國政府操縱市場能力很強,仍然有很多政策措施可用
暫時無需太擔心股災,暫可繼續放心投資


參考資料
百度
http://baike.baidu.com/view/431144.htm?fromtitle=%E8%9E%8D%E8%B5%84%E8%9E%8D%E5%88%B8&fromid=1628138&type=syn

2015年4月9日 (2900億成交額)

雞犬皆升時代,真係好難數得哂個市有幾多垃圾被炒起

何為垃圾?指盈利極低或蝕錢既公司

今日喪炒垃圾經典包括聯華,雨潤食品,

聯華過去幾年盈利同比下跌幅度係-45.3%,-84%,-42.8%
由2011年賺7.7億之後2012-14年賺4.2億,0.68億,0.39億..
今年會賺多十倍? 你話呢?
另一隻雨潤2012至14年利潤,蝕6億,賺4359萬,賺5677萬....
今日聯華升44%,雨潤升30%,可以點估到佢地會炒呢2隻野?
一隻做超市,一隻賣豬肉,兩隻都唔係主題股,
大媽經濟學又用唔著,股市大賺會去多左超市買野/食多左豬肉??
又講唔通.....

另外有隻偉志升22%,有人有印象既話會記得我提過,本來見佢業績好似好好

但分開上下半年睇,下半年盈利倒退,咁又炒高22%,解釋唔到~

亂升都無咩好講,唔通仲叫人入咩,不如睇下有咩未升~
所以今日整左個跑輸大市LIST,日均成交過3百萬,3月30至今升少過10%
https://docs.google.com/spreadsheets/d/1iLh459rrhH09xMiNjaOZW6DE65PFMn3-OSMlQFT9pto/edit?usp=sharing

入面有唔少係之前當炒既殼股,好似光啟科學,志道國際,坪山茶葉呢D....
殼股就唔推,揀返D有實際盈利既公司....

有盈利但呢幾日跌既公司已經無乜,
澳優(01717)係少數,可仲有珂萊蒂爾 (03709)

仲有創科實業669.....仲有中國金屬利用.......

有升但升得少既公司

體育用品業有幾間

2020安踏,2200浩沙,1968匹克體育

服飾股係假數重災區,升幅比較弱~
升得少既得虎都2399,卡賓2030.....
鞋有富貴鳥1819,呢隻之前炒過,同埋九興1836
曾經係內地人至愛既PRADA1913要跌10%

汽車銷售有幾間已經大升例如正通,中升呢D,
未升既有潤東1365,和諧汽車3836.....
汽車股有北京汽車1958,長城汽車2333.......

強泰環保1395之前好似熱炒但呢排算升得少....
通達集團698真係估唔到比較弱,比巨騰國際3336升得少~
兩間做殼既都升得少過做手機或手機鏡頭或手機MON既公司~

餐飲股,味千,翠華,呷哺呷哺升超過20%

唐宮升15%,都係內地人熟悉既餐飲~
未升既有港資大家樂341,大快活52,佳景703
不過唔係內地既未必有人炒.......

以上只係揀D未升既出黎俾大家睇,唔係推介!!!!
因為部份公司體質不佳(不過聯華雨潤都唔係好)
中獎定中陷阱,各位自己計算風險回報率.......

大家可以留意返自己熟悉未升果D,
真係太多行業總有D未郁,有無人炒真係無得計,睇彩數~
你熟佢知佢基本面唔差,但未必有人有興趣炒~但至少唔會跌太甘~
呢D位唔想再叫人高追了,都係果句要買一早買左
我之前SET果個模擬組合好多都升唔少~
2月呢篇升3成幾至1倍.....
http://edwardten.blogspot.hk/2015/02/blog-post_21.html

放假果陣寫既餐飲汽車銷售又開哂車....
係呢堆未升既搵下,呢堆都升埋就無野好講喇~

2015首季回顧

唔少股都係3月最後一星期急升,3月30-4月2這段時間反彈

估計有唔少公司出完業績,基金重新部署影響,
這才能解釋港股成交連續4日過千億,部份股票反彈幅度較大

另外原因是內地資金流入港股,當中包括不少港股通成交額....
3月30-4月2港股通成交額平均約50億,高於之前只有幾億/十幾億

開放公募基金推升左唔少港股通既股,但非港股通既股升幅更強....

今次主要探討一些反彈股,因為2014年高點至年底跌幅較大既公司
在第一季升幅較強,當然2014強勢股有些仍然好強...
今次主要回應返年結果時頹勢股3個月後表現(有時間再回應強勢果邊)

這個表主要是選了2014年高點至年底時下跌超過30%股份,
之後在2015第一季升跌幅,黃色果2行,如下表,但有D數係錯
如果合股,拆股,佢無調整,要留意
https://docs.google.com/spreadsheets/d/1d8CabGU_h-yDz9xoBNP8Jy0TaVd-Lvo3PlbjBJLAVe8/edit?usp=sharing

我將升,與跌分開,再以行業分類來看...排序以行業平均升跌幅排序
先講反彈股,即第一季繼續升既股
睇住個LIST再睇文字,因為我係順住落去寫的

第1個金威資源,曾有GROUP友提過,有睇過應該都知我地叫佢109巴士...
因為轉型而炒起,但早幾個月已經有人收風講過,不過對於呢類股,無人可以估頂

亦都只有故事,未有具體計畫,難炒,大家可以上網搵下相關資料

之後2-3個行業都唔太熟,但可以講下保利文化,佢下半年業績唔係好~
所以基本面無咩野好講(我亦未睇佢業績),但佢累跌較多....
3月30-4月2呢個星期升得最勁,不過佢唔係港股通名單內.......
所以係咩資金流入我都好難而家答到你,未有數據....
只可以估計有部份資金專炒落後股...業務穩定既公司....

708網遊手遊,呢個行業一定係3月之星...
好多間公司3月內見底急彈升了30%-110%以上....
當中代表一定係8002IGG,自從公佈業績之後開始慢慢升~
又係30號至2號果個星期彈得特別勁....
IGG,博雅,騰訊都可以解釋,但484雲遊點解釋???
雲遊係入面最無希望果間,都跟升3成幾,D錢真係唔理基本面?
只係同行業就衝入去,我覺得一定唔係外資衝呢D,要衝都衝騰訊....
騰訊因為太大間所以升幅只有3成......但佢係破左頂.....

仲有隻2100百奧都係長潛急彈既股,之前一直無人炒,一炒又喪炒..
近排都係好多這類一窩蜂湧入一隻股的情況,2100曾經在FACEBOOK專頁提過
提過佢之前人事變動,但下半年業績又不是有太明顯回升.....
IGG係我之前定的模擬組合入面其中一間,雖然一開始就一直潛...
但而家已經反彈返上去,由跌轉升了,如果賺返多D錢,仲會有得升....
由悲觀/行業低潮轉樂觀/賺更多錢,果種升幅係好驚人...
但通常股價先行,當你知道行業轉好果時通常已經炒得7788...

如果一直有跟開8002IGG應該會入左,無入就問自己點解而家先黎諗啦

巨星國際2393,我無咩深入睇過,齋睇增長我覺得唔算特別勁
除非佢今年有新野出我唔知,佢做醫療野果部份增長係幾好....
但要解釋3月30-4月2幾日時間由2.55升到最高4.1達60%
真係好難解釋,佢又唔係港股通股份.....
又是未知資金流入,好難解釋...

汽車股,比亞迪係港股通,吉利都係....
比亞迪同吉利都係因為2014年急跌過,所以首季彈返上黎波幅較大
比亞迪電動車一直是市場關注,雖然仲未見盈利有咩大好...
吉利反而有首季銷售數據急增利好,新車大賣及俄羅斯影響消退因素~
其他車股例如長城,華晨都累升不少,北汽出完業績都創了上市後新高
東風廣汽則較落後...........

大家如果還有印象,石油燃氣設備係2014年頹股首幾位,
但第一季油價雖然未見好強反彈,只是止跌,設備股已經反彈不少~
例如惠生工程,山東墨龍,中集安瑞科....
山東墨龍係深圳有上市,係AH股

963華熙生物科技,業績出果陣覺得佢唔錯,之前有人炒左一排~
但之後又潛在一排,升得最勁既果段又係30-2號呢4日時間
其實963同手遊股有一個相似地方...又係2014年1-3月被勁炒高

之後1年時間潛水,到左2015年3月先又有人炒返....
同一批資金離開再入場,好整齊,背後無形之手是什麼?我都好想知

電力設備股博耳出完業績就一直升無停過....
東北電氣係AH股,不過係A股係深圳上市

中國白銀815,應該大家都熟悉,出完業績破頂創新高~
不過30-4月2呢幾日唔算炒得勁~都係橫行多
老恆和都係業績前俾人炒起,但之後橫行,4月2成交大有D升幅

乳品股,亦是2014年重災區,但首季升幅驚人,代表公司一定係合生元

又係一潛潛到無力彈起,但一彈就勁彈果類公司...
好難理解而家D資金反差太大,變臉變得幾快....

唔數哂,實在太多,小總結....

除左小部份公司人升佢又升之外,
大部份公司都係因為基本面由差轉好所以升幅唔少...
幅較多既都係行內做得好果D,做得唔好果D就升幅少....
另外炒A+H股差價都係現時主流,但基本面都係差....
跟住想講下2014跌得勁,2015首季都係跌既公司
第2,3,4季有機會倍升既行業,應該係呢度搵...
上面升左1倍果D再升1倍唔係無機會,難過未升果D囉.....

首3個行業都係細公司,申銀萬國其實合股拆股,唔係跌得勁.....
3315金邦達寶嘉,如果大家有印像我係PAGE講過佢IPO D錢仲未用
但突然死過翻生咁又有人炒真係唔知炒什麼

彩票股,近排又傳網上彩票開返,唔知堅定流,
達芙妮,其實之前有睇過俾網購打到好傷,應該幾難救得返....
無咩出路,仍然會係繼續俾人打殘,近期發展未睇.......
1396毅德主席曾經唔見左,好似未搵返,有問題既公司唔掂住........
美容化妝真係好殘,SASA個價超殘,有機會彈,但香港零售仲衰緊~
四環出唔到業績,仲未復牌,復牌可能有人炒返,但可能一開已經好高.....

餐飲業我覺得有希望,而且可能係好投資時機...但要揀價殘果D
餐飲好難輸,除非酒樓呢D成本高既,做快餐未見過會衰一世...

大家樂大快活呢D做極都有,翠華真係跌左唔少,味千都係,佳景更加係跌得恐怖
呢3間都會值得留意,我已經留意緊佳景集團....雖然我唔太LIKE佢D管理層同D人...

汽車銷售股,我年底時曾經看好既行業首季仲未彈,仲頹緊...
睇完業績同部份公司策略之後,我覺得呢個行業2015年絕對有機會~
有D公司踏入4月開始見資金流入,例如正通汽車1728,4月2勁升12%
有時間希望趕得切升之前寫返一篇汽車銷售分析

石油設備有D已經升彈,有D仲潛緊水,我未跟過,所以都好難解釋

澳賭股D數仲好差,首季仍然係重災區.......
當D人轉左去炒股,仲有幾多人去澳門賭???
唔去澳門賭,佢地有D去左柬埔寨,所以之前POST過3918金界首季數超靚~
不過賭股又股息係好吸引,價係十分殘,
但30至2號4日都無升幅,都是等有人炒才跟,升幅應該也不錯~
短期玩住其他先,賭股擺埋一邊先~

內房,又係重災區,就算政策放鬆,都係炒定先,政策出急升但即日回跌返~
之後都見有資金繼續流入撐住股價慢慢升....
內房要轉勢都係要長D時間,大家可以繼續留意樓市數據
暫未見有回暖現象.....

睇完,可以講下之後留意咩行業

1.餐飲,2.汽車銷售....係頹股中較有機會第2,3季發力的行業

個市都係繼續由無形之手推起,已經推升左唔少既股,有機會短期調整~
所以我建議大家留意4月1,2日成交異動果D股,會係短期較好選擇
要穩陣既揀D未升既股...或只係升左幾日既股....

個市已經KEEP住升左唔少,想揀平股應該難,要入市,不如考慮止賺....

相信有玩開既都成手貨,一係升左唔少,一係睇住人升自己無咩點........

策略就自己睇返自己情況,而家呢刻係合埋眼買升幅榜都賺錢既時間
提大家小心D好過叫大家高追....

柴靜言論重點與可能發生的事情

終於花了時間看柴靜的穹頂之下

簡單講重點
霧霾是什麼?即係香港人成日講既煙霞,早幾年前香港成日見唔少,近年好似少人講

我估原因都係同珠三角地區工業減少有關,煙霞成份是工業生產排放既PM2.5細少微粒,有害性原因是它太細少,

人體器官阻止唔到佢進入肺部,積聚在肺部引致肺炎及癌症,部份細少得可進入血管,到達心臟引發心血管疾病...

煙霞何來?

主要是燃煤,其次是柴油車,仲有揚塵/油站/食肆油煙等
邊個燒最多煤? 發電廠,鋼企,水泥廠,
準確D講,發電佔50%左右,鋼企9%,水泥8%左右,
發電方面柴靜反而少講,主要講鋼企,因為北京周邊就係煉鋼大省河北

柴靜講過網上呢個數據,全世界煉鋼排名第1:中國(不包括河北),第2:河北(不包唐山),第3:河北省唐山市,

http://bbs.tianya.cn/post-333-542014-1.shtml

再睇睇地圖,唐山就係北京東邊,海風一吹,你估會點?

所以最近幾年北京空氣污染嚴重,是因為河北省鋼企經營困難有很大關係

用煤,用柴油,其實無問題,問題係監管不力,環保部無權,執行困難
煤其實洗過就乾淨,污染物減少,點解唔洗煤?因為增加成本,而家鋼廠利潤率極低,洗埋煤就要蝕

發電廠好D,有D會裝環保裝置,因為有錢賺,但具體數據都係無

柴油車同樣,國1車扮國3車,查到都罰唔到,其實呢度要改唔難,運輸業應該唔差,而家油價跌係機會升級

鋼企只要淘汰落後產能,將供應大減,價格回升就會有利潤改善到,但引伸另一問題,就業

如果將產能大減,工人可以做D咩工? 產業升級轉型,增加新興產業吸納工人是辦法
英美以往既經驗就是如此,

另外增加油氣比例,減少對煤炭依賴,是一個方法,都係參考英美經驗

不過柴靜將黑暗面挖了出來,所以被打壓了,中石油....

中國的石油天然氣70%來自中石油,一家企業壟斷,又點會考慮創新

中國石油天然氣探明儲量足,但開採量低,沒有競爭為什麼要大量生產導致價格下降?

中石油主要對手是其他國家進口,但進口又是政府控制了

中石油只要控制價格與進口價一致,產量不需多...

如果你是中石油老板,你有既油田,總藏量1000桶油,你會慢慢每年產10桶油出黎,

定係每年產100桶? 很明顯了吧,天然氣也一樣,中國大後方俄羅斯平價供天然氣

為什麼要產大量天然氣,而且能源關乎國家能源安全...

中國煤炭多,沒有壟斷公司,多小型煤礦競爭,所以煤炭消耗成為主力

商業角度,環保呢個行業點解一直都做唔起,做唔大?
因為商業模式問題,環保業客戶全部都係公司/機構

對於公司黎講,環保開支是不能帶來額外收入的開支...

如果你請多一名員工,可能會為你增加多一筆生意,

買多一部機器,就可以增加產量,但如果買多一部除塵機/洗煤機呢? 什麼收入也沒有增加

所以,只能靠政府去推動,政府點推? 提高標準,落實執行

現時中央補貼鋼企既錢不少,目的是維持就業,控制價格

產能過剩唔係今日先出現,政府一早知道了解,但沒解決,原因有很多

將這些補貼轉而扶助環保業,是可行方法,做法有很多種

未來方向會是,扶助環保業,改善環保的商業模式

污水現時可以將污泥(0成本)再造成其他產品,環保公司靠這些賺到錢,收費有下調空間

當收費可以下調,更多企業就會有興趣投資改善生產方式,

懲罰也是增加企業經營成本的有效手段,犯法成本低,企業不會做,成本高,就會肯做

環保企業現時與空氣有關既,香港好似無,A股應該有(但應該好貴),香港污水處理既多

但同今次霧霾關係不大

鋼企那邊只能淘汰產能,但低技術工作如何重新就業就幾頭痛
令鋼企重新盈利是重點,如何提高鋼價,應該2方面入手,增加需求,停止供應增長

一帶一路,增加基建,保障房同棚改投資,中央開始做緊,需求應該會增加

停止新增產能都在做,但成效很難說...希望會加強執行

鋼企盈利有本錢就可以提高環保標準,鋼企公司可以留意(未有人炒)

中石油改革其實傳左好耐,之前傳將油站業務分割出售,但一直未見

將中石油拆骨,分成十多間公司引入民資都是傳了一排

未來成事機會大...多名相關官員已經被拉下台,但還要拉多少個?

石油,天然氣相關企業都有機會,有機會因為收購中石油業務而變得更強大

另外減少用煤發電,增加天然氣/光伏/風電/核電都是大方向...炒左好耐

電價定價機制亦需改革,水價/天然氣價都會繼續有改革

至於,新能源車,未必會有太大幫助,雖然用電係無污染排防,但燃煤發電仍然有排放
反而柴油車升級,換車潮有機會出現,只要政府補貼就可以,未來可能有一次柴油車升級補貼....

香港其實已經實施左一年多柴油車更新補貼,

http://orientaldaily.on.cc/cnt/news/20130117/00176_015.html
http://www.epd.gov.hk/epd/tc_chi/environmentinhk/air/prob_solutions/Phasing_out_diesel_comm_veh.html
問題是,中國未有一家企業可以生產到高標準柴油車,是限制了補貼的原因

中國之前的汽車補貼,中國自主品牌車企有受惠,中國政府也不想益了外資企業

補貼這個可能再需要等待一下

市場每次聽到消息就炒作,但是不是炒對了? 我看並不是全也對

反而覺得是市場可能遺漏了某些真正受惠的公司或行業

那間公司會真正受惠?要再詳細的分析

利率與樓宇購買力的關係

這篇是入門級課程,解釋加減息對樓宇購買力的關係....

可能有人已經識,但我覺得未必有很多人了解,所以寫一篇

物業,通常是借貸購買,原因不解釋太多,不是這次要說的事

以下是基本財務知識...學校不會教,讀財務才會教...有D可能係常識

影響樓價購買力的幾個控制因素

1.按揭成數

即付出多少%首期才可以申請貸款
9按,即付出樓宇價格10%為首期,90%為按揭貸款

以300萬既樓為例,9按,30萬首期,270萬貸款,但9按通常要買保險,這方面下次再講

現時一律6按,即至少要付出樓價40%.300萬樓,至少要俾120萬作為首期,

最高仍可做8按,門檻提高,目的是令儲備較少的人不能申請貸款買樓

儲備較少的人可承受風險也較少,

從銀行角度,他們的風險下降,300萬樓價下跌40%
銀行的樓宇資產也是等值,借給你180萬,你斷供佢收樓,賣左都值180萬,無蝕...
但借給7按,借左210萬俾你,你斷供,佢收樓,賣得180萬,佢要蝕...

銀行體系就受影響,最終影響經濟

2.利率

利率是香港政府不能控制的,因港元與美元掛勾,跟美國息率,以穩定匯率

但減息使購買門檻下降,加息使購買門檻上升....

用以下按揭計算機就可以理解

http://www.centajob.com/mortgage/calc.asp

樓價300萬,按揭成數90%,還款年期25年,9按保險1次過俾,

以上項目不變,可變項目只係利率,利率4.5%時,每個月需供款$15,007

利率下降1個百分點至3.5%,供款降至$13,517

再降1個百分點至2.5%,供款降至$12,113

代表什麼? 假設供款入息比率不變同樣是50%,
4.5%利率的時候,月入需要$30,014,銀行才能批出貸款

3.5%利率時,月入只需$27,034就可以

2.5%利率時,月入只需$24,226就可以
假設100人入面,30014蚊月入以上既人有30個,
24226蚊月入以上既人有40個,即利率下降後,

同一價位可購買人數增加,300萬既樓需求增加,

假設有個海景單位,300萬,個個都想要,4.5%利率時30個人有資格爭...

2.5%利率時,有40個人爭,最後邊個爭到???價高者得,月入高既自然出高價搶....
當利率2.5%既時候,3萬蚊收入既人最高可出價格係37X萬....
即300萬既海景單位,,至少會俾人搶高到37X萬...

這是香港近幾年樓價大升原因之一

3.還款年期

呢個好少見有人用黎控制,限供20年/25年,都係影響還款,同利率控制一樣

同樣用之前計數機計,限供20年既話,每月供款14307,25年就12113...

可能其他工具目的一樣但效果較好,呢個唔洗用到

4.供款入息比率

今次有用到既工具,將比率由50%->40%....
又係上面個例子,2.5%息,300萬,25年,9按,每月供12,113

50%既話月入24,226...降到40%,每月入息要30,282先借得....

$30282月入既40%=12113.......

入息比率玄機可以參考這篇

金管局叫你唔好買樓？收緊供款對入息比率露玄機

http://www.vjmedia.com.hk/articles/2015/02/28/100537

5.稅項及其他

額外印花稅,增加炒賣成本,已經可以壓止短炒風....

http://www.ird.gov.hk/chi/faq/index.htm

買左之後6個月內賣出,印花稅=樓價20%,300萬樓要交60萬

6-12個月15%,12-36個月10%,即係樓價升得少,賣左就要蝕

基本上無得炒,但可租,另外,夠3年就唔洗額外,

引申一個問題,3年後放監,撞正加息,會唔會有大量盤一齊沽? 

絕對會,不過到時政府可以放寬某D措施,釋放需求,穩定樓價

總結,港府而家做既同中國差不多,之前中國樓價勁升,溫州炒樓團大家應該聽過

但之後中央政府出左類似措施,成交縮,而家樓價弱,成交少,中央開始放寬

只之放寬限購,調升按揭比率(好似係6按加到7按)

政府而家收緊係為未來提供放寬空間,穩定未來樓價....

我唔知係中央落命令定係港府自己決定.....

我個人認為呢D措施係好事,好處係

1.需求減少,供應增加,樓價上升幅度降

2.銀行體系風險降低

3.未來有放寬空間,若經濟轉差或加息高於預期,可支持樓價平穩下降

而家樓市係一個海洋公園一樣,已經逼爆,但仍然有人想入市....

政府而家限制儲蓄較多,入息較多既人先可以入海公(入市)....

限制左人流,海公可以平穩D,當第時經濟差,加息,多人離開海公(出市).....
政府可以放寬返,等多D人有返資格入場,托住海公人數,平穩發展....

政府其實可以有其他新方法去解決樓市問題
不過好似唔肯諗/唔肯做...

如果有一批樓係只可以租,但申請資格介於岩岩買唔起樓與輪唔到公屋之間

(即係入息/資產在某一個範圍),俾夾心人士暫住,佢地唔會長住...

樓市跌自然會考慮入市(因為佢地有能力買),係可以流轉.......

公屋租太低,根本唔會有誘因令富戶買樓,加富戶租金都係一個方法....

但係樓市供應唔夠仲逼佢地去買樓係唔得,呢招係跌市先可以出既方法....

香港人,忍一忍,逼政府起樓,減低外來人口進入香港,才是治本之策.......

估值很低,未來一年有機會轉身的行業

今天看了一本書,說以PSR(市值/營業額比率)來做估值,找被低估的股票
因營業額較穩定,利潤較波動,一時的虧損/利潤大降,就使市盈率急升/變負值

如果以低市盈率尋找投資目標,這類公司就不會被發現,因為P/E可能達1000倍

但可能只是一次性事件影響....這次我以PSR作估值找出一堆低估值行業

list在此

https://docs.google.com/spreadsheets/d/1U7eXxD1h_bXIvo9uV0hBceSE4OL-Bf3sFa_HN1yctLU/edit?usp=sharing

1.內房有最多低PSR的公司,有不少公司PSR仍在創歷史新低,因銷售面積預期增長放緩,加上內地房地產價格仍在下跌,一線城市跌幅較少,但2,3線跌幅仍頗大,國家統計局每月皆公佈70大中城市價格指數,大家可上網查找,暫時很難說房屋需求可回升,因內地房市比香港更複雜,城市房屋需求除了本地居民,還有農村移居城市人口,但移居又受地方政府限制,因此要再詳細研究一下,內房還有受貨幣政策影響...

2.內房不行,內房相關產業鏈建材水泥,家電,建築相關都受影響,因此要投資內房產業鏈,還需看內房走向,

3.汽車銷售,之前有很多不利消息,庫存大增,銷售利潤率低,平行進口(水貨)試行,資金鏈受壓,如沒車廠補貼,將出現虧損,還有限購措施,另外汽車銷售股不少都流動性低,每成日交額十分少,影響估值, 其實如果找2014陣痛行業,汽車銷售一定屬於,2015-16有機會走出陣痛的行業,很有機會是汽車銷售,換車潮將至,是今年轉運的機會,不公香港上市汽車銷售股以寶馬或日本車銷售為主,德系車會較有保障,日系銷售將被中國品牌侵蝕市佔率,這一兩年較為看好的行業仍是汽車銷售

4.有色金屬,有江西銅,中國鋁業,這類需求與房地產有較大關係,但短期都很難有大增長,價格很難有回升可能,還需要研究

5.手機相關,有COOLPAD,TCL,富士康,信利,信利已經開始有市場回炒,COOLPAD在中國應該很難做,因競爭對手越來越多,富士康盈利能力不夠強,TCL如果今年能達銷售目標,潛在升幅將不俗,因目標銷售1億部,比2014年0.73億部增36%...TCL與信利每月都有經營數據,可以留意

另外,我回顧了過往一年股價調整較多的公司,以準備尋找投資目標

但由於軟件數據庫有問題,部份股價錯誤

大家使用數據時請檢查是否正確
有數隻暴跌股是因為被沽空機構狙擊,例如天合化工,神冠,蠟筆小新等

有些是整個行業轉差,,例如澳門博彩,內房,手遊

有些短期開始轉差例如光伏,彩票,石油設備.食品飲品

有些是長期積弱例如百貨,餐飲,

有些積弱但短期轉好,例如家電,乳品,汽車,

本人選擇一些估值過低,基本面未似轉差的公司來說說

1.金邦達寶嘉3315,不知道為什麼被市場狂沽,股價走勢上形成雙底,公司2月12日首次回購股票,基本面看大行最近報告仍然看好未來2年有不俗增長,公司做銀行ic卡,2012年度開始收入高增長期,2014上半年收入仍增52%,行業不太了解,但印象中這家公司不錯的,如下半年保持上半年一樣的高增長,能發盈喜

2.慧聰網2280,呢隻睇過新聞,雪球,公司轉型,但業績未見轉差已經被人由14年3月24日最高$23.7沽左近一年沽到落而家$5.21,可以重新留意這家公司,如轉型成功,數倍升幅股,14首9個月淨利潤1.6億RMB,現時市值34.8億HKD,估值已見合理,當時覺得這家公司泡沫到爆,與當時手遊股一樣癲狂,這家公司業務比手遊穩定,電子商務仍具發展潛力,唯需時間再計算估值及未來增長

3.TCL通訊,這家已發盈喜,3月頭公佈業績的手機股,未必多人留意,雖然佢全球智能手機市佔在10名之內,但香港,甚至台灣及中國都很少人提及/有用其手機,它在在墨西哥、哥伦比亚、厄瓜多尔、委内瑞拉、加勒比海、安哥拉等国家和地区销售排名第一，拉美市场整体晋升为第二名，在北美市场实现排名第五。  http://www.tcl.com/News/detail.html?nid=1003 ,集團2015年銷售目標1億部手機,同比增36%,預計智能手機增60%,非智能降20%,2014預測p/e:7倍幾,2015有增長30%盈利,股價上返$10.5應無難度....(歷史高位10.8)

其他公司,有數隻半新股跌了不少,例如被人質疑多次的老恆和(2226),藥品設備相關受奧星(6118),科通芯城(0400),已公佈盈喜的中國白銀集團(0815),幾間汽車銷售企業如新豐泰,寶信,永達,正通汽車...都是可以留意的公司,另外之前寫廿大跌幅行業(http://edwardten.blogspot.com/2015/01/201420.html)有些行業的公司已經在1-2月炒起,例如乳品,殯儀,彩票今周都有開始異動,相信不同行業開始在不同時間重新受市場注視,今年繼續以博大跌股反彈為選股方式,從中找便宜的寶藏...

我亦增加2月模擬組合,加入以上3家跌幅較多的公司作觀察
其他公司待研究再加入
https://docs.google.com/spreadsheets/d/1RioZBNUQvYunIut0qs7fGrEktI_gAVKGpty5XHFcwpE/edit?usp=sharing

一張圖說明香港樓宇供求

樓市其實很簡單,主要需求來自新婚夫婦,當然亦有額外因素,例如外地來港讀書而要租樓,外地來港工作又要租樓,投資既需求(買樓收租)等,但這些每年只佔少數,而且沒有統計數據可找,我們暫時簡單化地了解新婚=新需求(當然有部份結左同父母住),暫時深入的問題不探討,只探求最基本需求,新婚住屋需求,如果連基本需求都未能滿足,加多額外需求,需求更大於供應...

供應量參考差餉署,房屋署統計數字,網上可查,公開資料,已經沒計拆卸量(每年千多套)

藍色線,香港統計署每年香港註冊結婚宗數,每宗=2個人=1個家庭,單方是香港人/雙方香港人都算在內,而領取無結婚證明書內地/外地結婚不算在內,當佢地移居....

紅色線,公私營落成量,公屋+私樓,單位為套....因為結婚之後有部份人住公屋,有部份住私樓,當然公屋唔係即申請即上樓,亦唔係個個都有資格上樓,只反映總供應

綠色線是將供應(落成量)減需求(結婚數),數值大於0等於供過於求,負數供不應求...

1994私樓供應增加,與3-4年前樓市有關,之後供應量都放緩,但供應剛好滿足需求
1997回歸之後供應大增,8萬5計畫有關,加上1995年樓市旺,發展商施工增,1999-2000建好推盤
1999年私樓落成量3萬5,接近歷史新高.........
公屋建成量都大增,達2萬7,是90年代新高,2000年公屋建成量達4萬7,是歷史新高.....

落成量大幅高於需求量,之前供應略多於需求,基本上之前沒有延遲需求.....
綠色線2004年前都是供大於求,但自從董生2000話8萬5不存在,供應開始下降...
多次經濟危機使發展商也減少施工,新供應開始一落千丈....
曾蔭權時代更惡化,無論公營/私營供應都繼續維持低位........

供不應求由2005年開始,直到2018年都會出現....
加上經濟向好,結婚人數2005年開始增加....需求上升,供應下降,供不應求更嚴重.....
導致過去十年樓市瘋狂,越來越狂....

2014年開始雖然供應開始增加,但供仍不應求
結婚人數2014年後維持每年4萬5是我估計,預期4-5萬之間
2014年後4年的公私營供應是政府提供的估計數字....

未來新增供應除了依靠建屋,
就是老年人口增加,部份人口離開(死亡或入住老人院)
但這方面比較緩慢,所以未來4年樓價升幅會收歛~
如果加上經濟問題或加息因素,有機會略跌,但大跌機會極微.......
除非失業率大幅急升,因為以前積落延遲購買需求仍然多....
他們有一定積蓄,有一定購買力未釋放,除非有其他原因消耗他們購買力...
暫時現時情況看,買樓的話,等多2年會較好