收費欄第二個月回顧

 9月17-10月17日，收費欄第2個月運作日子，回顧一下呢31日寫了什麼，再思考未來發展方向。

寫左17篇文，但有2篇是模擬倉，15篇左右，有一篇19號出的。

公司分析2篇

1.Square (SQ)

2.百富環球 (0327)

選股與買賣策略5篇

1.分辨公司如何成為10倍

2.如何在曾經十倍股起點揀得中10倍股? (以過去5年9倍以上美股做例子)

3.如何在爆升股爆升前買入? 形態辨識並介紹數間公司現時股價圖有類似形態

4.選股及買賣簡單整理

5.美國房地產公司及其ETF

行業3篇

1.未來5至10年全球衣食住行發展趨勢思考

2.美股50: 投資主題(行業)介紹

3.電商與經濟

估值加減速器2篇

1.估值加減速器思考

2.估值加減速器-以669創科作例子解釋

一周市況分析3篇

2020年10月5日至10月9日，一周港美股分析及一隻投機股介紹

2020年9月30日-港股50分析

2020年9月14日至9月18日，一周港美股市況分析

未來一個月計劃

1.買賣策略-思考較好的賣出策略

2.選股策略-暫時未有新,會以行業分析代替

3.行業分析-完成美股50果10個行業較詳細介紹,與美股50公司簡單介紹

4.一周市況分析會繼續寫

5.諗下有咩新類型題目,諗下新功能提供俾訂戶

收費欄資訊

http://edwardten.blogspot.com/2020/08/blog-post.html

ETF介紹，過去十年十倍ETF介紹 (簡單講下)

ETF介紹

首先介紹一個ETF網站先啦，我估應該都好多人知，但第一次接觸未必知，就係ETF.COM囉,哈哈

 https://www.etf.com/

個網點用呢? 介紹兩個常用功能，已經夠你地有排玩，一個screener，一個stock finder，應該最多人用既功能

Screener介紹

https://www.etf.com/etfanalytics/etf-finder

可以俾你揀某D類別既ETF,例如有

1. 商品ETF(之前講油都講過,油/黃金ETF)
2. 股票ETF(唔同行業組成既ETF)
3. 外匯ETF(例如LONG EUR SHORT USD既ETF，Bitcoin ETF)
4. 指數ETF/指數槓桿ETF (2X/3X,買升/買跌,咩都有)
5. 衍生工具(VIX恐慌指數果D)

其實選擇真係有好多，2328隻ETF，逐隻睇睇到眼花，用Screen就可以根據自己定既準則去篩，有排玩。

你揀左一個類別之後，Expense ratio，開支比率，重要性不大~

另外有個AUM，即係ETF市值，越多人買落呢隻ETF度，隻ETF市值就越大。

講下個AUM點黎先，ETF出果陣，通常發行果個本身已經有堆貨，例如1億美金，然後PACK做一個產品計好哂數，例如佢砌左個科技股組合，有30隻股票，按比例組合，A公司佔10%，B公司佔5%，一早定好(之後可以改或者定左規則就無得改)，跟住將呢堆股票打包，市值1億美金，就發行1000萬股，咁每股就係10蚊美金。

咁ETF入面D股票股價會有變動，日日都升升跌跌，咁收市會計個NAV比大家參考，亦都有合法莊家去調節股價，令到個ETF市值等如持貨總市值，例如原本發行果1000萬股，持貨人唔沽，有人要買，咁點，發行果間公司會發新既出黎，跟住係市場買返同等量既貨，去調節返，唔詳細講。大概知係點就OK。

曾經十年十倍ETF (2010年9月10至2020年9月10)

大約有14隻

第一隻係TECL +4044%

https://www.etf.com/TECL#overview

買標普500所有科技股，但做左3倍槓桿，基礎指數(XLK)升1%，佢升3%。

第二隻係QLD +2295%

https://www.etf.com/QLD#overview

買納指非金融市值最大果100間(主要都係科技公司)再槓桿2倍。

第三隻係UCC +1966%

https://www.etf.com/UCC#overview

買消費類股，但做左2倍槓桿，基礎指數(IYC)升1%，佢升2%。

其他好多都係槓桿左唔同行業既ETF包括半導體，生物科技或者保健類行業ETF，唔詳細講

XLK 十年來只升469%，3X 既TECL比基礎指數升幅還要多8.6倍

UCC都有相同情況，IYC+359%，UCC比IYC高出都有6.4倍

呢個我要再花時間去寫寫，可能放係收費欄寫。

另一個功能ETF stock finder

我覺我呢個比screener好用，例如有隻股票你好想做膽既，假設係TSLA先啦，跟住你想買哂佢成個行業股票(未必有)，可以用呢個功能去搵有邊隻ETF係最重倉TSLA，就好似下面張截圖咁。

可以見到FTXR現時係最重倉TSLA既ETF，睇個名應該係買納指運輸類股票，跟住你可以CLICK入去睇埋佢有冇其他股都係你心水，有既就緊係揀佢啦。第二隻個名又唔同D係環球汽車，第三隻個名係清潔能源，每隻都睇下總有隻你會岩或者會發現D有趣又未見過既ETF。呢樣就要靠大家發現了，我都寫唔到咁多。

買美股ETF相比月供港股ETF有咩好處?
1.可以1股1股咁買，睇返你想買咩，有D 廿幾美金一股，200蚊HKD一股，咁就唔洗至少要月供1000蚊，可以月供200蚊，或者1000蚊供5隻不同類型既ETF，彈性大好多。

2.如果你間證券行手續費夠低，咁你就唔洗蝕50蚊手續費俾銀行。

3.可以自由選擇幾時買，唔洗俾銀行限制你某日買。你可以等跌左好多勁買

4.隨時沽，銀行月供香港ETF一定有碎股，又收你手續費又略低市價。

5.多好很多選擇，呢個先最緊要嘛。

最後，都係廣告時間

至於我會點揀ETF?

會睇好邊D ETF既未來?

留返係收費欄再慢慢寫慢慢講~

要D時間做研究

如果大家有咩想問，FB留言問，除左問揀邊隻之外，其他野都會答既(應該)。

6820 友誼時光 業績及股價大跌分析

 因為之前出過篇免費推薦文講手遊，推過6820，加上平時係GROUP/PAGE有講下，所以應該有谷友都入左6820，今日業績後大跌，都要寫返篇分析俾大家睇下發生了什麼事?

講一講業績先~

收入增34.5%達10.5億，主要係2019年底出既浮生為卿歌上半年收入4.9億帶動，其他遊戲只有5.6億收入，其他遊戲收入同比跌28%，變成一隻遊戲佔公司收入47%，上年同期熹妃Q傳佔46.5%收入，公司都係有一個依賴單一遊戲傾向，都係同之前睇法一樣，單一遊戲爆款(收入大)，可以推高公司增長好多，但收入跌，就拖累公司好多，雙刃劍，機會同風險都好大。

不過公司而家好似走緊一條比較新既路，6820之前既GAME以我所知故事性係有，但不如浮生咁強，但今年公司打算將浮生推5部曲(應該係網絡文學,長篇小說)，後年會出浮生2手遊，呢個我估係其他公司比較少採用既方式(至少我睇過既公司/手遊都唔係行呢種)，呢種方式類似金庸文學+手遊，不過金庸巨著係手遊出現前已經出現左幾十年既文學巨著，之後衍生出電視劇+電影+漫畫+遊戲，就算有睇過/無睇過金庸，都可以透過以上衍生品了解到金庸世界，成為鐵粉! 好多遊戲都係取自文學去衍生出黎，古龍(不過而家少有)、西遊記(呢個最多)，或者由其他動畫漫畫衍生出遊戲(呢個最多)。

由手遊成功再衍生其他商品比較少例子，Fate(SONY果隻)應該係最多人識既遊戲再出動漫文學既例子(原來最初係18禁文字遊戲)，6820正係用呢個方式去做，成唔成功要時間先知，中國係呢方面真係比較弱，之前有熱門文學轉電視劇(TVB買佢返黎播我先知個名，好似都係宮廷古風類但無睇)，但近期中國都開始多左熱門網絡文學轉手游既例子(唔記得D名)，同埋要由藉藉無名，變成人人都識，除左本身有好強既創作團隊，仲要一段好長時間，但當成左名，keep到就可以keep住賺，不過我懷疑浮生果類宮廷古風故事係咪真係可以長青? 之前有D熱門過一排但又無人提(我唔睇呢d,唔熟,但至少還珠格格好似無再見人講)。呢d真係太長遠既野，講返d短野。

毛利增1.9億至6.88億，增幅38%，毛利率由63.7%增至65.6%，ios app store抽佣係抽30%(最底有link)，而6820遊戲主要係靠ios app store收人課金錢，不過我要搵下佢係抽佣後袋左落袋先計收入，定係抽佣前個數計，公司業績成本部份只提到分銷平台收取的分銷成本、伺服器相關費用以及運營人員薪酬福利，如果ios抽左30%，剩返4.4%係其他成本又好似唔太合理。

其實到目前為止業績都無大問題，問題係開支，公司毛利之後只拆3個開支，1.銷售開支，2.行政開支，3.研發開支，

1.銷售開支，由2.03億增至3.79億，增1.76億或86%，呢個真係好驚嚇，我估好多投資者或基金都估唔到佢咁大開支，管理層話有大部份(2億幾，聽唔清)都係浮生既推廣開支，浮生4.9億收入，毛利率65%去估，3.18億毛利，扣左推廣開支得幾千萬賺，仲有研發開支+稅未計，所以管理層話浮生用6個月時間做到盈虧平衡，下半年先帶來利潤，有分析員問其他手遊都係3個月就平衡(我估市場睇錯佢都係因為咁)，點解浮生要咁耐，管理層話隻遊戲上左先用錢谷，而唔係前期就谷所以咁樣。大約係Q3每月3千萬推廣，Q4更少，我估下半年浮生應該1.5億推廣開支，比上半年應該少5千萬至1億。

2.行政開支，由上年2,758萬，跌至今年2,168萬，主要係因為上年有1,154萬上市開支，剔走呢個上年就係1,604萬，增35%，增幅合理，或564萬，幾百萬影響不大。

3.研發開支1.3億，增2300萬，正常。

經營利潤1.75億，增9%或1500萬。就係因為銷售開支增太大，如果推廣開支少5000萬，利潤已經可以增40%，咁就另一世界~HAHA不過無得如果..而家諗下下半年咩情況

浮生上半年4.9億，下半年應該更多，因為1-2月都岩岩開始，基數低，下半年應該略高於上半年，我估6-7億問題不大，其他手遊跌幅呢個難估，下半年應該有新遊戲(但又好似唔覺聽到管理層有講，隻此生無白應該就出)，暫時當無，上半年舊手遊5.6億收入，當下半年再跌20%，4.5億，照咁睇上下半年收入應該差唔多，樂觀少少去睇2020全年收入22億(2019年16.9億)。下半年其他開支變化不大，而推廣開支減少5000萬，經營利潤下半年2.55億。全年4.3億。同上年差不多，估計今年有好增長要靠cut開支或者浮生表現比預期更好。

今年全年低增長機會大，所以現價市盈率12.6倍左右，貴定平，要睇大家自行判斷，之前市場俾到17-18倍市盈率，都係預佢有3X%增長，但而家無增長，會俾幾多? 我答唔到，公司上市未夠一年真係無咩數據參考，同業更加無得參考，心動2400點解仲可以值幾十倍市盈率?我要睇睇先答到。

盤數無預期咁，所以俾人洗倉是今日大跌原因，大家都可以睇到課金收入(網上有數據，俾錢就見到)，但公司開支只能靠估，所以睇黎好多市場既人都估錯左。

未來靠新手遊或者網絡文學，漫畫果d要出左再睇，暫時浮生月活躍都係2百幾萬用戶，基數仲係好低，要拉高呢個數先有得增長，網絡文學/漫畫要受歡迎拉新客入去課金手遊，起碼要一年先見成效，要慢慢培育一個IP(知識產權)，短線俾人炒起機會不大(反彈唔計啦，我指短線要創新高機會不大)，有心長線先好買黎坐。

苹果为App Store收30%分成辩护：我们的开支也很高

https://tech.sina.com.cn/i/2019-05-29/doc-ihvhiews5537326.shtml